Nil T. Anderson buxovlari qiran

16
Buxovları qıran
olmaq  əvəzinə  İsa  gələnə  qədər  sabit  qalmağa  çalışaraq  bütün 
həyatları  boyunca  dumanda  sürünə-sürünə  gəzirlər.  Bunların 
bəziləri, şübhəsiz, əqli tərbiyənin çatışmazlığı və cismani təbiətin 
tərzlərindən irəli gəlir, amma bu, eləcə də düşməndən gələn al-
danmanı əks etdirə bilər. Mən belə əqli əzabdan minlərlə insanın 
azad olduğunu görmüşəm. 
Ə
sarət haqqında geniş yayılmış səhv anlayışlar
Bu  «səslər»  haradan  gəlir  və  bir  çox  həyatları  bezdirən  əqli 
çaşqınlıqlara  səbəb  nədir?  Əsarətdə  olan  insanlara  xidmətimin 
erkən dövrlərində bacarıqsızlığıma və uğursuzluğa düçar olmağıma 
əsas səbəblərdən biri bu sualların cavabını bilməməyim idi. Qərb 
dünyagörüşümdən  Müqəddəs  Kitaba  uyğun  dünyagörüşünə 
keçməyim düşüncələrimdə bir neçə böyük dəyişikliklər tələb edib. 
Ruhani aləm haqqında çoxlu dağıdılası səhv anlayışlara inanırdım. 
Ola  bilsin  ki,  məsihçiləri  qaranlıqda  saxlayan  bu  eyni  yanlış 
ideyalar sizə də mane olur. 
1. Məsih yer üzündə olanda cinlər fəal idilər, amma onların 
fəaliyyəti azalıb. Bu nöqteyi-nəzərlə razılaşan məsihçilər Allahın 
Kəlamında aşkarlanan hikməti qəbul etmirlər, onlar gerçəkliklə də 
üzləşmirlər. Əhdi-Cədid aydın bildirir ki, imanlılar ruhani qüvvələrə 
qarşı  vuruşacaqlar:  «Çünki  mübarizəmiz  qandan  və  ətdən  ibarət 
olan insanlara qarşı deyil, şər başçılarına və hakim olanlara, bu qa-
ranlıq dünyanın hökmranlarına, səmadakı ruhani şər qüvvələrə qar-
şıdır» (Efes. 6:12). Paul «şər olanın bütün yanar oxlarından» özü-
müzü müdafiə etmək üçün geyinməli olduğumuz ruhani zirehlərin 
hissələrini göstərməklə davam edir (13-17-ci ayələr). 2 Kor. 10:3-
5-də Paul yenə də dəqiq bildirir ki, imanlılar Allahın biliyinə qarşı 
dayanan qüvvələrin əleyhinə ruhani döyüşə giriblər. Əgər ruhani 
qara qüvvələr imanlılara artıq hücum etməsəydilər, onda Paul niyə 
onlardan ehtiyatlı olmağı və onlara qarşı silahlanmağı əmr edirdi? 
Şübhəsiz ki, Allahın zirehi imansız üçün deyil, imanlı üçündür. 

Siz kölgələrdə yaşamaya bilərsiniz 
17
Paulun birinci əsrdə haqqında yazdığı hökmranların və qüvvələrin 
hələ də iyirmi birinci əsrin başlanğıcında mövcud olduğu aydındır. 
Bizdə hələ də həmişəki kultlar və okkultik fəaliyyətlər var, amma 
«New Age» hərəkatının güclənməsinə fikir verin. Əlbəttə, «New 
Age» haqqında yeni heç bir şey yoxdur. İnsanlar Əhdi-Ətiqdə xa-
tırlanan  köhnə  spiritizmlə  məşğul  olurlar.  Onlar  yalnız  medium 
terminini kanala, cin terminini isə ruh bələdçisinə çeviriblər. 
Allahın  padşahlığı  Müqəddəs  Kitabda  əsas  mövzudur,  amma 
bu,  qaranlığın  padşahlığı  ilə  ziddiyyətdə  başa  düşülməlidir.  Ya-
radılışdan  Vəhyə  qədər  olan  döyüş  həmin  iki  padşahlıq,  Məsih 
və  Məsihin  əleyhdarı,  Həqiqət  Ruhu  ilə  yalanlar  atası,  Allahın 
peyğəmbərləri ilə yalançı peyğəmbərlər, buğda (Padşahlığın oğul-
ları) ilə dəlicələr (şər olanın oğulları – Matta 13:38-ə baxın) ara-
sında  gedir.  Ruhani  qara  qüvvələrə  qarşı  mübarizə  yalnız  birin-
ci  əsrdə  baş  verən  bir  şey  deyil  və  bu  günün  məsihçiləri  üçün, 
sadəcə, könüllü bir iş deyil. Qaranlığın padşahlığı hələ də var və 
şeytan hələ də «nərildəyən və kimisə aşırmaq istəyən aslan kimi 
dolaşır»  (1  Peter  5:8).  Buna  görə  də  Peter  belə  öyrədir:  «Ayıq 
durun, oyaq olun…Möhkəm imanla ona qarşı durun. Bilin ki, bü-
tün dünyada bacı-qardaşlarınız da eyni cür əzab çəkirlər» (1 Peter 
5:8, 9). Əgər sizin Müqəddəs Kitaba uyğun olan dünyagörüşünüzə 
qaranlığın padşahlığı daxil deyilsə, onda şeytanın sizə və dünyaya 
etdiyi  pisliklərə  görə  ya  Allah,  ya  da  siz  məsuliyyəti  üzərinizə 
götürməlisiniz.
2. Erkən məbədin şeytani fəaliyyət adlandırdığını biz indi 
psixoloji  xəstəlik  kimi  başa  düşürük.  Belə  fikirlər  Kəlamın 
həqiqətə uyğun olmamasını bildirir. İlahi vəhy qüsursuzdur. Şey-
tanın hücumlarından təngə gəlmiş mənim ilk məsləhət verdiyim 
məsihçiyə  həkimlər  şizofreniyanın  paranoyya  formasını  diaqnoz 
qoymuşdular.  Bir  neçə  dəfə  müalicə  etdikdən  və  xəstəxanada 
yatdıqdan  sonra  tibb  müəssisələri  ondan  əl  çəkdilər.  Diaqnoz 
onun  simptomlarına  əsaslanmışdı.  O,  demək  olar  ki,  qorxudan 
iflic olmuşdu və ruhani hücuma məruz qalan istənilən adam kimi 
mühakimə edən fikirlərdən təngə gəlmişdi. 

18
Buxovları qıran
Müşahidə  edilən  və  ya  xəstənin  aşkar  edilmiş  simptomlarına 
əsaslanmış  istənilən  diaqnoz  özlüyündə  problemin  səbəbi  üçün 
heç  bir  izah  vermir.  Şizofreniya,  paranoyya,  psixoz  və  s.  kimi 
terminlər  sadəcə  simptomları  təsnif  edən  adlardır.  Amma  bəs 
simptomlara səbəb olan nədir və ya kimdir? Səbəb ruhani, psi-
xoloji,  hormonal  və  ya  nevroloji  kimyəvi  funksiya  pozğunluğu-
durmu? Əlbəttə, bütün bu seçimlər tədqiq edilməlidir. Yaxşı, əgər 
fiziki və ya psixoloji səbəb tapılmasa, onda necə?
Təbii  dünyagörüşünü  məhdudlaşdırmış  dünyəvi  psixoloqların 
ruhani problemlər üçün təbii izahlar verməsinə təəccüblənməməliyik. 
Onların dünyagörüşlərinə Allah və ya bu dünyanın allahı daxil deyil. 
Hətta növlərin mənşəyi üçün bütün elmi izahları uca səslə rədd 
edən bir çox məsihçilər ruhi xəstəliklər üçün dünyəvi psixoloqların 
izahını sadəlövhlüklə qəbul edirlər. İnsanın ruhani problemlərinin 
elmi  metodla  araşdırılması  səhv  deyil;  bu,  sadəcə,  natamamdır. 
Bu,  ruhani  aləmin  təsirini  nəzərə  almır,  çünki  nə  Allah,  nə  də 
şeytan  bizim  araşdırma  metodlarımıza  tabe  ola  bilməz.  Effektli 
məsihçi məsləhətçisi olmaq üçün təbii və ya psixoloji ruhi xəstəliyi 
beyindəki ruhani döyüşdən fərqləndirməyi öyrənməliyik. Mən ruh 
düşkünlüyü haqqında təzəliklə yazdığım «Finding Hope Again» 
(«Yenidən ümid tapmaq») (Regal Books) kitabında bunu etməyə 
çalışmışam. Ruh düşkünlüyü bədən, qəlb və ruh problemidir, bu 
problemi həll edərkən hər üç şey nəzərə alınmalıdır. 
3. Bəzi problemlər psixolojidir və bəziləri isə ruhanidir. Mən 
inanıram ki, belə düşüncə yanlış ikiyə bölünməni yaradır, bu, in-
san qəlbi ilə ruhu arasında kəskin fərqi bildirir. Psixoloji olmayan 
daxili münaqişə yoxdur, çünki heç vaxt ağlınızın, emosiyalarınızın 
və iradənizin iştirak etmədiyi elə bir vaxt yoxdur. Buna bənzər 
olaraq ruhani olmayan problem yoxdur. Allahın iştirak etmədiyi 
bir vaxt yoxdur. «O, hər şeyi qüdrətli Kəlamı ilə saxlayır» (İbr. 
1:3).  Müqəddəs  Kitab  gözlərimizlə  gördüyümüz  təbii  aləm  kimi 
görünməyən  ruhani  aləmin  də  gerçək  olduğunu  təqdim  edir. 
«Çünki  görünənlər  gəldi-gedər,  görünməyənlər  isə  əbədidir»  (2 
Kor. 4:18). Müqəddəs Kitab Allahın zirehini çıxarmaq üçün hansı-

Siz kölgələrdə yaşamaya bilərsiniz 
19
sa bir təhlükəsiz vaxtın olduğunu heç vaxt qeyd etmir. Nə qədər 
ki  biz  yer  üzündə  yaşayırıq,  sınağa  çəkilmək,  ittiham  edilmək, 
aldanmaq imkanı həmişə var. Əgər biz bu fikirləri qəbul etsək, biz 
cavabların yalnız tibb sahəsindən, yalnız psixologiya sahəsindən, 
yaxud yalnız ruhani sahədən olduğunu daha fikirləşməyəcəyik. 
«Trinity Evangelical Divinity» İnstitutunda müəllimlik edən 
Dr. Paul söyləyir: «Müasir məsihçilər iki mərtəbəli dünyagörüşünə 
meyil  edirlər.  Allah  fövqəltəbii  mərtəbədə  məhdudlaşır  və  təbii 
mərtəbə müstəqil elmi qanunlara uyğun şəkildə fəaliyyət göstərir. 
Əgər məsihçilər belə düşünməkdə davam etsələr, məsihçilik dün-
yanı dünyəviləşdirən qüvvə olmaqda davam edəcək.»
4.  Məsihçilər  cinlərin  təsirinə  məruz  qala  bilməz.  Bəzi 
məsihçilər inanırlar ki, məsihçilərə cinlər təsir edə bilməz. Hətta 
şeytani  təsirin  problemin  bir  hissəsi  olduğuna  eyham  edərkən 
cəld  imtina  edirlər:  «Mümkün  deyil!  Mən  məsihçiyəm!»  Bu  cür 
düşüncələr məbədi münasib cavab verməkdən və hücuma məruz 
qalanlara kömək etməkdən məhrum edir və belə insanlar ümidsiz 
qalırlar, çünki yalnız bizlər onlara kömək edə bilərik. 
Ruhani problemlərə diaqnoz qoymağa bu yalandan başqa heç nə 
belə böyük zərər vurmayıb. Əgər şeytan məbədə toxuna bilməzsə, 
onda niyə Müqəddəs Kitabda Allahın zirehlərini geyinmək, şey-
tana qarşı durmaq, möhkəm durmaq və ayıq olmaq göstərişləri 
var? Əgər bizim şeytanın tələsinə düşməyə, yaralanmağa imkan 
verən  zəif  yerlərimiz  yoxdursa,  Paul  niyə  qara  qüvvələrə  qarşı 
münasibətimizi mübarizə kimi təsvir edir? Düşmənin dağıtma po-
tensialını  inkar  edənlər  ən  çox  təsirə  məruz  qalanlardır.  (Bizim 
şeytanın müdaxiləsinə və təsirinə məruz qalmağımız bu kitabın 
ikinci hissəsinin mövzusudur).
5.  Şeytani  təsir  yalnız  hiddətli,  yaxud  azğın  davranışda 
və böyük günahda görünə bilər. Mən pastor olanda illərlə belə 
düşünürdüm  və  ona  görə  də  bir  çox  məsihçiləri  bəhrəsiz  edən 
incə  aldanmaları  sezmirdim.  Düzdür,  bu  günlərdə  Luka  8-dəki 
«Legion»  adlı  azğın,  cinə  tutulmuş  adamlara  hərdənbir  rast 

20
Buxovları qıran
gəlinir, amma aldanmış məsihçilərin çoxu səbəbi və həlli tapıl-
mayan  şəxsi  və  şəxslərarası  problemlər  yaşayarkən  nisbi  nor-
mal  həyat  keçirirlər.  Onlar  şeytani  müdaxiləni  yalnız  qatillərə 
və ya dəhşətli seks cinayətlərinə aid etdiklərinə görə bu sadə, 
problemdən təngə gəlmiş fərdlər daxillərində nə baş verdiyini və 
niyə «yaxşılaşa» bilmədiklərini başa düşə bilmirlər. 
Şeytanın  birinci  və  qabaqcıl  strategiyası  aldatmadır.  Paul 
xəbərdarlıq etdi: «…çünki şeytan da işıq mələyi cildinə girir. Şey-
tana  xidmət  edənlərin  salehlik  xidmətçilərinin  cildinə  girməsi 
qəribə deyil» (2 Kor. 11:14, 15). Məbədin gücsüz olmasına səbəb 
bir  neçə  azğın  cinə  tutulmuş  adamlar  deyil,  «normal»  imanlıla-
rın həyatlarında şeytanın incə aldatması və müdaxiləsidir. Mənim 
«Məsihdə azad yaşamaq» konfransıma gələn bir məsihçi psixote-
rapevt demişdi: «Mən 15 illik məsləhətvermə işimdə sizin kon-
fransa gələnə qədər cinə tutulmanın əlamətlərini görməmişdim. 
Mən öz işimə qayıdanda məsləhət üçün yanıma gələnlərin üçdə 
ikisinin, eləcə də özümün əqlən aldandığımı aşkar etdim.»
6. Ruhani əsarətdən azadlıq şeytani qüvvələrin daha böyük 
qüvvə  ilə  toqquşmasının  nəticəsidir.    Ruhani  münaqişələrdən 
və  əsarətdən  azadlıq  böyük  qüvvə  ilə  toqquşmadan  gəlmir;  bu, 
həqiqətlə  üzləşmədir.  Şeytan  aldadandır  və  o,  nəyin  bahasına 
olursa-olsun,  gizlicə  işləyəcək.  Amma  Allah  Kəlamının  həqiqəti 
onu  və  onun  yalanlarını  ifşa  edir.  Onun  cinləri  işıq  görən  kimi 
kölgəyə qaçan tarakanlara bənzəyir. Şeytanın gücü yalandadır və 
onun yalanları həqiqətlə ifşa ediləndə, planları pozulur.
Mən uşaqlıqda fermada yaşayanda atam və qardaşımla məhsulu 
bölüşmək və kömək etmək üçün qonşumuzun fermasına gedərdik. 
Qonşunun  bərkdən  hürən  balaca  iti  var  idi,  bu  it  məni  yaman 
qorxudurdu.  İt  tindən  qəfil  çıxıb  hürəndə  atam  və  qardaşım  öz 
yerlərində dayanırdılar, amma mən qaçırdım. Sizcə it kimin dalın-
ca düşərdi! Balaca it yerdən mənə hürərkən kiçik yük maşınımızın 
üstünə çıxıb canımı qurtarırdım. 
Hamı bilirdi ki, özümün itə verdiyim səlahiyyətdən başqa itin 
üzərimdə  heç  bir  səlahiyyəti  yox  idi.  Bundan  başqa,  itin  məni 

Siz kölgələrdə yaşamaya bilərsiniz 
21
maşının  üstünə  tullamağa  əsas  gücü  yox  idi;  məni  ora  çıxaran 
mənim  inandıqlarım  idi.  Mən  yalana  inanmağı  seçdiyimə  görə 
itə icazə verdim ki, ağlımı, emosiyalarımı, iradəmi və əzələlərimi 
istifadə etsin, bunların hamısı qorxudan irəli gəlmişdi. Nəhayət, 
mən  cəsarətimi  topladım,  maşından  tullandım  və  tulaya  balaca 
daş atdım. Aaa… görürsən, necə qaçdı! 
Şeytan həmin bərkdən hürən balaca itə bənzəyir: Allahdan daha 
çox ondan qorxmaqla insanları aldadır. Onun gücü yalandadır. O, 
bütün dünyanı aldadan (Vəhy 12:9) yalanın atasıdır (Yəhya 8:44) 
və bunun nəticəsində bütün dünya şər olanın hakimiyyəti altın-
dadır (1 Yəhya 5:19). O, sizin Məsihdə olan mövqeyinizə heç nə 
edə bilməz, amma sizi Allah və özünüz haqqında yalanlara inan-
dıra bilərsə, onda siz yük maşınının üzərində çox oturacaqsınız! 
Onun təsirini əlindən almaq üçün sizə ondan bərk qışqırmaq və ya 
ondan güclü olmaq lazım deyil. Siz, sadəcə, həqiqəti bilməlisiniz. 
Allahın Kəlamına inanın, bəyan edin və siz şeytanın strategiya-
sını dağıdacaqsınız. 
Bu anlayış mənim məsləhətvermə işimə güclü təsir bağışladı. 
Əvvəllər məsləhətvermə işimdə şeytani təsiri ifşa edəndə bu, bö-
yük qüvvə ilə toqquşmaya çevrilirdi. Belə proseslə, mən məsləhətə 
gəlmiş  insanların  keyləşməsini,  otaqdan  qaçıb  getməsini  və  ya 
qəfildən karıxdığını görürdüm. Mən cinlərin üzərində səlahiyyəti 
öz  üstümə  götürməyə  çalışırdım.  Mənim  ilkin  yanaşmam  cinin 
özünü göstərməsinə nail olmaq idi; sonra mən ona çıxıb getməyi 
əmr edirdim. Bu hadisə çox vaxt məsləhətə gələn adamlarda əqli 
iztirab ilə nəticələnirdi. Bəzi irəliləyişlər olsa da, proses, adətən, 
təkrarlanmalı idi.
Amma  mən  Kəlamdan  öyrənmişəm  ki,  həqiqət  azad  edən 
amildir  və  bunun  hər  uğurlu  məsləhətvermə  görüşündə  həqiqi 
olduğu sübut edildi. İsa Həqiqətdir və əsirləri azad edən təkcə 
Odur.  İmanlı  üçün  güc  həqiqəti  bilməkdən  və  seçməkdən  irəli 
gəlir. Biz həqiqəti axtarıb izləməliyik, çünki Məsihdə bizə lazım 
olan bütün qüdrət artıq bizdə var (Efes. 1:18, 19-a baxın). Bun-
dan əlavə, əsarətdə olan insanlar mənim pastor və ya məsləhətçi 
kimi gördüyüm işlərə görə deyil, inanmağı, etiraf etməyi, inkar 

22
Buxovları qıran
etməyi və bağışlamağı seçmələrinə görə azad olurlar. Kəlamda 
bunun izahına diqqət yetirin: 
Onda  siz  həqiqəti  biləcəksiniz  və  həqiqət  sizi  azad 
edəcək (Yəhya 8:32). 
Yol, həqiqət və həyat Mənəm (Yəhya 14:6). 
Lakin O – həqiqət Ruhu gələndə sizə hər həqiqətə yol 
göstərəcək (Yəhya 16:13).
Onları dünyadan götürməyi deyil, şər olandan qorumağı 
Səndən xahiş edirəm…Onları həqiqətlə təqdis et. Sənin 
sözün həqiqətdir (Yəhya 17:15, 17).
Beləliklə, həqiqəti kəmər kimi belinizə bağlamış…olaraq 
yerinizdə durun (Efes. 6:14). 
Nəhayət, qardaşlar, doğru…bunları düşünün (Filip. 4:8).
Həvarilərin  işləri  5-ci  fəsildə  Allah  ilk  dəfə  erkən  məbədi 
tərbiyələndirərkən bunu çox güclü surətdə etmişdi. Məsələ nədə 
idi: narkotikdəmi, seksdəmi? Yox, məsələ həqiqətdə, daha doğru-
su, onun çatışmazlığında idi. Peter Xananya və Sapfira ilə üzləşdi: 
«Niyə ürəyinə şeytanı buraxıb Müqəddəs Ruha yalan söyləyərək 
torpağın pulunun bir hissəsini özünə götürdün?» (3-cü ayə). Əgər 
aldadan  şeytan  insanı  yalana  inandıra  və  həmin  yalana  əsasən 
yaşada bilsə, bizi məhv edə bilər. Allah istəyirdi ki, məbəd bunu 
bilsin. Ona görə də bizim «hər bir düşüncəni əsir edərək Məsihə 
itaət etdirməyimiz» çox vacibdir (2 Kor. 10:5). Əgər mən xəlvətcə 
məbədə, təşkilata və ya insana soxula bilərəmsə və onları yalana 
inandıra bilərəmsə, onda həyatlarını hansısa ölçüdə nəzarət altına 
sala bilərəm! 
Yaxşı məsihçi aldana bilər? Həvva aldanmazdan və yalana inan-
mazdan qabaq heç vaxt günah etməmişdi. Müqəddəs Kitabın so-

Siz kölgələrdə yaşamaya bilərsiniz 
23
nuncu kitabı son günlərdəki döyüşləri təsvir edir. Bu, zədələnmiş 
ailələr, seksə qurşanma, narkotikə aludə, cinayət və ya başqa əxlaq 
pozğunluqları haqqında kitab deyil. Əslində Vəhy kitabında hətta 
günah sözü qarşıya çıxmır. Məsih və Məsihin əleyhdarı (şeytan) 
arasında döyüş yenə də aşkara çıxır və aldatma şər olanın aparıcı 
strategiyasıdır. Tarixin bu iki dövrü arasında «həqiqətin dirəyi və 
bünövrəsi olan Allahın cəmiyyəti» (1 Timotey 3:15) var və Allahın 
cəmiyyəti olan bizlər xoş xəbəri təbliğ etməyə və həqiqəti yerinə 
yetirməyə çağırılmışıq (Efes. 4:15). 
Ə
sirləri azad etmək
İsanın və həvarilərinin əsirləri azad etmək xidmətinə qarşı olan 
ən  çox  yayılmış  etirazlardan  biri  həvarilərin  məktublarında  bu 
mövzu  haqqında  danışılmamasıdır.  Bildiyimə  görə,  məktublarda 
kimdənsə cinləri qovmaq barəsində xüsusi təlimlər yoxdur. Gəlin, 
məsələni aydınlaşdırmağa kömək edə bilən öz baxışlarımı sizinlə 
bölüşüm.  İcazə  verin,  sizə  həyatlarımızda  şeytani  təsirlə  necə 
üzləşməli olmağımız və əsarətdə olan başqa adamlara necə xidmət 
etməyimiz barəsində məsləhət verim. 
Çarmıxdan əvvəl, ilahi qüdrəti almış insanların (məsələn: İsanın 
və  Onun  xüsusi  təyin  edilmiş  həvarilərinin)  dünyadakı  şeytani 
qüvvələr üzərində səlahiyyəti öz üzərlərinə götürməsi lazım idi. 
İsa  On  İkilərə  Müjdəni  təbliğ  etməyi  tapşırarkən  onlara  dediyi 
birinci şeyə fikir verin. «İsa On İki şagirdi yanına çağırıb bütün 
cinlər üzərində və xəstəliklərə şəfa vermək üçün onlara qüdrət və 
səlahiyyət verdi» (Luka 9:1). Həmin vaxt şeytan məğlub edilmiş 
düşmən deyildi və imanlılar da hələ göylərdə Məsihlə oturmamış-
dılar.
Amma  çarmıxda  və  dirilmədə  ruhani  münaqişələrin  təbiətini 
əbədiyyən dəyişdirən əsaslı bir şey baş verdi. Birincisi, İsanın ölü-
mü və dirilməsi qaranlıq padşahlığının başçılarını və hakimlərini 
tərki-silah  etdi  və  onlara  qələbə  çaldı  (Kolos.  2:15).  İsa  bəyan 
etdi: «Göydə və yer üzündə bütün səlahiyyət Mənə verilmişdir» 

24
Buxovları qıran
(Matta 28:18). Çarmıxa görə şeytan məğlub edilmiş düşməndir 
və Məsihlə birlikdə sağ olanların və Onunla səmada oturanların 
üzərində  səlahiyyəti  yoxdur  (Efes.  2:5,  6).  Məsihin  qələbəsinin 
həqiqətini və şeytanın məğlubiyyətini təsdiqləmək, düşmənin sizi 
qorxutmaq cəhdlərinə qarşı uğurla dayanmağın ilkin addımıdır. 
İkincisi,  Məsihlə  birlikdə  sağ  olduğunuza  və  səmada  Onunla 
oturduğunuza görə artıq səlahiyyəti icra etmək üçün sizə başqa 
vasitəçi lazım deyil. Siz indi bütün səlahiyyətləri olan «Məsihdə» 
yaşayırsınız. Şeytana qarşı durmaq üçün siz Məsihdə kimliyinizi, 
mövqeyinizi və səlahiyyətinizi başa düşməli və mənimsəməlisiniz. 
Məsihdə azadlıq bir məsihçi kimi sizin mirasınızdır. Ona görə də 
Paul yazırdı: 
Qoy O, qəlbinizin gözünü nurlandırsın ki, Onun ça-
ğırışından  yaranan  ümidin  nə  olduğunu,  müqəddəslərə 
verdiyi  irsin  izzətinin  necə  zəngin  olduğunu,  Onun 
böyük  qüvvəsinin  fəaliyyətinə  görə  iman  edən  bizlərə 
sərf  etdiyi  qüdrətinin  hədsiz  böyüklüyünün  nə  olduğu-
nu  görəsiniz.  Allah  bu  qüdrətlə  Məsihdə  elə  fəaliyyət 
göstərdi  ki,  Onu  ölülər  arasından  dirildib  səmada  Öz 
sağında oturtdu və hər başçı, hakim, qüvvə və ağadan, 
yalnız bu dövrdə deyil, gələcək dövrdə də çəkiləcək hər 
addan Onu çox yüksəltdi (Efes. 1:18-21).
Məsihçinin  şeytanı  məğlub  etməsinə  ehtiyac  yoxdur.  Məsih 
artıq  onu  edib.  Biz,  sadəcə,  buna  inanmalıyıq.  Həvarilərin 
məktublarını  oxuduqca  aydın  görürük  ki,  İsa  artıq  bizi  şeytan-
dan və günahdan xilas edib. Bu, Paulun öz duasında ifadə etdiyi 
xoş xəbərdir. Allah Məsihdə bizim yenilməz həyat yaşamağımız 
üçün lazım olan hər bir şeyi edib – indi biz məsuliyyətlərimizi öz 
üzərimizə götürməliyik. 
Bir imanlı kimi tövbə etmək və sizi azad edəcək həqiqətə iman 
etmək  sizin  şəxsi  məsuliyyətinizdir.  Başqa  heç  kim  bunu  sizin 
üçün edə bilməz. Mən sizin üçün Allahın zirehlərini geyinə, inana, 
tövbə edə, başqalarını bağışlaya və hər bir düşüncəni əsir edərək 

Siz kölgələrdə yaşamaya bilərsiniz 
25
Məsihə  itaət  etdirə  bilmərəm,  amma  sizə  kömək  edə  bilərəm. 
Sizin  Məsihdə  öz  azadlığınızı  tapmağınız,  eləcə  də  başqalarına 
da tapmaqda kömək etməyiniz haqda kitabın üçüncü hissəsində 
danışılır. 
Özünü «İtmiş quzu» adlandıran qadın, nəhayət, hansısa ölçüdə 
azadlıq əldə etdi. Ümidsiz məktubundan dörd il sonra o, bir bazar 
günü məbəddə oturmuşdu və hiss etdi ki, Allah ona belə cavab 
verir:
Mənim əziz İtmiş quzum,
Sən  məndən  harada  olduğumu  soruşdun.  Mənim 
balam, Mən səninləyəm və həmişə səninlə olacağam. 
Sən zəifsən, amma Məndə güclüsən, Mən səni o qədər 
çox sevirəm ki, sənin ölməyinə icazə verə bilmərəm. 
Mən o qədər yaxınam ki, sənin hiss etdiyin hər bir 
şeyi hiss edirəm. 
Mən sənin nələrdən keçdiyini bilirəm, çünki Mən də 
səninlə birlikdə keçirəm. Amma Mən səni azad etmişəm 
və  sən  möhkəm  durmalısan.  Mənim  düşmənlərimin 
yox  olması  üçün  sən  fiziki  olaraq  ölməli  deyilsən, 
Mənimlə çarmıxa çəkilməlisən və Mən səndə yaşaya-
cağam, sən də Mənimlə yaşayacaqsan. Mən səni sa-
lehlik yolu ilə aparacağam. Mənim balam, Mən səni 
sevirəm və heç vaxt səni tərk etməyəcəyəm, çünki sən 
həqiqətən mənimsən. 
- Sevgi ilə, Allah.

2
Dünyada öz yolunuzu 
tapmaq
Mən  keçən  bir  neçə  il  ərzində  Birləşmiş  Ştatlar  və  Kanada-
dakı  bir  çox  universitetlərdə  çıxış  etmişəm.  «Bu  gün  dünyada 
şeytani  təsirlər»  mövzusu  üzrə  keçiriləcək  toplantılarda  iştirak 
etmək üçün tələbələrə dəvətnamələr paylandı. Sonuncu məqsəd 
Məsihin özü haqqında söylədiklərini bölüşmək idi. Hər auditori-
yada bir neçə yüz tələbənin olduğuna təəccübləndim. Bunlar yeni 
sensasiya axtaran və ya yerdən atmacalar ataraq mübahisə etmək 
istəyən yeniyetmələr deyildilər (Düzdür, toplantıların birində bir 
qrup Satanistlər çöldə mahnı oxumaq üçün yığışmışdılar). Onlar 
heç Nil Andersonu dinləməyə də gəlməmişdilər, çünki onlar məni 
tanımırdılar. Bu insanları şeytani təsirlər maraqlandırırdı. 
Qərb dünyası öz dünyagörüşündə böyük dəyişikliyi yaşayır, bu, 
«New  Age»  hərəkatının  yüksəlməsində,  parapsixologiyanın  elm 
kimi qəbul edilməsində, fövqəltəbiiliyin artan məşhurluğunda və 
mədəniyyətimizdə satanizmin qabarıq cəhətində daha yaxşı görü-
nür. Öz gücünü ən çox 1960-cı illərdə Şərqi dinlərdən toplayan 
«New Age» mistisizmi çoxlu sayda tanınmış ulduzlar tərəfindən 
məşhurlaşıb. Gecə televizoru yandırın və falçıların elanlarının şahi-
di olun. Onlar günahların bağışlanması və Məsihdə yeni həyatdan 
başqa, məsihçiliyin vəd etdiyi hər bir şeyi vəd edirlər. 
«New Age» hərəkatı, sadəcə olaraq, ulduzların maraqlandığı bir 
şey deyil. Bizim ölkəmizdə «New Age» fəlsəfəsi biznesə, təhsilə, 
hətta dinə də güclü surətdə nüfuz edir. Seminariyanın iki tələbəsi 
Biola Universitetindən iki tin aralıda «New Age» konfransa (araş-

Dünyada öz yolunuzu tapmaq