O‘zbekiston respublikasi ichki ishlar vazirligi a k a d e m I y a

Obligatsiyalar. «
Obligatsiya» so‘zi lotincha «obligatio» so‘zidan 
olingan bo‘lib, «majburiyat» ma’nosini anglatadi. 
Obligatsiyalar 
–
ularning egasi pul mablag‘lari berganligini tasdiq etuvchi va qimmatli 
qog‘ozlarning belgilangan qiymatini ularda ko‘rsatilgan muddatda, qayd 
etilgan foiz to‘langan holda, basharti obligatsiyalarni chiqarish shartlarida 
o‘zgacha qoidalar nazarda tutilmagan bo‘lsa, qoplash majburiyatini 
tasdiqlovchi qimmatli qog‘ozdir.
Obligatsiyalarning quyidagi turlari mavjud:
– respublika ichki zayomlarining va mahalliy zayomlarning 
obligatsiyalari. 
Respublika ichki zayomlarining va mahalliy zayomlar-
ning obligatsiyalari taqdim etuvchiga tegishli qilib chiqariladi. Respublika 
ichki zayomlarining va mahalliy zayomlarning obligatsiyalarini chiqarish 
to‘g‘risidagi qaror O‘zbekiston Respublikasi Vazirlar Mahkamasi va 
davlat hokimiyati mahalliy organlari tomonidan qabul qilinadi. Qarorda 
emitent, obligatsiyalarni chiqarish shartlari va ularni tarqatish tartibi 
belgilab qo‘yilishi lozim; 
– korxonalarning obligatsiyalari; 
Korxonalarning obligatsiyalari 
mulkchilikning barcha shakllariga mansub korxonalar tomonidan chiqa-
rilishi mumkin. Obligatsiyalar o‘z egalariga korxona boshqaruvida 
qatnashish huquqini bermaydi. 
Korxonalar va aksiyadorlik jamiyatlarining aksiyalarini chiqarish 
to‘g‘risidagi qaror ma’muriyat va ijroiya organi (boshqaruvi) tomonidan 
qabul qilinadi hamda bayonnoma bilan rasmiylashtiriladi. 

---

282
Korxonalarning obligatsiyalarini emitentlarning ustav fondini 
shakllantirish va to‘ldirish uchun, shuningdek ularning xo‘jalik faoliyati 
bilan bog‘liq zararlarni qoplash uchun chiqarishga yo‘l qo‘yilmaydi. 
Aksiyadorlik jamiyatlari chiqarilgan barcha aksiyalar haqi to‘liq 
to‘langanidan keyingina ustav fondi miqdorining qonun hujjatlarida 
belgilangan foizidan ko‘p bo‘lmagan summada obligatsiyalar chiqarishi 
mumkin. 
Mulkchilikning boshqa shakllariga mansub korxonalarda obligatsiya-
lar chiqarish summasining miqdorlarini O‘zbekiston Respublikasi Moliya 
vazirligi belgilab beradi.