Navoiy kon-metallurgiya kombinati

Sohibqiron Amir Temur(1336-1405). Amir Temur o’z davlati qudratini yuqori ko’tarib dunyoga tanitadi. Amir Temur johillik, yovuzlikni, zo’ravonlikni yoqtirmasdi. Insonparvar, adolatli hukmdor edi.
«Temur tuzuklari» hukmdor-ning hokimiyatni boshqarish qoidalari hamda odobaxloq me'yorini belgilab beruvchi yo’riqnomadir.
Haqiqatan ham, mazkur asarni turmush odobi, hulq-odob qoidalari tartib berilgan an'anaviy asarlar qatoriga qo’ysak boladi. Zero, tarixan talimiy-axloqiy asarlarning barchasida ham dastlab davlatni boshqarishga oid qarashlar, so’ng axloq me'yorlari bayon etiladi. Shunga ko’ra, bu asardan talimiy-axloqiy asar sifatida foydalanish maqsadga muvofiqdir. Amir Teraur asarda insonparvarlik, mehnatsevarlik, adolatlilik, vatanga sadoqat, jasorat, to’g’rilik, do’stlik va hamkorlik, mehr va muruvvat ko’rsatish, sabr-qanoat, yaxshilik kabi xislatlarni ulug’laydi va xiyonat, bevafolik, sotqinlikni qoralaydi.
Amir Temur jismoniy tarbiyaga katta e'tibor bergan. Sharqda dilovarlik tarbiyasi, ya'ni yoshlarda mardlik, jasurlikni tarbiyalash asosiy masalalardan sanalgan. Buyuk Sohibqiron shunday ta'kidlaydi:
«Cherik tuzib, navkar olmoqda uch qoidaga amal qildim: birinchidan, yigitning kuchquvvatiga; ikkinchidan, uning qilichni o’ynata olishiga; uchincbidan, aql-zakovatiyu kamolotiga e'tibor qildim. Shu uch fazilat jamuljam bo’lsa, navkarlik xizmatiga oldim. Negakim, kuch-quvvatli yigit har qanday qiyinchiliklarga, azobu uqubatlarga chidamli bo’ladi, qilich o’ynata oladigan kishi raqibini mag’lub eta oladi, oqil navkar har joyda aql-idrokini ishga solib, mushkulotni bartaraf etmog’i mumkin».
Xulosa qilib aytganda, Amir Temurning buyuk davlatchilik siyosati – mamlakatni ijtimoiy-iqtisodiy taraqqiy ettirish bilan birga tarix oldida ma'rifiy xizmatlari ham beqiyos.
Uning ta'lim-tarbiyaga oid o’gitlari, tutgan siyosati hozir ham o’z qimmatini yo’qotmagan.
Amir Temurning ta'lim-tarbiyaga oid ishlari, qarashlari hozirgi barkamol insonni shakllantirishda katta ahamiyatga egadir.