Prosessor və onun tərkib hissələri Prosessorların əsas xarakteristikaları intel firmasının prosessorları

İkinci nəsil Intel Core i7/i5/i3 prosessor ailəsi
Intel Core i* prosessorlar ailəsinə istifadəçilərin müxtəlif tətbiq sahələri üçün nəzərdə tutulmuş mobil və masaüstü FK-larda istifadə olunan prosessorların dörd əsas amillərinə baxılır.
1. İkinci nəsil Intel Core i7 Extreme Edition prosessoru – ən ba­halı və ən məhsuldar olur. Bu prosessorlar əsas etibarilə super kom­püter­lərdə istifadə edilir.
2. Ikinci nəsil Intel Core i7 prosessoru – masaüstü FK-lar üçün ən yaxşı Intel prosessoru hesab edilir. Burada yüklənməyə reaksiya ve­rən sürətli intellektual çoxnüvəli texnologiyalardan istifadə olunur. Bu texnologiyalar oyunların məhsuldarlığını artırır və proqram tət­biq­ləri üçün inanılmaz sıçrayışları təmin edir.
3. İkinci nəsil Intel Core i5 prosessoru – multimedia proqramları ilə çoxməsələli rejimlərdə işləmək üçün unikal imkanlara malikdir. 2-kanallı rejimdən istifadə edən prosessor yaddaşının sadələş­di­rilməsi hesabına istifadəçilər FK-nın modernləşdirilməsi baxımın-dan iqtisadi səmərə əldə edir. Bundan əlavə, qrafik altsistemin pro­ses­sorunun korpusuna inteqrasiya edilməsi kompüteri video platasız idarə etməyə icazə verir.
4. İkinci nəsil Intel Core i3 prosessoru – Intel Core ailəsində ən ucuz başa gələn məhsuldur (Pentium və Celeron istisna olmaqla). Bəzi sistem platalarının çipsetləri prosessorun qrafik altsisteminə qo­şul­maq üçün müvafiq sxemə malik olmur. Prosessora inteqrasiya olunmuş qrafik altsistem ev və ofis işləri üçün maksimum dərəcədə əl­verişli sayılır.
Intel Core i7/i5/i3 prosessor ailəsinin texnologiyaları
Intel Core i* prosessor ailəsində modeldən asılı olaraq müxtəlif kombinasiyalarla bir çox müxtəlif texnologiyalar istifadə olunur. Bu texnologiyalar aşağıdakılardan ibarətdir:
Intel Turbo Boost texnologiyası – proqramların məhsuldarlığını maksimal dərəcədə yüksəldir. Dinamik yüklənməyə məruz qalmış hissələrdə stabilləşdirməni təmin edir. Yəni, konkret nüvənin yüklən­məsindən asılı olaraq onun takt tezliyini 1-2 pillə artıra və ya azalda bilər. Burada, pillə dedikdə baza takt tezliyinin vurma əmsalı başa düşülür. Prosessorların növbəti modellərində tezliyin dəyişmə əmsalı artıq 1-5 pillə təşkil edir. Sandy Bridge arxitekturalı prosessorlarda tətbiq edilmiş Intel Turbo Boost texnologiyasının ikinci versiyası temperaturun və nüvələrin takt tezliyini çevik idarə edir.
Intel HD Boost texnologiyası – müxtəlif multimedia proqramla­rının məhsuldarlığını əhəmiyyətli dərəcədə yüksəldir. Effektivliyin yeni səviyyəsinə nail olmaq üçün müvafiq əmrlər sistemi vahid takt döv­ründə işə buraxılır.
Intel Hyper-Threading (HT) texnologiyası – virtual nüvələr yara­daraq çoxaxınlı məsələlərin paralel yerinə yetirməyə icazə verir. Mə­sə­lən, 4-nüvəli prosessor üçün əməliyyat sistemi onu 8 görəcək. Əlbəttə ki, belə bir HT ilə təchiz olunmuş prosessor iki prosessorun yerinə işləyə bilməz, lakin, bu halda sürət üçün 10-20% artım almaq mümkündür.
Intel Smart Cache texnologiyası – yüksək məhsuldarlığı və keş-yaddaşın effektivliyini təmin edir. Burada, ən müasir çoxaxınlı oyun­ların optimallaşdırılması təmin olunur.
Intel QuickPath Interconnect texnologiyası – verilənlərin ötürül­mə sürətinin artırılmasını təmin edir. Bu texnologiya verilənlərin bu­raxılma qabiliyyətinin artmasını və ləngimə vaxtının azalmasını mi­ni­muma endirmək üçün hazırlanmışdır.
Intel Graphics texnologiyası – prosessorun korpusuna inteqrasiya edilmiş qrafik sistemdir. 2011-ci ilə qədər hibrid istehsal texnolo­giyasından istifadə olunurdu. Bu zaman prosessorun kristalı 32 nm, qrafik kristal ilə birlikdə isə 45 nm təşkil edirdi. Sande Bridge arxi­tekturalı prosessorlarda qrafik nüvə prosessorun kristalına inteqrasiya edilmişdir.