O’zbekiston respublikasi oliy va o’rta maxsus ta’lim vazirligi toshkent viloyati chirchiq davlat pedagogika instituti

Boshlang’ich sinfda husnixat daqiqalarining mazmuni 
Husnixat daqiqalari ona tili darsining bir qismini tashkil qiladi. Husnixat 
daqiqasining mavzusi, husnixatga o`rgatishning maqsad va vazifalari, tashkil etish 
shakllari, metod va usullari darsning maqsadi, turi, shakli, bosqichlariga singdiriladi. 
Masalan, darsning mavzusi “Tovushlar va harflar” shundan so`ng husnixat mavzusi 
yoziladi. Bosh B va kichik b harfini husnixat bilan yozish. Bb harfi ishtirok etgan 
gap yozish. 
Daqiqaning maqsadiga qo`shimcha “
O’quvchilarni yozuv faoliyatida 
ishtirok etadigan tana qismlari bilan tanishtirish. Yozuv paytida gavdani to’g’ri 
tutishga o`rgatish. Yozish jarayonida o`quv qurollaridan to`g`ri foydalanish 
ko`nikmasini shakllantirish” kabilar yoziladi. 
Darsning birinchi bosqichiga
“Yozuv jarayonida odamning tana qismining 
holatini ko’rsatish va nomlari bilan tanishtirish. Yozayotgan paytdagi holatini video 
orqali namoyish qilish. Ularni shunday holatda o`tirishlarini mashq qildirish. 
Daftarning turishi, kaftni to’g’ri tutish va ruchkani to’g’ri ushlashni mashq qilish. 
Bb harflari yuzasidan suhbat o`tkazish va o`quv materiallarini yozish. O`quvchilar 
yozuvini nazorat qilib borish, kamchiliklarini tuzatishga ko`maklashuvchi ish 
turlarini tashkil qilish” kiritiladi. 
Daqiqaning borishi:
Husnixat daqiqasiga rejalashtirilgan ishlar amalga 
oshiriladi.
O’qituvchi yozuv jarayonida noto’g’ri o’tirish bir qancha jiddiy kasalliklarning 
kelib chiqishiga sabab bo’lishini va keyinchalik butun hayoti davomida qolishi 
haqida ma’lumot berib o’tadi. Bularga masalan: uzoqni ko’ra olmaslik, bukchayish, 
nafas olishning qiyinlashuvi va o’zidan keyin ko’krak qafasi kasalliklarining kelib 
chiqishiga va h.zolarga sabab bo’ladi. 
Shundan keyin o’qituvchi o’quvchilarga tushuntirib o’tganlarini takrorlab 
berishlarini taklif etadi. 
Stolga o’tirayotganda o’quvchilarga yaxshi ko’rinadigan joyga (eng yaxshisi 
profil holda) o’tirib: ‘Qaranglar, men hozir yozish jarayonida qanday o’tirish talab 

---

177 
etilsa, shunday o’tiraman. Sizlar ham men qanday o’tirsam, shunday o’tirishga 
harakat qiling. Qarang-chi, men qanday o’tiribman, egilibmi, yo to’g’ri o`tirdimmi?’ 
O’quvchilar: To’g’ri. 
O’qituvchi: qaranglar, mening qo’llarim qayerda turibdi va diqqat bilan qarang-
chi, tirsaklarim qanday holda turibdi?