O‘zbekiston respublikasi maktab va maktab ta’limi vazirligi nizomiy nomidagi toshkent davlat pedagogika universiteti

I. O‘QUV MATERIALLAR
7-SEMESTR
1-MAVZU. KUCH QOBILIYATINI TARBIYALASH.
Reja:

1. 
   Kuch – atamasiga ta’rif.
   
2. 
   Kuchning turlari.
   
3. 
   Kuchni o‘lchash.
   
4. 
   Kuchni rivojlantirish metodikasi va vositalari.
   
5. 
   Kuchni rivojlantirish metodlari.
   

Har qaysi individ tashqi ta’sir yoki qarshilikni yеngish uchun o‘z jismidagi ma’lum sifatni namoyon qiladi. Tashqi ta’sirga qarshi muskul zo‘riqishi orqali harakat faoliyati - shaxsning kuchi, uning kuch qobiliyati deb atash qabul qilingan. Shug‘ullanuvchi mashg‘ulot paytida o‘z tanasi tinch turganholdan sport snaryadiga (uloqtirishda), o‘z tanasiniharakatlantirish maqsadida (gimnastika mashqlari va boshqalar), aylantirish, siljitish, ko‘tarishga intilsa, ayrimhollarda uning teskarisi, tananing o‘zi, yoki uni bilagiga tashqi kuch ta’sir etishi bilan uning statitikholatini bo‘zib o‘z gavdasini oldingi (dastlabki)holatini ushlab turishga o‘rinadi. Bokschining raqibi mushti-ning zarbi, ko’rashchini raqibi tomonidan kuch ishlatib uni tanasini ayrim bo‘laklarini egishga dosh berishi tana holatini o‘zgartirmaslik orqali ro‘y beradi. Bunda shug‘ullanuvchi va uning raqibi ma’lum darajada qarshiliklarni, og‘irliklarni yеngish va ko‘tarishda ma’lum darajada kuch sifatini namoyon qiladi.

Ilmiy tushuncha tarzida kuch imkoniyati boricha o‘zining aniq ta’rifiga ega bo‘lishi va farqlanishi lozim:
1) harakatning mexanik xarakteristikasi sifatidagi kuch (“tanaga «m» massasidagi «F» kuchining ta’siri...”);
2) inson jismidagi jismoniy sifat tarzidagi kuch (masalan, “yoshning ulg‘ayishi bilan kuchning rivojlanishi; sportchi kuchini sport bilan shug‘ullanmaydiganlarga nisbatan ko‘p bo‘lishi...» va h.k.).
Bu sifatning psixofizik mexanizmi muskul zo‘riqishining boshqarilishi (regulyatsiyasi) va ularning ish tartibi (rejimi) bilan aloqador. Muskulning taranglashishi insonning kuchini namoyon bo‘lishiga olib keladi.
Ruhiy ozuqa olishi va harakatni ma’lum tizimda bajarish markaziy hamda pereferik nerv sistemasi, xususan, nerv markazlaridan muskullarga kelayotgan signallarga va muskullarning o‘z xizmati holatiga bog‘liq. Umuman, muskul tarangligi – zo‘riqishi (kuch namoyon qila olishi) quyidagilarga qarab aniqlanadi;
1) markazdan muskullarga kelayotgan qo‘zg‘alishlarning chastotasiga (chastota qancha katta bo‘lsa, muskul shunchalik zo‘r darajada o‘zining tarangligini oshiradi) ko‘ra;
2) zo‘riqishga qo‘shilgan harakat birligining soni bilan;
3) muskulning qo‘zg‘aluvchanligi va undagi quvvatning manbai miqdoriga qarab.
Muskul kuch namoyon qilishi uch xil rejimda zo‘riqadi:
a) o‘zining uzunligini o‘zgartirmay (statik, izometrik rejimda). Tananing turlicha holatlarda ushlash va h.k. lar bilan;
b) muskul uzunligini kamayishiga hisobiga, bardosh berish bilan (miometrik). Zo‘riqish birday – o‘zgarmay turadi, bunday rejim siklik va balastik harakatlardagi muskul qisqarishi fazalari evaziga sodir bo‘ladi;
v) muskulni cho‘zish vaqtida uning uzayishi hisobiga (yon berish, bo‘sh kelish-pliometrik) kuch yuzaga keladi. O‘tirib turish, uloqtirish, depsinishda muskul qisqarishi orqali shu kuch namoyon bo‘ladi.
Bardosh berish bilan, yon berish, bo‘shashtirish bilan kuch namoyon qilishni dinamik rejimdagi kuch deb atash qabo‘l qilingan.¹
Shunday qilib bunday sharoitlarda maksimal kuchni ko‘lami turlicha qayd qilingan kuch namoyon qilishning asosiy xillari kuch qobiliyatining klassifikatsiyasi sifatida qabul qilingan.
Kuch qobiliyatlarining turlari muskul zo‘riqishi tartibining kombinatsiyalashtira olish xarakteriga qarab farqlanadi. Statik rejimda va sekinlashtirilgan harakatlarda namoyon bo‘ladigan shaxsiy-kuch qobiliyatlari va tezlik-kuchi hisobiga sodir bo‘ladigan kuch (dinamik kuch), tez bajariladigan harakatlarda qo‘llaniladi. Boshqachasiga buni shiddat (portlash) kuchi deb ham ataladi. Bunga qisqa vaqt ichida eng ko‘p darajada kuch namoyon qila olish qobiliyati deb qaraladi. Portlash kuchi sakrashlarda depsinish orqali sakrovchanlik tarzida namoyon bo‘ladi.
Kuchning ta’sir etish vaqti qanchalik oz bo‘lsa, harakat tezligi shuncha yuqori bo‘ladi. Gavda qiya chiziq bo‘ylab tezlik oladigan bo‘lsa shuncha ko‘p ta’sir kuchi kerak bo‘ladi.
To‘g‘ri chiziq bo‘ylab harakat tezligi uchun qiya chiziq bo‘ylab harakat tezligiga nisbatan ta’sir kuchi oz talab qilinadi.
Kuch oshirilishining uzluksizligi va birin ketinligi. Bu qoida Nyutonning ikkita (inersiya va tezlanish) qonunidan kelib chiqadi. Eng katta kuch harakatni boshlash uchun, tinch (turg‘un) inersiyani yеngish uchun kerak bo‘ladi.
Masalan, shtangani ko‘krakka olishga harakat boshlash uchun oyoqning va yеlkaning orqa muskullaridan, ularning kuchidan foydalaniladi. Chunki uni to‘xtatish yoki tinch turgan jism enersiyasini ozgina bo‘lsada, o‘zgartirish uchun yana qo‘shimcha zo‘riqish talab qilinadi. Aslida bu zo‘riqishdan mashq tezligini yanada oshirishda samarali foydalansa bular ekan.
Mabodo yadro turtishning qaysidir joyida harakatning ozgina sekinlashtirilishi yoki ushlanishiga yo‘l qo‘yilsa, oldingiharakatning foydali effektidan mahrum bo‘lib qolish mumkin.
Harakatlarning uzluksizligi va davomiyligi texnik tayyorgarligi yuqori bo‘lgan sportchilarda, ayniqsa uloqtirish, sakrash, suzishning barcha turlarida yaqqol ko‘zga tashlanadi va harakat samarasiga ta’sir qiladi.
Insonning kuch namoyon qila olishdagi asosiy faktor – muskul zo‘riqishi, lekin uning tanasining massasi (vazni) ham ma’lum darajada rol o‘ynaydi. Shunga ko‘ra, absolyut va nisbiy kuch deb ham farqlanadi.²
Birinchisida insonning tanasi vaznini hisobiga olmay, qandaydir bir harakatda kuch namoyon qila olishi tushunilsa, ikkinchisida, uning tana vaznining har bir kilogrammiga to‘g‘ri keladigan qilib namoyon qilinadigan kuchning me’yori tushuniladi.