Nil T. Anderson buxovlari qiran



Yüklə 1,3 Mb.
Pdf görüntüsü
səhifə23/23
tarix06.09.2017
ölçüsü1,3 Mb.
#29005
1   ...   15   16   17   18   19   20   21   22   23

267
oluna bilən alətdir. Sizi azad edən şey tövbə və imanla Məsihə 
cavab  verməyinizdir.  Addımların  ilkin  məqsədi  diqqətinizi  sizin 
Allah ilə olan ünsiyyətinizə cəmləməkdir. Bir çox insanlar təklikdə 
addımlardan keçə bilərlər və keçirlər. Proses hər bir insan üçün 
özünəməxsusdur,  çünki  dua  edən  şəxs  köməyə  ehtiyacı  olan 
şəxsdir  və  həmin  insan  ona  kömək  edə  bilən  yalnız  Bir  Nəfərə 
dua edir. 
Addımlar  vasitəsilə  insanlara  kömək  etməyə  qoşulduğumuz 
azadlıq  görüşlərinə  biz  çox  vaxt  dua  köməkçisini  dəvət  edirik 
(Bunu  çox  vaxt  başqalarına  öyrətmək  məqsədilə  edirik.).  La-
zım  gələndə  çox  vaxt  məsləhət  verdiyim  insanlarla  tək  özüm 
görüşürəm və həqiqət hələ də onları azad edir. Amma məsləhət 
verdiyim insan qarşı cinsdəndirsə, həmişə üçüncü tərəfin də işti-
rak etməsinə çalışıram. 
Biz  görüşlərə  başlayanda  addımların  bir  nüsxəsi  həm  məndə, 
həm də məsləhət verdiyim insanda olur. Biz irəliyə getdikcə onla-
rın nə etdiklərini və niyə etdiklərini izah edirəm. Mən hər insanla 
bir bölmədə bütün yeddi addımdan keçməyə çalışıram. Ola bilsin 
ki,  hər  insana  hər  bir  addım  lazım  gəlməyə  bilər,  amma  mən 
onların xeyri üçün hərtərəfli olmağa çalışıram. Mən xahiş edirəm 
ki, onlar hər bir duanı və həqiqət bəyanatlarını söyləsinlər. Ümid-
varam ki, onlar hər bir əqli toqquşmanı və ya fiziki narahatçılığı 
bölüşəcəklər.  Mənimlə  bölüşdüklərinə  görə  onlara  təşəkkürümü 
bildirirəm. Bu şeylər etiraf edildikdən sonra, sadəcə, davam edin. 
Əksər  hallarda  toqquşmalar  çox  az  olur.  Əgər  toqquşma  olarsa, 
adətən, bu, birinci iki addımda qarşıya çıxır.
Bağışlamazlıq  ilə  əlaqədar  addım  ən  vacib  olan  bir  addımdır. 
Mənim yanıma məsləhətə gəlmiş hər bir şəxsin bağışlamalı oldu-
ğu bir və ya daha çox insan olub. Mən inanıram ki, bağışlamazlıq 
şeytan üçün məbədə ən böyük qapı açır. Əgər biz insanın ürəkdən 
bağışlamasına  kömək  edə  bilməsək,  həmin  insanın  keçmişindən 
azad olmasına kömək edə bilmərik. Kimsə belə söyləmişdi: «Ba-
ğışlamaq əsiri azadlığa çıxarmaqdır. Sonra görürsən ki, əsir sən 
idin.» 

268
Buxovları qıran
Belə  insanlar  dua  edəndə  və  bağışlamalı  olduqları  insanları 
Allahdan soruşanda əmin ola bilərsiniz ki, Allah onların yadları-
na adları salar. Bəzən insanlar mənə deyirlər: «Bilirsiniz, elə bir 
adam  yoxdur.»  Belə  olan  halda  mən  onlara  deyirəm:  «Siz  indi, 
sadəcə olaraq, yadınıza düşən adları çəkə bilərsinizmi?» Müstəsna 
hal olmadan bir neçə ad ortalığa çıxır və mən də onları yazıram. 
Mənim söhbət etdiyim insanların yadlarına onları təəccübləndirən 
adların düşməsi qeyri-adi hal deyil (Bağışlama prosesində olarkən 
unudulmuş  ağrılı  xatirələrin  də  yadlarına  düşməsi  onlar  üçün 
qeyri-adi bir şey deyil.).
Mən bağışlamağın nə olduğunu və necə edilməli olduğunu izah 
edirəm. Aparıcı məsələlər addımlarda daha aydın təsvir olunub. 
Sonra mən onlara adlar siyahısını verirəm və özlərinin xeyri üçün 
həmin  insanları  bağışlamaq  istəyib-istəmədiklərini  soruşuram. 
Onların başqalarını bağışlaması, əsasən, özləri ilə göylərdə olan 
Ataları arasında məsələdir. Onların bağışladıqları insanlar ilə barı-
şıq sonra ola da, olmaya da bilər. 
4-cü addımdan 6-cı addıma qədər çox kiçik müqavimət qarşıya 
çıxır. 6-cı addımda mən həmişə cinsi günahı ayrıca həll edirəm. 
İnsan əsarətində cinsi əlaqənin nə qədər böyük rol oynaması çox 
təəccüblüdür (Əgər siz başqalarına fəal surətdə kömək edirsinizsə, 
başqalarına cinsi günahlardan azad olmaqda necə kömək etməyi 
başa düşəsiniz deyə, mən sizə «A Way of Escape» («Çıxış yolu») 
(Harvest House) kitabımı oxumağı tövsiyə edərdim. 
Əksər  hallarda,  sonuncu  —  7-ci  addımda  olan  bəyanat  və 
dua  edilməyincə  tam  azadlıq  əldə  edilmir.  Addımları  qurtardıq-
dan  sonra,  adətən,  məsləhət  verdiyim  insanlardan  rahat  oturub 
gözlərini yummalarını xahiş edirəm. Sonra onlardan: «Ağlınızda 
nə  eşidirsiniz?  O  sakitdirmi?»  —  deyə,  soruşuram.  Nəfəslərini 
dərdikdən  sonra,  adətən,  yüngül  bir  təbəssümlə  deyirlər:  «Heç 
bir şey. Nəhayət, ağlımda sakitlik var.» Mən çox vaxt 2-ci addım-
da olan həqiqət bəyanatını oxumaqda çətinlik çəkmiş insanlardan 
onu yenidən oxumağı xahiş edirəm. Onların indi həqiqəti asanlıqla 
oxuya bilmələri və başa düşmələri özlərini heyrətə salır. Bir çox in-

Məsihdə azadlıq tapmaları üçün başqalarına kömək etmək
269
sanların üzlərinin ifadəsi çox vaxt elə gözəçarpan surətdə dəyişilir 
ki, mən onlara güzgüdə özlərinə baxmağı məsləhət görürəm.
Məsihdə azad olmaq bir məsələdir – azad qalmaq isə ikinci bir 
məsələdir. Paul Qalat. 5:1-də deyir: «Məsih azad olmağımız üçün 
bizi  azad  etdi.  Ona  görə  də  möhkəm  durun  və  yenidən  köləlik 
boyunduruğuna tabe olmayın.» İnsanların Məsihdə olan azadlıqla-
rını əllərində saxlamalarına kömək edəcək əlavə yardımçı təkliflər 
addımlara daxildir (Biz, eləcə də, hər bir kəsə məsləhət gördüyü-
müz Regal Books tərəfindən nəşr olunmuş, 21 günlük «Walking 
in Freedom» («Azadlıqda gəzmək») adlı kitabı təklif edirik. Bu, 
onların etdiklərini möhkəmləndirməyə yardım edir.).
X
üsusi hallarda azadlığı tapmaq
Çox  vaxt  kiçik  uşaqların  hücuma  məruz  qalmaları  barəsində 
məndən soruşurlar. Cavab «bəli» olur. Əgər siz uşaqlarınız üçün 
narahatsınızsa,  «The  Seduction  of  Our  Children»  («Övladla-
rımızın  şirnikləndirilməsi»)  (Harvest  House)  və  ya  «Spiritu-
al Protection For Our Children» («Övladlarımız üçün ruhani 
müdafiə»)  (Regal  Books)  adlı  kitabları  oxumağı  sizə  tövsiyə 
edirəm. Axırıncı kitabda uşaqlar üçün hər yaş qrupunu əhatə edən 
addımlar var; mən bu kitabı Pit və Su Vander Huk ilə birlikdə 
yazmışam. Pit Evangelical Free məbədinin pastorudur. Onların 
ailəsində hər şey öz qaydası ilə gedirdi, amma uşaqları qəfildən 
böyük ruhani hücumlara məruz qalmağa başladı. Bu hücumlara 
cavab tapmaq onların özlərinə və məbədlərində olan bir çoxlarına 
azadlıq gətirdi. 
Mən  daha  iki  kitabı  sizə  xatırlatmalıyam.  Xidmət  yoldaşım 
Riç Miller ilə birlikdə yazdığım «Leading Teens to Freedom in 
Christ» («Yeniyetmələri məsihdə azadlığa yönəltmək») (Regal 
Books)  kitabım  valideynlər  və  gənclərlə  işləyən  insanlar  üçün-
dür.  Məbədinizi  və  nikahınızı  azadlığa  çıxarmaq  üçün  addımlar, 
eləcə  də,  hər  yaş  qrupunu  əhatə  edən  şəxsi  addımlar  bir  cildli 

270
Buxovları qıran
«Ministering the Steps to Freedom in Christ» («Məsihdə azad-
lıq  addımlarını  həyata  keçirmək»)  (Regal  Books)  kitabında 
yerləşdirilib. Məbədinizdə və ya şəxsi xidmətinizdə istifadə etmək 
üçün hər addımın surəti çıxarıla bilər.
Mənə şər ruhların evlərində məskən saldığını söyləyən bir neçə 
insan tərəfindən zənglər olub. Adətən, bu növ ruhani münaqişələr, 
əsasən, yerlə əlaqəli deyil, şəxsin özü ilə əlaqəlidir, amma bəzən 
evdə edilmiş şər əməllərə görə orada problem yarana bilər. Əgər 
ev və yer sizə məxsusdursa, onda siz oranı almazdan əvvəl orada 
yaşamış insanların etdikləri hər bir əməli inkar və rədd edin, eləcə 
də, həmin mülkiyyəti Rəbbə həsr edin. Bunu etmək Allahın bizim 
himayəçiliyimizə həvalə etdiyi şeylərə görə, sadəcə olaraq, yaxşı 
nəzarətçi olmaqdır.

15
Son söz 
 
ƏZİZ  MƏSİHÇİ  OXUCU,  biz  qələbə  çala  bildiyimiz  bir 
müharibədə iştirak edirik. Sizin adınız Quzunun Həyat Kitabında 
yazılıb və qələbə artıq çalınıb. Sizin və xidmət etdiyiniz insanla-
rın Məsihdə azadlığı artıq təmin edilib. Burada etməli olduğunuz 
yeganə  şey  onu  mənimsəmək  və  Allahın  sizin  himayəçiliyinizə 
həvalə etdiyi şeylərin yaxşı nəzarətçisi olmaqdır.
Mən  İsada  əldə  edilən  daha  bir  ruhlandırıcı  qələbə  hekayəsi 
ilə fikrimi tamamlamaq istəyirəm. Sindi məsihçi məktəbini bitirib 
gözəl bir məsihçi oğlana ərə getmişdi, amma bir sıra problemlər on-
ların nikah münasibətlərinə girməsinə mane oldu. Birinci problem 
Sindinin qadın orqanlarında infeksiyanın olması idi. Bundan azad 
olmamış  o,  uşaq  ikən  atası  tərəfindən  zorlanmasının  dəhşətli 
xatirələrindən  əzab  çəkməyə  başladı.  O,  dərin  məsləhətvermə 
görüşlərinə getdi, amma əsl qələbəni əldə edə bilmədi. Sonra o, 
həyatında yaşadığı başqa zorakılıq hallarını xatırlamağa başladı və 
emosional sarsıntılara qapıldı. 
Sindi olduqca təlaş içərisində Los-Ancelesə uçub gözlənilmədən 
qapımın  kandarında  göründü.  Mən  bir  axşam  uzun  məsləhət 
görüşündə ona altı saata yaxın vaxt sərf etdim. Sonra o, öz evinə 
qayıtdı. Altı həftə sonra ondan bu məktubu aldım: 
Əziz Nil,
Mən bir neçə həftə bundan əvvəl belə nəzakətli ol-
duğunuza və mənə məsləhət verdiyinizə görə yenə də 

272
Buxovları qıran
sizə təşəkkürümü bildirmək istəyirəm. Mən, həqiqətən, 
deyə bilərəm ki, Allah məndə möcüzəli şəfa işini gö-
rüb. 
Mənim  bütün  həyatım  gərgin  daxili  münaqişədə, 
eləcə də fiziki, emosional və əqli əzabda keçib. Mən 
daimi qorxular, təkrarlanan gecə qarabasmaları, da-
xili səslərdən yaranan aramsız narahatçılıqlar və ölü-
mün beynimdən çıxmayan qorxusu ilə yaşamışam. Əsl 
itaətkar məsihçi olmağıma baxmayaraq, əmin idim ki, 
Məsih göylərin qapısından məni mütləq rədd edəcək. 
Bir  il  yarım  bundan  əvvəl  mən  gördüm  ki,  artıq 
parçalanmış həyatımı bir yerə toplamağı bacarmıram. 
Mən məsləhətvermə görüşlərini axtardım, Allah mənə 
xidmət  etmək  və  həqiqəti  ilə  məni  öyrətmək  üçün 
insanlar  verdi.  Mən  Allahın  övladı  kimi  Məsihdə 
mövqeyimdə durmağı öyrəndikcə güc əldə etdim. Gir-
diyim döyüşü görmək üçün gözlərim açıldı.
Keçən  yay  isə  Allah  əvvəllər  həyatımda  olan 
dəhşətli şeytani zorakılıq halını yadıma saldı və dö-
yüş daha da gərginləşməyə başladı. Mən gecə-gündüz 
saatlarla Allah Kəlamında, onu ətraflı düşünməkdə, 
duada,  eləcə  də  düşmən  ilə  birbaşa  üzləşmədə  və 
müqavimətdə vaxt keçirməli idim. Azacıq yata bildi-
yim və heç bir dinclik olmadan, yaxud narahatçılıq 
ilə keçirdiyim iki aydan sonra dəqiq bildim ki, daxili 
cəhənnəmimdən məni yalnız Məsih azad edə bilər. 
Los-Ancelesə  sizin  yanınıza  gəlməzdən  əvvəl   
Allah mənə Kəlamından bir neçə yeri, Məzmur 11:7; 
Mikeya  7:7,  8;  Əyyub  23:10-u  göstərməklə  ürək-
dirək verdi. Bizim məsləhətvermə görüşümüz Allahın 
mənim şəfam üçün işlətdiyi həyati vacib bir alət idi. 
Keçmişimin dəhşətlərini yenidən yaşamağa və məni 
cinsi zorakılığa məruz qoymuş 22 nəfər insanı bağış-
lamağa sərf edilən bir neçə saatdan sonra, nəhayət 

Son söz  
273
ki, şeytanın buxovlarından azad oldum. Allaha şü-
kür olsun ki, məndən qabaq çarmıxda şeytanı məğlub 
edib (İbr. 2: 14, 15). 
Nil,  mən  çox  şadam  ki,  azadam  və  sağlam 
düşüncəyə  malikəm!  Artıq  xoşbəxt  məsihçi  çöhrəsi 
ilə daxili cəhənnəmimi gizlətmək lazım deyil. Allah 
məndə gördüyü işi təsvir etmək üçün Yeşaya 51:3-ü 
mənə söylədi: «Həqiqətən, Rəbb…onun xarabalıqları-
na təsəlli verəcək. Səhralarını Edenə, çöllərini Rəbbin 
bağına döndərəcək. Orada sevinc və şadlıq tapacaq-
lar, şükürlər, ilahilər oxunacaq.»
Sevgilərlə,
Sindi
Buxovları qıranla tanış oldunuz? İsa Məsih sizi azad edəcək!

Buxovları qıran
Əlavə
Əlavə
Əlavə yardım!

Məxfi şəxsi sorğu 
I. Şəxsi məlumat
Ad  ..............................................................................................
Telefon  .......................................................................................
Ünvan  ........................................................................................
Məbəd  ........................................................................................
....................................................................................................
Oxuduğu məktəblər  ....................................................................
....................................................................................................
Bitirdiyi ən yüksək sinif; əldə etdiyi dərəcələr  ............................
Ailə vəziyyəti  .............................................................................
Əvvəlki nikah/boşanma  .............................................................
Peşə:
Hal-hazırkı  ............................................................................
Keçmiş  ..................................................................................

Məxfi şəxsi sorğu 
277
II. Ailə tarixçəsi
A. Din haqqında
1.  Sizin bildiyinizə görə valideynlərinizdən, baba-nənələrinizdən, 
yaxud ulu baba-nənələrinizdən okkult, kult və ya qeyri-məsihçi 
dini  fəaliyyətləri  ilə  məşğul  olan  olubmu?  Zəhmət  olmazsa, 
qeyri-məsihçi ruhani siyahısından istifadə edin (1-ci addımda 
olan) və onların nədə iştirak etdiklərini yazın. 
2.  Valideynlərinizin məsihçi həyat təcrübələrini qısa şəkildə izah 
edin  (yəni,  onlar  məsihçi  idilərmi,  məsihçi  olduqlarını  etiraf 
edirdilərmi və məsihçiliyə uyğun yaşayırdılarmı?).
B. Ailə vəziyyəti 
1.  Valideynləriniz  hal-hazırda  evlidirlər,  yoxsa  boşanıblar?  İzah 
edin. 
2.  Həyatınızın ilk 12 ilində ailənizdə sabitlik və rahatlıq hissi var 
idimi? 
3.  Atanız  ailədə  başçılıq  edirdimi,  yoxsa  əksinə,  ananız  ailəni 
idarə edirdi? İzah edin. 
4.  Atanız ananızla necə yola gedirdi?
5.  Sizin  bildiyinizə  görə  valideynlərinizdən  və  ya  baba-
nənələrinizdən hansısa biri zinakarlıqla məşğul olublarmı? 
C. Sağlamlıq
1.  Ailənizdə hansısa pis vərdişlər olubmu? (spirtli içki, narkoma-
niya və sairə)? 

278
Buxovları qıran
2.  Ruhi xəstəlik olubmu?
3.  Ailənizdə aşağıdakı xəstəliklərdən hansısa biri olubmu?
vərəm 
ürək xəstəliyi
şəkər 
xərçəng
xora 
vəz xəstəlikləri
başqaları
4.  Bu kateqoriyaya əsasən, ailəniz bunların hansı birinə üstünlük 
verirdi?
a) faydalı qidalarla qidalanmaq
b) idmanla məşğul olmaq
c) istirahət etmək
D. Valideynləriniz ciddi idilər, yoxsa hər şeyə göz yumur-
dular?
III. Şəxsi sağlamlığın tarixçəsi
A. Fiziki
1.  Yemək vərdişlərinizi təsvir edin (yəni, bədənə faydası olmayan 
yeməklərə  meyilli  olmaq,  düzgün  qidalanma  və  ya  qaydasız 
qidalanma, balanslaşdırılmış qidalanma və s.)
2.  Nəfsinizə hakim ola bilmədiyiniz şeylər (şirniyyatlar, narkotik 
maddələr,  spirtli  içki,  ümumiyyətlə,  həddən  artıq  yemək  və 
başqa şeylər) varmı? 
3.  Hal-hazırda fiziki və ya psixi səbəblərə görə nəsə müalicə alır-
sınızmı?

Məxfi şəxsi sorğu 
279
4.  Yuxu  pozğunluqlarınız  varmı?  Təkrarlanan  qarabasmalar  və 
ya narahatçılıqlar olurmu? 
5.  Hal-hazırda gündəlik həyatınız sizin müntəzəm istirahətinizə 
və dincliyinizə yol verirmi?
6.  Siz övladlığa götürülmüş uşaqsınızmı?
7.  Həyatda heç fiziki olaraq döyülmüsünüzmü və ya cinsi əlaqəyə 
məcbur edilmisinizmi? İzah edin. 
B. Əqli 
  1. Keçmişdə və ya hal-hazırda aşağıdakıların hansılarından əzab 
çəkirsiniz? (Zəhmət olmasa, qeyd edin.)

  xəyal etmək

  hamıdan alçaq olduğunuzu düşünmək

  narahatçılıq, təlaş 

  fantaziya

  qorxular

  hansısa bir hərəkəti etməyə sürükləyən düşüncələr

  baş ağrıları

  şəhvətli düşüncələr

  kifayət qədər yaxşı olmadığını düşünmək

  şübhələr

  beyninizdən çıxmayan düşüncələr

  küfrlü düşüncələr

  başgicəllənmə
  2. Siz başqa birisi olmağı və ya fərqli insan olmağı arzulamaqla 
çox vaxt keçirirsinizmi? Özünüzün başqa vaxtda, başqa yerdə 
və ya başqa vəziyyətlərdə yaşamağınızı təsəvvür edirsinizmi? 
İzah edin. 

280
Buxovları qıran
  3. Həftə  ərzində  neçə  saat  televizora  baxırsınız?  Beş  sevimli 
proqramınızı yazın. 
  4. Həftə ərzində oxumağa nə qədər vaxt sərf edirsiniz? Əsasən, 
daha çox nəyi oxuyursunuz (qəzet, jurnal, kitab və ya başqa 
şeylər)?
  5. Özünüzü nikbin, yoxsa bədbin insan hesab edirsiniz (yəni, in-
sanlarda və həyatda yaxşı şeyləri görməyə, yoxsa pis şeyləri 
görməyə meyillisiniz)?
  6. Heç dəli olmaq dərəcəsinə çatdığınızı düşünmüsünüzmü? Hal-
hazırda bundan qorxursunuzmu? İzah edin. 
  7. Müqəddəs Kitabı müntəzəm oxuyursunuzmu və onun üzərində 
düşünürsünüzmü? Harada, nə vaxt və nə qədər müddətdə? 
  8. Duanın əqlən çətin olduğunu hiss edirsinizmi? İzah edin. 
  9. Məbədə  və  ya  başqa  məsihçi  toplantılarına  gedərkən  çirkin, 
paxıl  düşüncələr  və  ya  başqa  əqli  narahatçılıqlardan  əziyyət 
çəkirsinizmi? İzah edin. 
10. Musiqiyə çox qulaq asırsınızmı? Ən çox zövq aldığınız hansı 
növ musiqidir? 
C. Emosional 
1. Aşağıdakı emosiyaların hansından əziyyət çəkirsiniz? (Zəhmət 
olmazsa, dairəyə alın.)
məyusluq 
ölüm qorxusu
hirs 
ağlı itirmək qorxusu
həyəcan 
incidilmək qorxusu
ruh düşkünlüyü 
insan qorxusu

Məxfi şəxsi sorğu 
281
kin 
uğursuzluq qorxusu
nifrət 
şeytan qorxusu
dəyərsizlik
2.  Yuxarıda  sadalanmış  emosiyalardan,  sizcə,  hansı  günahlıdır? 
Niyə? 
3.  Mənfi və ya müsbət olmalarından asılı olmayaraq, emosiyala-
rınız ilə əlaqədar aşağıdakılardan hansı biri sizi daha çox təsvir 
edir? 

  öz emosiyalarımı tez ifadə edirəm

  emosiyalarımın hamısını deyil, bəzilərini ifadə edirəm

  onları  tez  tanıyıb  qəbul  edirəm,  amma  onları  ifadə 
etməkdən özümü saxlayıram

  emosiyalarımı hiss etməyə özümə icazə vermirəm

  necə hiss etdiyimi ifadə etməməyin daha təhlükəsiz oldu-
ğunu görürəm

  öz hisslərimə etibar etmədiyimə görə onlara məhəl qoy-
muram

  bilərəkdən və ya bilməyərəkdən onları inkar edirəm; onla-
ra toxunmaq həddən artıq ağrılıdır
4.  Hal-hazırda  emosional  baxımdan  səmimi  ola  bildiyiniz  bir 
kimsə varmı (yəni, siz bu insana özünüz, həyatınız və başqa 
insanlar barəsində hisslərinizi açıqcasına söyləyə bilərsinizmi)?
5.  Allah  qarşısında  emosional  baxımdan  səmimi  olmağımız  nə 
qədər vacibdir? Siz onun qarşısında özünüzün səmimi olduğu-
nuzu düşünürsünüzmü? İzah edin. 
IV. Ruhani tarixçə
A.  Əgər  siz  bu  axşam  ölsəniz,  əbədiyyəti  harada  keçirəcəyinizi 
bilirsinizmi? 

282
Buxovları qıran
B.  Fərz edin ki, bu gün ölürsünüz və Allahın qarşısına çıxırsınız 
və  O:  «Mənim  hüzuruma  girmək  üçün  nə  haqqın  var?»  — 
deyə, soruşur. Ona necə cavab verərdiniz? 
C.  1 Yəhya 5:11, 12-də deyilir: «Allah bizə əbədi həyat verib və 
bu  həyat  Onun  Oğlundadır.  Oğula  malik  olan  şəxsin  həyatı 
var, Allahın Oğluna malik olmayan şəxsin isə həyatı yoxdur». 
1. Allah Oğlu sizdə varmı?
2. Onu nə vaxt qəbul etmisiniz (Yəhya 1:12)? 
3. Onu qəbul etdiyinizi necə bilirsiniz? 
D.  Xilasınız barəsində şübhələrdən əziyyət çəkirsinizmi? 
E.  Hal-hazırda başqa imanlılar ilə ünsiyyətdən zövq alırsınızmı, 
əgər belədirsə, harada və nə vaxt? 
F.  Siz Müqəddəs Kitabın öyrədildiyi yerli məbədin səlahiyyəti al-
tındasınızmı? Siz müntəzəm olaraq məbədə vaxtınız, istedadı-
nız və maliyyəniz ilə dəstək olursunuzmu? Əgər belə deyilsə, 
niyə? 

Müəllif haqqında 
«Freedom in Christ Ministries» («Məsihdə Azadlıq Xidməti») 
təşkilatının təsisçisi və prezidenti Doktor Nil T. Anderson müəllif, 
məsləhətçi,  ictimai  natiqdir  və  əvvəllər  Kaliforniya  ştatının  La 
Mirada  şəhərindəki  Biola  Universitetində  və  Talbot  Teologiya 
Seminariyasında  keçmiş  professor  olmuşdur.  O,  Talbot  Teologi-
ya Seminariyasında Praktiki Teologiya fakültəsinin keçmiş dekanı 
olub və 30 ilə yaxın pastorluq həyat təcrübəsinə malikdir. 
Anderson  «Freedom  from  Fear»  («Qorxudan  azadlıq»)
(Riç  Miller  ilə  birlikdə  yazdığı)  və  «God’s  Power  ar  Work  in 
You»    («Allahın  gücü  səndə  iş  görür»)  (Dr.  Robert  Sausi  ilə 
birlikdə  yazdığı)  adlı  kitabların  müəllifidir.  Onun  başqa  işlərinə 
«Qaranlıq  üzərində  qələbə»,  «The  Christ-Centered  Marriage» 
(«Mərkəzində Məsih duran nikah»), «Freedom from Addiction» 
(«Pis vərdişlərdən azadlıq»), «Finding Hope Again» («Yenidən 
ümid tapmaq»), «Walking in the Light» («Nurda gəzmək»), 
«The  Seduction  of  Our  Children»  («Övladlarımızın 
şirnikləndirilməsi»),  «Winning  Spiritual  Warfare»  («Ruhani 
döyüşdə  qalib  gəlmək»),  «Stomping  Out  the  Darkness»  
(«Qaranlığı  tapdalamaq»)  və  «Daily  in  Christ»  («Gündəlik 
Məsihdə olmaq») adlı kitablar da daxildir. «Buxovları qıran» da 
daxil olmaqla, onun kitablarından bir neçəsinin gənclər üçün olan 
versiyasını  əldə  etmək  mümkündür;  bu  kitabları  gənclərlə 
işləməkdə səriştəli olan Deyv Park ilə birlikdə yazıb; Anderson və 

Park  eləcə  də  seriyalarla  olan  «Freedom  in  Christ  4  Teens» 
(«Yeniyetmələr  üçün  Məsihdə  azadlıq»)  variantını  işləyib 
hazırlayıblar. 
Anderson çoxlu radio və televiziya verilişlərində çıxış edib, bu-
raya «Focus on the Family», «The 700 Club», «Point of View», 
«CBN  Radio»,    «Truths  that  Transform»,    «Action  Sixties», 
«Hope  for  the  Heart»,  «100  Huntley  Street»  və  başqaları  da-
xildir. vŞəxsi və ruhani münaqişələrin həllindəki işinə görə yaxşı 
tanınmış Anderson məsləhət vermək və nitq söyləmək ilə məşğul 
olur.  Onun  «Məsihdə  azad  yaşamaq»  adlı  məbəd  konfransları, 
eləcə  də  bir  neçə  video  təlim  seriyaları  (məbəd,  uşaqlara  təlim 
keçən  müəllimlər  və  şagirdlik  xidmətləri  üçün)  minlərlə  insanın 
Məsihdə azadlıq tapmalarına gətirib çıxarıb. Dünyada olan saysız-
hesabsız  pastorların,  müjdəçilərin  və  adi  imanlıların  da  təlim 
alması  məqsədilə  həyatı  dəyişdirən  bu  kitablar  bir  çox  dillərə 
tərcümə  edilib.  Anderson,  eləcə  də  nikah,  ailə,  ruhani  kimlik, 
məbəd idarəçiliyi və rəhbərliyin bərpası üzrə seminarlar aparır. 
Anderson  Arizona  Ştatının  Dövlət  Universitetində  elektrik 
mühəndisliyi  üzrə  bakalavr  dərəcəsini  əldə  etmiş  və  aviasi-
ya  mühəndisi  vəzifəsində  işləmişdir.  O,  Talbot  Teologiya  Semi-
nariyasında  məsihçi  təhsili  üzrə  magistr  dərəcəsini  almış,  eyni 
vaxtda  İlahiyyat  üzrə  magistr  və  elmlər  doktoru  dərəcəsini  qa-
zanmışdır.  Təhsildə  onun  ikinci  doktorluq  dərəcəsi  Pepperdayn 
Universitetindəndir. Həyat yoldaşı Coann ilə 34 ildən artıqdır ki, 
evlidirlər, iki yetkin övladı və iki nəvəsi var. 

«Məsihdə  azadlıq  xidməti»  Böyük  Tapşırığı  yerinə  yetirmək 
üçün Böyük Əmrə itaət edən beynəlxalq xidmətdir. Onun məqsədi 
məbədləri,  məsihçi  təşkilatlarını,  müjdəçilik  qruplarını  təchiz 
edərək Allahı izzətləndirməkdir. 
Minlərlə  insan  Məsihdə  azadlıqlarını  tapıblar;  eləcə  də,  si-
zin  qrupunuz  tapa  bilər!  Siz  bizi  aşağıdakı  «Məsihdə  azadlıq» 
konfranslarını  aparmaq  üçün  dəvət  edə  bilərsiniz,  belə  ki,  onlar 
cəmiyyətinizi dəyişdirə bilər: 
Məsihdə azad yaşamaq
Şəxsi  və  ruhani  münaqişələri  həll  etmək  üzrə 
Müqəddəs Kitab konfransı
Şagirdlikdə məsləhətvermə
Başqalarının  Məsihdə  azadlıq  tapmalarına  kömək 
məqsədilə iki günlük ətraflı seminar
Məbədinizi azad etmək
Məbədlər,  xidmətlər  və  ya  müjdəçilik  qruplarının 
müştərək azadlığı üçün rəhbərlik konfransı 
Qaranlığı tapdalamaq
Valideynlər, gənclərlə işləyənlər və yeniyetmələr üçün 
gənclər konfransı
Ruhani münaqişələri həll etmək və  
mədəniyyətlərarası xidmət
Rəhbərlər,  müjdəçilər  və  Böyük  Tapşırığın  həyata 
keçirilməsini  görmək  istəyən  bütün  imanlılar  üçün 
konfrans
Nikahınızı azad etmək 
Nişanlılar,  yenicə  evlənənlər,  yaxud  neçə  illər  evli 
olanlar üçün iki günlük toplantı

«Nikahınızı  azad  etmək»dən  başqa,  yuxarıdakı  konfransları, 
həm də video və audio formasında əldə etmək mümkündür. Bun-
ları və başqa vəsaitləri sifariş etmək üçün aşağıdakı ünvana yazın 
və ya zəng edin. 
Konfransa dəvət etmək üçün bizimlə əlaqə saxlaya bilərsiniz: 
Freedom in Christ 
491 E. Lambert Road
La Habra, CA 90631
USA
Tel: 1-562-691-9128
Fax: 1-562-691-4035
E-mail: info@fıcm.org
Website: www.fıcm.org

Mündəricat
 
Nəhayət azad!  . . . . . . . . . . . . . . . . . . . . . . . . . . . .   5
Birinci hissə:  Cəsarətli olun!
  1  Siz kölgələrdə yaşamaya bilərsiniz . . . . . . . . . . . . . . .   14
  2  Dünyada öz yolunuzu tapmaq . . . . . . . . . . . . . . . . . .   26
  3  Sizin azad olmaq hüququnuz var . . . . . . . . . . . . . . . .   40
  4  Siz ağlınızda gedən döyüşdə qalib gələ bilərsiniz . . . . .   57
  5  Üsyançı hökmdar ilə üzləşmək  . . . . . . . . . . . . . . . . .   73
  6  İsa sizi qoruyur . . . . . . . . . . . . . . . . . . . . . . . . . . . .   89
İkinci hissə:  Möhkəm dur!
  7  Ruhları idarə etmək . . . . . . . . . . . . . . . . . . . . . . . . .  108
  8  Sirli gücə və biliyə şirniklənmə . . . . . . . . . . . . . . . . .  121
  9  Öz istəyini etməyə sövq olunmaq  . . . . . . . . . . . . . . .  133
10  Yalanlar atası tərəfindən ittiham edilmiş   . . . . . . . . . .  150
11  Aldanma təhlükəsi  . . . . . . . . . . . . . . . . . . . . . . . . .  164
12  Özünü idarə etməni itirmək təhlükəsi   . . . . . . . . . . . .  181
Üçüncü hissə:  Azad gəz!
13  Məsihdə azadlıq addımları  . . . . . . . . . . . . . . . . . . . .  198
14  Məsihdə azadlıq tapmaları üçün başqalarına  
kömək etmək . . . . . . . . . . . . . . . . . . . . . . . . . . . . .  252
15  Son söz . . . . . . . . . . . . . . . . . . . . . . . . . . . . . . . . .  271
Əlavə:  Əlavə yardım!
 
Məxfi şəxsi sorğu . . . . . . . . . . . . . . . . . . . . . . . . . .  276

Yüklə 1,3 Mb.

Dostları ilə paylaş:
1   ...   15   16   17   18   19   20   21   22   23




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin