Azərbaycan Respublikası Mədəniyyət və Turizm Nazirliyi
Yüklə 13,5 Mb. Pdf görüntüsü
|
- Bu səhifədəki naviqasiya:
- İnternetdə: www.books.google.com
- Tariximizin qan yaddaşı 26 Fevral - Xocalı faciəsi, (1992)
- İnternetdə: www.az.wikipedia.orq
- İnternetdə: www.books.google.com 46
- Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011. İnternetdə
- 9 Fevral - Yazıçı, alim, Fazil Rəhmanzadənin anadan olmasının 75 illiyi, (1942)
- Ədəbiyyat: Əhmədov Teymur - ”Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011. İnternetdə
- 15 Fevral - Şair, publisist İsgəndər Etibarın anadan olmasının 80 illiyi, (1937)
- Ədəbiyyat: Əhmədov Teymur - ”Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
- 17 Fevral - Yazıçı Sabir Süleymanovun anadan olmasının 80 illiyi, (1937-1979)
- Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
- 22 Fevral - Yazıçı, dramaturq Yusif Əzimzadənin anadan olmasının 100 illiyi, (1917-1984)
|
Şah İsmayıl Xətai
Beynəlxalq Ana Dili Günü YNESKO-nun 1999-cu il noyabr tarixində keçirilən Baş konfransının 30-cu sessiyasında təsis edilib və 21 fevral 2000-ci ildən dünyada dil və mədəniyyət rəngarəngliyini qoruyub saxlamaq üçün qeyd edilir. Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Çünki Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır. Dünyada məhv olmaq təklükəsi ilə üzləşən dillərin qorunması məqsədilə hər il keçirilən Beynəlxalq Ana dili Günü hər kəsə öz doğma dilinin varlığını hiss etmək, onunla qürur duymaq, inkişaf etdirmək hüququ olduğunu bir daha xatırladır. Dil ünsiyyət vasitəsidir, millətin simasını səciyyələndirən amillərdən biri, bəlkə də birincisidir. O, hər hansı bir xalqın varlığının təzahürü, onun milli sərvəti, qan yaddaşıdır. Xalqın taleyi, onun mənliyi, mənəviyyatı və mədəniyyəti olan dil cəmiyyətin təşəkkülü və inkişafı ilə birgə yaranır, tərəqqi edir. Millətin dilinin dövlət statusuna yüksəlməsi isə tarixi hadisə, milli dövlətçilik, tarixin qızıl səhifəsidir. Bu məqam millətin millət olaraq təsdiqidir.
İnternetdə: www.books.google.com 42
27 Fevral - Beynəlxalq Qütb Ayısı Günü
Hər il fevralın 27-də dünyada Beynəlxalq Qütb Ayısı Günü (International Polar Bear Day) qeyd olunur. Bu günün qeyd olunmasının əsas məqsədi ictimaiyyətin onlar haqqında məlumatını artırmaq və bu heyvanların qorunmasının vacibliyini vurğulamaqdır. Həmin gün ənənəvi olaraq təbiətin müdafiəsi ilə məşğul olan ekologiya təşkilatları tərəfindən müxtəlif aksiyalar və maarifləndirici tədbirlər həyata keçirilir. Qütb ayılarının yoxolma təhlükəsinin əsas səbəblərindən biri olan qütb buzlaqlarının ərinməsidir. Ağ ayıların məhv olmasının daha bir səbəbi ətraf mühiti çirkləndirən neft quyularının işlənməsidir. Son illərdə əldə olunmuş məlumatlar sübut edir ki, Qütb ayısı təqribən 5 milyon il əvvəl təkamülə başlamışdır. Onun əcdadı qonur ayı olmuşdur. Lakin ağ ayı, qonur ayıdan fərqli olaraq, uzaq Şimalda, dəniz buzları arasında yaşamağa uyğunlaşmışdır.
43
Tariximizin qan yaddaşı 26 Fevral - Xocalı faciəsi, (1992) Xocalı soyqırımı
1992-ci il fevralın 25-dən 26-na keçən gecə Ermənistan silahlı qüvvələri, Rusiyanın Xankəndi şəhərində yerləşən 366-cı motoatıcı alayının zirehli texnikası və hərbi heyətinin köməkliyi ilə,
Xocalı şəhərini işğal edərkən, azərbaycanlılara qarşı törədilmiş kütləvi qırğındır. Bu faciə xalqımıza qarşı dəhşətli soyqırımıdır. Hücumdan əvvəl, yəni fevralın 25-i axşam şəhər toplardan və ağır artileriyadan şiddətli atəşə tutulmuşdur. Nəticədə, fevralın 26-ı səhər saat 5 radələrində Xocalı tam alova bürünmüşdür. Mühasirəyə alınan şəhərdə qalmış təqribən 2500 nəfər xocalılı Ağdam rayonunun mərkəzinə çatmaq ümidi ilə şəhəri tərk etmişdir. Amma bir günün içində yer üzündən silinən şəhəri tərk edən sakinlərdən 613-ü düşmən gülləsinə tuş gələrək qətliamın qurbanı olmuşdur. Bu soyqırım nəticəsində 63-ü uşaq, 106-ı qadın, 70-i qoca və qarı olmaqla, 613 nəfər Xocalı sakini qətlə yetirilmiş, 8 ailə tamamilə məhv edilmiş, 25 uşaq hər iki valideynini, 130 uşaq valideynlərindən birini itirmişdir. Düşmən gülləsinə tuş gəlib yaralanan 487 nəfərdən 76-sı uşaq olmuşdur. 1275 xocalılı əsir, 150 insan itkin düşmüşdür. Dövlətin və əhalinin əmlakına 1 aprel 1992-ci il tarixinə olan qiymətlərlə 5 mlrd. rubl dəyərində ziyan vurulmuşdur. 1994-cü ildən ümummilli liderimiz Heydər Əliyevin təşəbbüsü ilə Azərbaycan hökuməti və parlamenti erməni millətçilərinin azərbaycanlılara qarşı törətdikləri cinayətlər, o cümlədən Xocalı soyqırımı haqqında həqiqətləri bütün miqyası və dəhşətləri ilə dünya dövlətlərinə və beynəlxalq ictimaiyyətə çatdırmaq, bunların soyqırımı siyasəti kimi tanınmasına nail olmaq üçün ardıcıl tədbirlər görmüşdür. Məqsəd Xocalı faciəsinə beynəlxalq hüquqi, siyasi qiymət verilməsinə, onun təşkilatçılarının, ideoloqlarının və icraçılarının dünya ictimaiyyətinin gözündə ifşasına və cəzalandırılmasına nail olmaqdır. Bu, Xocalı müdafiəçilərinin və şəhidlərinin ruhu qarşısında bizim insanlıq və vətəndaşlıq borcumuzdur .
www.books.google.com 44
Azərbaycanın görkəmli şəxsiyyətləri 2 Fevral - Dilçi alim Ağamusa Axundovun anadan olmasının 85 illiyi, (1932-2015) Ağamusa Axundov Kürdəmir şəhərində anadan olmuşdur. Orta məktəbi medalla bitirdikdən sonra ADU-nun filologiya fakültəsində (1950-1955) və Azərbaycan Pedaqoji Dillər İnstitutunun Qərbi Avropa dilləri fakültəsində təhsil almışdır (1959-1965). A.Axundov ADU-nun aspirantı, müəllimi (1958-1959), baş müəllimi (1959-1961), dosenti (1961-1967), sonra universitetin ümumi dilçilik kafedrasının professoru, fılologiya fakültəsinin dekanı (1967-1974 və 1980-1990), ümumi dilçilik kafedrasının müdiri olmuşdur. (1981-1999). Ədəbi fəaliyyətə ―İnqilab və mədəniyyət‖ jurnalında çap olunmuş "İkinci görüş" adlı ilk hekayəsi ilə başlamışdır. Bundan sonra bədii yaradıcılıqla, xüsusən poeziyanın sənətkarlıq problemlərinin tədqiqi ilə ciddi məşğul olmuşdur. Sovet Türkoloqları Komitəsinin (1974-cü ildən), Almaniya Demokratik Respublikasında nəşr edilən "Fonetika, dilçilik: Kommunikativ tədqiqatlar" adlı beynəlxalq nəzəri jurnalın redaksiya heyətinin üzvü (1978-ci ildən), Azərbaycan EA Terminologiya Komissiyası sədrinin müavini, Azərbaycan Ali Soveti Rəyasət Heyətinin Toponimika Komissiyasının, AzərTAC-ın Tərcümə Şurasının, Azərbaycan və Ərəb ölkələri Dostluq Cəmiyyəti İdarə Heyətinin üzvü, Sovet-Amerika Dostluq Cəmiyyəti Bakı şöbəsinin sədri kimi geniş ictimai-elmi fəaliyyət göstərib. Onun "Ümumi dilçilik" (1978-1988), dilçiliyə dair şərikli yazdığı ―Dilçiliyə giriş‖ (1966- 1980), ―Azərbaycan dili‖ (1972-1973-1974-1992) kitabları döna-dönə nəşr olunmuşdur. Ağamusa Axundov "Şöhrət" ordeni ilə təltif olunmuşdur (2000). 5 sentyabr 2015-ci ildə vəfat etmişdir, Bakıda, II Fəxri Xiyabanda dəfn edilmişdir. Kitabları: ―Felin zamanları‖ (1961), ―Müasir Azərbaycan ədəbi dilinin fonetikası‖ (1963), ―Müasir Azərbaycan dilinin fonetikasından mühazirələr‖ (1969), ―Dil və üslüb məsələləri‖ (1970), ―Azərbaycan dilinin fonemlər sistemi‖ (1973), ―Azərbaycan dilinin tarixi fonetikası‖ (1973), ―Ümumi dilçilik‖ (1979), ―Riyazi dilçilik‖ (1979), ―Şer sənəti və dil‖ (1980), ―Azərbaycan dilinin fonetikası‖ (1983), ―Torpağın köksündə tarixin izləri‖ (1983), ―Dilin estetikası‖ (1985), ―Ümumi dilçilik‖ (1988), ―Dil və mədəniyyət‖ (1992), ―Dil və ədəbiyyat ―(iki cilddə), (2003) və s.
www.az.wikipedia.orq 45
12 Fevral - Memar Ənvər Qasımzadənin anadan olmasının 105 illiyi, (1912-1969)
Azərbaycanın görkəmli memarı və dövlət xadimi Ənvər Əlibəy oğlu Qasımzadə Bakı quberniyasının Salyan şəhərində tanınmış maarifçi, Azərbaycanda rus dili və ədəbiyyatı üzrə ilk müəllimlərdən olmuş Əlibəy Qasımovun ailəsində dünyaya göz açmışdır. Ənvər Qasımzadə ilk təhsilini Bakı Müəllimlər Seminariyasının nümunəvi məktəbində almışdır. 1930-cu ilin dekabrında N.Nərimanov adına Azərbaycan Sənaye Texnikumunun inşaat şöbəsini bitirmiş və M.Əzizbəyov adına Azərbaycan Sənaye İnstitutuna göndərilmişdir. 1936-cı ildə burada ali təhsilini bitirmiş və mühəndis-me'mar ixtisasına yiyələnmişdir. Hələ tələbəlik dövründən - 1934-cü ildən əmək fəaliyyətinə başlamış, "Azəridövlətlayihə" təşkilatında çalışmışdır. Həmin dövrdə həmçinin Bakı İnşaat Texnikumunda dərs demişdir. 1941-ci ildə Azərbaycan SSR Kommunal Təsərrüfatı Xalq Komissarlığı yanında Mənzil Kommunal Baş İdarəsinin rəisi və eyni zamanda, Bakı İnşaat Texnikumunun direktoru vəzifələrinə təyin edilmişdir. 1942-ci ilin əvvəllərində könüllü zabitlər hazırlığı kurslarına daxil olmuş və aprel ayından Böyük Vətən muharibəsində iştirak etmişdir. Terek sahillərindən Berlinə qədər döyüş yolu keçmişdir. "Qırmızı Bayraq", "Qırmızı Ulduz", I və II dərəcəli "Böyük Vətən müharibəsi" ordenləri ilə və altı medalla təltif edilmişdir.1946-cı ilin iyununda Azərbaycan hökümətinin müraciəti əsasında hərbi xidmətdən geri çağrılmışdır. 1947-ci ildən Azərbaycan SSR Nazirlər Sovetinin Memarlıq İşləri üzrə İdarəsinin rəisi, 1951-1953-cü illərdə Baki Şəhər Soveti İcraiyyə Komitəsi sədrinin birinci müavini, 1953-1955-ci illərdə tikinti naziri, 1955-1957-ci illərdə Dövlət Tikinti Komitəsinin sədri, 1957-1959-cu illərdə nazir - Dövlət Plan Komitəsi sədrinin I müavini vəzifələrində çalışmışdır. Ə.Qasımzadə 1959-cu ildə Azərbaycan Memarlar İttifaqına rəhbərlik etmiş, 1962- ci ildə Azərbaycan Politexnik İnstitutuna rektor təyin olunmuşdur. Ənvər Qasımzadə 1964-cü ildə memarlıq doktoru olmuş, 1966-cı ildə professor, 1968-ci ildə Azərbaycan Elmlər Akademiyasının müxbir üzvü seçilmişdir. O, "Əməkdar inşaatçı" fəxri adına layiq görülmüşdür. Bakının Azərbaycan prospektindəki (keçmiş Hüsü Hacıyev küçəsi), İnşaatçılar prospektindəki, keçmiş Şimali Sovet meydanındakı və Ağa Nemətulla küçəsindəki evlər, hazırda Gömrük Komitəsinin və Maliyyə Nazirliyinin inzibatı binaları, Bakixanov küçəsindəki Azərbaycan Tibb Universitetinin əsas korpusları, metronun "Ulduz" stansiyası onun layihələri əsasında inşa edilmişdir. Ənvər müəllim 60-dan çox elmi məqalənin və 7 monoqrafiyanın müəllifidir. Ə.Qasımzadə 1969-cu il mart ayının 12-də vəfat etmiş və Fəxri Xiyabanda dəfn olunmuşdır. Bakıda və Salyanda onun adına küçələr vardır.
46
Meyxoş Kamil oğlu Abdullayev (Abdullah) Cəlilabad rayonunun Xəlilabad kəndində doğulmuşdur. 2002-ci ildən Azərbaycan Yazıçılar Birliyinin üzvü, 6 kitab müəllifidir. Meyxoş Abdullahın əsas yaradıcılıq dövrü 1980- cı illərin axırına təsadüf edir. Onun 2000-ci ildə ilk publisistik ―Doktor Qəzənfər‖ adlı kitabı çap olunmuşdur. 2001-ci ildə isə ―Didərgin ruhlar‖ adlı hekayələr kitabı işıq üzü görmüşdür. Bu kitabda toplanmış hekayələr arasında ―Papaq‖, ―6-cı mərtəbə‖, ―Oğul‖, ―Kül‖, ―Möcüzə‖ və başqa hekayələri oxucular tərəfindən böyük rəğbət və sevgiylə qarşılanmışdır. M. Abdullanın yaradıcılığının ən yüksəliş dövrü ―Alagöz‖ əsəriylə bağlıdır. O, 2002-ci ildə ―Alagöz‖ əsərinə görə, Azərbaycan Yazıçılar Birliyi Bədii Ədəbiyyatı Təbliğ Bürosunun milli mənəvi yaddaşa qayıdışı təbliğ edən və Qarabağ mövzusunda yazılan ən yaxşı əsərlər üçün təsis etdiyi ―Yaddaş‖ mükafatına layiq görülmüşdür. Meyxoş Abdullahın 2004-cü ildə ―Şeytan gülüşü‖, 2005-ci ildə isə ―Anakonda ovu‖ kitabları işıq üzü görmüşdür. Onun ‖Dəli Bəybala‖, ―Maaş günü‖, ―Girov qoyulmuş namus‖, ―Mininci qadın‖, ―Ömürdən baha‖, ―Məhkum‖, ―Zəhərli eşq‖ və s. hekayə və povestləri də maraqla oxunur. 2007-ci ildə onun ―Möcüzəli xalça‖ əsəri Cəlilabad Xalq Teatrı tərəfindən tamaşaya qoyulmuşdur. Yazıçı Meyxoş Abdullah nəsr sahəsində öz dəst-xətti olan yazarlarımızdandır.
―Əsir qadın‖ (2009) və s.
47
9 Fevral - Yazıçı, alim, Fazil Rəhmanzadənin anadan olmasının 75 illiyi, (1942)
Rəhmanzadə Fazil Şamil oğlu Bakıda doğulmudur. O, 199 saylı Bakı şəhər orta məktəbini bitirmiş, Azərbaycan Dövlət Pedoqoji İnstitutunun dil və ədəbiyyat fakültəsində qiyabi təhsil almışdır (1961-1965). Uzun illər ―Bakı‖ qəzetini mədəniyyət şöbəsinin müdiri vəzifəsində çalışmışdır. Azərbaycan Dövlət Radio və Televiziya Komitəsinin əməkdaşı (1981-1983), ―Azərbaycan müəllimi‖ qəzeti redaksiyasında şöbə müdiri olmuşdur (1983-1994). Ədəbi yaradıcılığa 60-cı illərdən başlamışdır. Fazil Rəhmanzadənin 30-a yaxın tarixi-publisistik kitabları nəşr olunmuşdur. Yazıçı ―Qızıl qələm‖, ―Dan ulduzu‖, ―H. Zərdabi‖, ―Humay‖ mükafatları laureatıdır. O, ―Soydaş‖ Beynəlxalq Assosiasiyasının prezidenti seçilmişdir (1994). Əməkdar mədəniyyət işçisidir. Azərbaycan Dövlət Mədəniyyət və İncəsənət Universitetinin və Qərb Universitetinin professoru, Azərbaycan Milli Yaradıcılıq Akademiyasının filologiya elmləri doktorudur.
Kaliforniyadakı ―Azərbaycan Evi‖ İdarə Heyətinin, Frankfurt-Mayn şəhərindəki Avropa Türk İslam Cəmiyyətləri Birliyinin fəxri üzvü seçilmişdir. ―Ümumittifaq texniki-peşə təhsili‖ döş nişanı ilə təltif edilmişdir (1984). Kitabları: ―Haradasa görüşmüşdük‖ (1974), ―Gözəlliyə açılan pəncərə‖ (1977), ―Nəsibə Zeynalova‖ (1978), ―Ömür qısa deyil‖ (1979), ―Oxuyan ürəkdir‖(1980), ―Sənətkar qüdrəti‖ (1982), ―Nəğmə dolu könül‖(1985), ―Adın yadigar qalsın‖ (1986), ―Əsrə bərabər gecə‖(1991), ―Yol‖ (1994) və s.
48
15 Fevral - Şair, publisist İsgəndər Etibarın anadan olmasının 80 illiyi, (1937)
İsgəndərov İsgəndər Etibar oğlu Şamaxı şəhərində doğulmuşdur. O, 1 saylı şəhər orta məktəbində, Şamaxı Kənd Təsərrüfatı Texnikumunda, sonra Azərbaycan Kənd Təsərrüfatı İnstitutunda təhsil almışdır. Şamaxıda çıxan ―Yeni Şirvan‖ qəzetində çalışmışdır. Bakıda ―Kənd həyatı‖ jurnalı redaksiyasında şöbə müdiri (1965-1966). Azərbaycan Kənd Təsərrüfatı Nazirliyində zootexnik (1966-1972), ―Kənd əməkçisinin təqvimi‖ jurnalı redaksiyasında məsul katib (1972-1983), Azərbaycan KP MK yanında mətbuat mərkəzində referent olmuşdur. Hazırda ―Tək səbir‖ qəzetinin təsisçisi və baş redaktorudur. ―Səslər‖ adlı ilk şeirlər kitabı 1968-ci ildə işıq üzü görmüşdür. İsgəndər Etibar
20-dən çox şeirlər kitabının müəllifidir. Kitabları: ―Səslər‖ (1968), ―Nəğməli günlər‖ (1974), ―Tarla yolu‖ (1980), ―Sənə yazılan nəğmələr‖ (1988), ―Ürək səni istəyir‖ (1986), ―Elnur bala, nur bala‖ (1986), ―Məndən elə nə qaldı‖ (1993), ―Dəli kimdir bu gün?‖ (1996), ―Bu, mənəm, sevgi dolu ürəyəm‖ (2002), ― İraqa oxunan nəğmələr‖ (2003), ―Pıçıltılar‖ (2003), ―Gənc ailə üçün yaddaş‖ (2005), ―Dağlarda nur Şamaxı‖ (2006), ―Sevənlərə məktub‖ (2006), ―Balaca böyüklər‖ (2006), ―Gecikən kitab‖ (2009) və s.
49
(1937-1979)
Sabir Süleymanov Cəbrayıl rayonunda, qulluqçu ailəsində doğulmuşdur. O, orta məktəbi bitirib Azərbaycan Dövlət Pedaqoji İnstitutunda təhsil almışdır (1955-1960). ―Maarif‖ nəşriyyatında, sonra ―Azərnəşr‖də redaktor işləmişdir (1961-1966). Ədəbi fəaliyyətə tələbəlik dövründə başlamışdır. ―Qovarlar‖ adlı ilk hekayəsi 1958-ci ildə ―Pioner‖ jurnalında çap edilmişdir. Bundan sonra Sabir Süleymanov ―Göyərçin‖, ―Ulduz‖
jurnallarında, ―Ədəbiyyat və İncəsənət‖, ―Azərbaycan gəncləri‖ qəzetlərində hekayələrini vaxtaşırı çap etdirmişdir. Onun 1967-ci ildə ―Ulduz‖ jurnalında ―Cərəyan‖ adlı povesti dərc olunmuşdur. S. Süleymanovun 1966-ci ilin dekabr ayından fəaliyyəti ―Ulduz‖ və ―Azərbaycan‖ jurnalı redaksiyaları ilə sıx bağlı olmuşdur. O, ―Azərbaycan‖ jurnalında nəsr şöbəsinin müdiri kimi bütün qüvvəsini milli nəsrin inkişafı işinə həsr etmişdir. Sabir Süleymanov 1979-cu il dekabrın 18-də vəfat etmişdir.
(1972), ―Dan qaranlığı‖ (1974), ―Çinar kəhrizin suyu‖ (1985) və s.
50
(1917-1984)
Yusif Əzimzadə Bakıda fəhlə ailəsində doğulmuşdur. Natamam orta məktəbi bitirib N.Nərimanov adına Sənaye Texnikumunun elektrik-mexanika şöbəsində təhsil almışdır. Tələbə ikən öz şeirlərini ―Ədəbiyyat qəzeti‖ndə, ―Gənc işçi‖, ―Yeni yol‖ və ―Azərbaycan gəncləri‖ndə müntəzəm çap etdirmişdir. 1942-1944-cü illərdə isə ―Ədəbiyyat qəzeti‖ ndə, ―İnqilab və mədəniyyət‖ jurnalında ədəbi işçi, nəsr şöbəsinin müdiri
vəzifələrində çalışmışdır. ―Azərnəşr‖ və
―Uşaqgəncnəşr‖də bədii ədəbiyyat şöbəsinin redaktoru, ―İnqilab və mədəniyyət‖ jurnalı, sonra ―Ədəbiyyat qəzeti‖ redaksiyalarında məsul katib, ―Göyərçin‖ jurnalının məsul redaktoru, ―Ədəbiyyat və incəsənət‖ qəzetinin baş redaktoru, ―Ulduz‖ gənclik jurnalında redaktor əvəzi və Azərbaycan Yazıçılar Birliyində bədii tərcümə üzrə məsləhətçi olmuşdur. ―Anacan‖ pyesinə görə musiqili teatrların Ümumittifaq festivalının laureatı diplomuna layiq görülmüşdür (1957). Keçmiş SSRİ respublikalarının teatrlarında ―Çiçəklər səltənəti‖, ―Anacan‖, ―Nəsrəddin‖, ―Aprel səhəri‖ və ―Qonşular‖ dram əsərləri səhnəyə qoyulmuşdur. Onun tərcümə etdiyi pyeslər
(Konstantin Simonovun ―Rus məsələsi‖, Sergey Mixalkovun ―Qırmızı qalstuk‖, Y.Soloviçin ―Qəribə dilənçi‖, O.Bodıkovun ―Qaraqum faciəsi‖, Ş.Xusainovun ―Anam gəldi‖) Azərbaycan teatrlarında səhnələşdirilmişdir. ―Pravda‖, ―İzvestiya‖, ―Trud‖ və ―Literaturnaya qazeta‖ kimi mərkəzi qəzetlərdə müntəzəm çıxış etmişdir. Ümumittifaq Yazıçılar İttifaqının V qurultayına nümayəndə seçilmişdir. SSRİ medalları və Azərbaycan Ali Soveti Rəyasət Heyətinin Fəxri fərmanları ilə təltif olunmuşdur. Yusif Əzimzadə 1984-cü il mart ayının 6-da Bakıda vəfat etmişdir.
―Görüşdən sonra‖ (1950), ―Üç bayram‖ (1954), ―Bakının işıqları‖ (1956), ―Yenə görüşəcəyik‖ (1960), ―Murad dayının xatirələri‖ (1961), ―Xatırlayacaqsan‖ (1964), ―Anacan‖ (1968), ―O, qərib deyildi‖ (1968), ―Qaranquşa hay verin!‖ (1969), ―Ləpirlər‖ (1971), ―Unutmayın‖ (1973), ―Mənim mahnılarım‖ (1976),‖Qardaşlar‖ (1986) və s. Yüklə 13,5 Mb. Dostları ilə paylaş:
|