O’zbekiston respublikasi oliy va o’rta maxsus ta’lim vazirligi namangan davlat universiteti

360. “Sobiq” hikoyasida qanday voqealar qalamga olingan? 
 
Said Ahmadning “Sobiq” hikoyasi achchiq, alamli kulgidan yiroq, hajviy, 
sof yumoristik yo’nalishda yozilgan. Adib voqeani asar qahramonining tilidan 
hikoya qilarkan, jamiyatimizda, halol kishilarning xatti-harakatlarida paydo 
bo’layotgan dabdababozlik, nozarur yumushlarga chalg’ib, kulgili vaziyatlarga 
tushib qolishi kabi nuqsonlar ustidan yengil kuladi. Katta maqsadlar yo’lida 
intilayotgan yaxshi bir mehnatkash insonni asrab-avaylash, uning kuchidan oqilona 
foydalanish, har bir odam o’z o’rnida bo’lib, o’z vazifasini sidqidildan bajarishi 
58
Қaюмoв Лaзиз. Зaмoндoшлaр. – Toшкeнт: 1985, 309-310-бeтлaр. 
  

---

lozimligi kabi qator masalalar hajviy yo’sinda tasvirlangan. Hikoya yumoristik 
xarakterda bo’lib, unda holat ustidan kulinadi.
361. ”Sarob” hikoyasining muallifi kim va u nima haqda? 
“Sarob” hikoyasining muallifi yozuvchi Said Ahmaddir. Adib bu hikoyada 
rossiyalik pioner Pavlik Morozovning o’z otasini fosh etib, ko’rsatgan “jasorat”ini 
takrorlagan Kimsan nomli oqpadarning o’z buzrukvoriga qarshi qilgan yovuzligi 
va buning ayanchli oqibatini mohirona aks ettirgan. Shu fojiali voqea misolida 
sho’rolar davridagi ijtimoiy adolatsizliklar, nopokliklar, kommunistlarning o’z 
qora niyatlarini amalga oshirishda bolalarni otalariga qarshi qayrab ish yuritishdan 
ham qaytmaganliklari fosh etilgan. 
362. Said Ahmadning qanday hajviy hikoyalarini bilasiz? 
Said Ahmad ijodida hajviy hikoyalar ham ko’p. Uning“La’li badaxshon”, 
”Begona”,”Xanka bilan Tanka”,”Mening do’stim Boboyev” , ”Lampa shisha” kabi 
hajviy hikoyalarida yozuvchi hayotda uchrab turuvchi nopoklik, manmanlik, 
maishiy buzuqlik, ig’vogarlik, ko’zbo’yamachilik, rasmiyatchilik singari illatlar 
ustalik bilan fosh etilgan. Bunga adibning “Mushtum” jurnali sahifalarini bezagan, 
teletomoshabinlarga zavq bag’ishlagan miniaturalari ham yaqqol misol bo’la oladi.