Fanning maqsadi va vazifalari
Fanning asosiy maqsadi – tasavvuf va mumtoz adabiyotning o‘zaro uyg’unligi masalalari, mumtoz adabiyotshunoslikning yirik namoyandalari ijodi bilan tanishish, mutasavvuf adiblarning asarlari badiiyatini tahlili bo‘yicha nazariy bilim berishdan iborat.
Fanning vazifalari – tinglovchilarda tasavvufning paydo bo‘lishi, uning tarixiy ildizlari, falsafiy, ijtimoiy-estetik asoslari; tasavvuf ta’limotidagi yirik tariqatlar va ularning namoyandalari, tasavvuf adabiyotining o‘ziga xosligi, mumtoz she’r tuzilishi, mumtoz adabiy tur va janrlar, she’riy san’atlar to‘g’risidagi kasbiy bilimlarini takomillashtirish.
Fan bo‘yicha tinglovchilarning bilimi,ko‘nikma va
malakalariga qo‘yiladigan talablar
“Tasavvuf va mumtoz poetika asoslari” fanini o‘zlashtirish jarayonida amalga oshiriladigan masalalar doirasida tinglovchi:
tasavvufning paydo bo‘lishi, uning tarixiy ildizlari, falsafiy, ijtimoiy-estetik asoslari, tasavvuf ta’limotidagi yirik tariqatlar va ularning namoyandalari, yassaviylik, naqshbandiylik, kubraviylik, qalandariylik tariqatlari g’oyalarining mumtoz adabiyotda aks etishi masalalari, mumtoz she’r tuzilishi, mumtoz adabiy tur va janrlar, she’riy san’atlar, mumtoz adabiyotshunoslikning yirik namoyandalarini bilishi va malaka hosil qilishi;
tasavvuf ta’limoti va adabiyotiga, mumtoz poetikaga aloqador bo‘lgan muhim manbalarni sharhlash, o‘z ilmiy-tadqiqot ishlarida tasavvuf adabiyoti va mumtoz poetikaga oid asarlardan foydalangan holda adabiy matnlarni tahlil qilish ko‘nikmalariga ega bo‘lishlari kerak.
Fanning o‘quv rejasidagi boshqa fanlar bilan o‘zaro bog’liqligi, uslubiy jihatdan uzviyligi va ketma-ketligi
Mazkur fan o‘quv rejadagi o‘zbek adabiyoti tarixi, adabiyot nazariyasi, eski o‘zbek yozuvi praktikumi va sharq tillari kabi fanlar bilan o‘zaro uslubiy jihatdan uzviy bog’langan.
Dostları ilə paylaş: |
