O‘zbekiston respublikasining davlat standarti turizm va yondosh xizmatlar. Sanatoriy-kurortda davolash. Xizmatlarga doir talablar

 
5 Xodimlar 
5.1 Umumiy talablar 
Sanatoriy-kurort xodimlari identifikatsiya qilingan bo‘lishi kerak. Bundan tashqari, 
mijozlar bilan aloqada bo‘ladigan xodimlarning nomi identifikatsiya qilinishi kerak. 
Xodimlar sanatoriy-kurort tomonidan taqdim etilayotgan xizmatlarni bilishi kerak. 
Mijozlarning turini va sanatoriy-kurortning ixtisosligini hisobga olgan holda, yuqori 
rahbariyat odatda mijozlar bilan muloqotda bo‘ladigan xodimlarning profilini aniqlashi 
kerak. Alohida topshiriqlar malakali va akkreditatsiyadan o‘tgan xodimlar tomonidan 
ishlab chiqilishi kerak. 
Sanatoriy-kurort kamida quyidagi lavozimlar uchun mas’ul shaxslarni aniqlashi 
kerak: 
- bosh ma’mur; 
- tibbiy menejer; 
- parvarishlash hududining boshqa xodimlari; 
- xizmat ko‘rsatish; 
- menejer yordamchisi; 
- bron qilish; 
- sotish; 
- boshqa xizmat ko‘rsatish xodimlari (masalan, kir yuvish, tozalash, xarid qilish).
Yuqori rahbariyat barcha xodimlar o‘z faoliyat sohalarida mijozlarning 
qanoatlanish darajasi to‘g‘risida doimo xabardor bo‘lishlari uchun ichki aloqa tizimini 
yaratishi kerak. Ushbu tizim xodimlar takliflarining tahlilini ta’minlashi kerak. 
Yangi xodimni yollash o‘quv davrini o‘z ichiga oladi. Ushbu faoliyatni 
engillashtirish uchun tashkilot sanatoriy-kurortda davolanishning asosiy jihatlarini 
tushuntiruvchi hujjatga ega bo‘lishi kerak. 
Sanatoriy-kurort masalan, gigiyena va xavfsizlik masalalari, axborot texnologiyalari 
bilan ishlash ko‘nikmalari, sanatoriy-kurortda keng ko‘lamda ishlatiladigan mahsulotlar 
bilan ishlash, atrof-muhitni muhofaza qilish sohasidagi ilg‘or tajriba, xushmuomalalik 
qoidalari, umumiy qo‘llaniladigan chet tillari, mijozlarga xizmat ko‘rsatish, shuningdek 
favqulodda vaziyatlarda harakatlanish va evakuatsiya rejasini (har ikkala holatda ham 
imkoniyati cheklangan mijozlarni hisobga olgan holda) o‘z ichiga olgan xodimlarni 
o‘qitishning yillik dasturini ishlab chiqishi kerak. 
Ushbu o‘quv dasturi favqulodda vaziyatlarda harakat qilish (masalan, birinchi 
yordam ko‘rsatish, favqulodda vaziyatlar va evakuatsiyada harakat qilish rejasini tuzish) 
va hayotni ta’minlash asoslari bo‘yicha ta’limni o‘z ichiga olishi kerak. 
Barcha xodimlar kasallik tashuvchisi emasligiga ishonch hosil qilish uchun davriy 
tibbiy ko‘rikdan o‘tishlari kerak. 
5.2 Parvarishlash hududi xodimlari 
Sanatoriy-kurortda barcha davolash tadbirlarini nazorat qiluvchi, tibbiy ta’limga 
ega direktor, afzalrog‘i sanatoriy-kurort bo‘yicha mutaxassis, bo‘lishi kerak. 
Sanatoriy-kurortda tibbiyot shifokori bo‘lishi kerak. 

---

Oʻz DSt ISO 21426:2022 (ISO 21426:2018, IDT)
6 
Malakali xodimlar, jumladan, fizioterapevt, gidroterapevt, gigiyena bo‘yicha 
mutaxassis, hamshira, ovqatlanish bo‘yicha mutaxassis/dietolog va sofrolog (psixolog), 
shuningdek balneologiya yoki tegishli davolanish turlari bo‘yicha tibbiy mutaxassislar 
mavjud bo‘lishi kerak. 
Fizioterapiya sohasida qayta tayyorlash shifokor yoki fizioterapevt tomonidan 
amalga oshiriladi. 
Parvarishlash hududiga jalb qilingan barcha xodimlar tibbiy shoshilinch 
vaziyatlarda harakat qilish rejasidan xabardor bo‘lishi kerak. 
5.3 Texnik xodimlar 
Sanatoriy-kurortda texnik xizmat ko‘rsatish, shu jumladan suvni tozalash 
operatsiyalarini bajarish uchun malakali xodimlar jalb qilinishi kerak. Texnik xizmat 
ko‘rsatish bo‘yicha operatsiyalar malakali professional muhandis yoki texnik tomonidan 
nazorat qilinishi kerak. 
Har qanday nosozlik aniqlanganda, texnik xizmat ko‘rsatuvchi xodimlar tegishli 
choralarni ko‘rishlari kerak. 
Har qanday texnik muammoni baholash uchun har doim mas’ul navbatchi bo‘lishi 
kerak.