Tadqiqot maqsadi: Yosh futbolchilarning jismoniy tayyorgarligini tarbiyalashning ahamiyatini taxlil qilishdan iborat.
Tadqiqot vazifalari:
- Mavzuga oid ilmiy-uslubiy adabiyotlarni o’rganish va amaliy tajribalarni umumlashtirish va taxlil qilish.
- Yosh futbolchilarning jismoniy tayyorgarligini tarbiyalashda harakatli o’yinlardan foydalanishni samaradorligini aniqlash .
- Olingan natijalar asosida murabbiylar uchun tavsiyalar tayyorlash
Muammoni o’rganilganlik darajasi.Yosh futbolchilarning jismoniy tayyorgarligini tarbiyalashda harakatli o’yinlardan foydalanish ko’pgina ilmiy va o’quv adabiyotlarida azaldan o’z ifodasini topib kelgan L.R.Ayrapetyans., O.O.Po’latov., A.Abdullaev va bosh.). Ushbu tadqiqotchi olimlar o’zlarining yirik ilmiy va o’quv asarlarida Yosh futbolchilarning jismoniy tayyorgarligini tarbiyalashda harakatli o’yinlardan foydalanishni atroflicha taxlil qilib berganlar. Futbol bo’yicha mavjud ilmiy, uslubiy va o’quv adabiyotlarida Yosh futbolchilarning jismoniy tayyorgarligini tarbiyalashda harakatli o’yinlarni qo’llash o’ta muxim shartlardan biri ekanligi ta’kidlab o’tilgan.
Mutaxassis – olimlarning fikriga ko’ra (Yu.V.Verxoshanskiy, V.N.Platonov, F.A.Kerimov, Yu.D.Jeleznyak, Yu.P.Portnov,) futbolni bolalikdan boshlab rivojlantirish maqsadga muvofiqdir. Ayniqsa harakatli o’yinlardan unumli foydalanish lozimligiga urg’u berishadi.
Shu bilan bir qatorda muayyan yoshli bolalarda futbol sport turiga xos, harakatli o’yinlarni tanlab olish yoki ularni moslashtirish orqaligina Yosh futbolchilarni xarakat malakalarini yanada samarali shakllantirish mumkin. chunki, futbolchilarning xarakat malakalariga va qobiliyatlari asosida mukammal tanlab olish futbol o’yini bilan shug’ullanish va o’yin amaliyotini rivojlantirshni muxim omili xisoblanadi.
Tadqiqotning ob’ekti: Yosh futbolchilarning jismoniy tayyorgarligini tarbiyalashda mashg’ulot jarayonlari.
Tadqiqotning predmeti: Yosh futbolchilarni tayyorlashda harakatli o’yinlardan foydalanishning vosita va uslublari.
