|
Pedaqoji prosesin tərbiyələndirici vəzifəsi ilə əlaqədar qanunauyğunluq. Pedaqoji prosesin həyata keçirdiyi üç başlıca vəzifələrdən biri tərbiyədir. Pedaqoji prosesin tərbiyə imkanları isə genişdir. Öyrədilən materialların məzmununda, öyrətmə üsullarında, müəllimin (tərbiyəçinin) nitqində, mühakimə tərzində, davranışında, görkəmində və s. cəhətlərdə bu cür imkanlar olur. Pedaqoji prosesin bu cür tərbiyəvi imkanları olduğunu biləndə, məşğələ zamanı həmin imkanlardan istifadə ediləndə onun tərbiyələndirici təsiri güclənir.
Lakin təlimin yalnız bir vəzifəsini - fənn üzrə bilik və baca- rıqların öyrədilməsini diqqət mərkəzində saxladıqda, onun tərbiyələndirici vəzifəsinə qayğı göstərilmədikdə gənc nəslin tərbiyəlilik səviyyəsini yüksəltmək çətinləşir. Başqa sözlə desək, pedaqoji prosesin tərbiyələndirici imkana malik olduğunu bilib-bilməməyin, həmin imkanlardan istifadə edib- etməməyin səmərəlilik dərəcəsinə dəxli vardır. Təsvir edilən hadisələrdə qanunauyğunluq özünü göstərir: pedaqoji prosesin tərbiyə imkanlarına malik olduğunu müəllim (tərbiyəçi) bildikdə və öz işində nəzərə aldıqda onun səviyyəsi yüksəlir. Həmin qanunauyğunluğun qanun formasında ifadəsi belədir: Təlimin tərbiyələndirici imkanlarından istifadə qanunu.
Dostları ilə paylaş: |
