Pul hám bankler oqıw qollanba

ǴMAna aǵza mámleketleri tárepinen milliy
valyutalardıń kiritiliwi²³

Mámleketler	Rubl zonasınan shıǵıw sánesi (tiykarǵı (araliq) valyutanıń kiritiliwi)
Belarus	1992 jıl may (belorus rubli)
Estonıya	1992 jıl iyun (krona)
Latviya	1992 jıl iyul (latviya rubli)
Azerbayjan	1992 jıl avgust (manat)
Litva	1992 jıl oktyabr (litva talonı)
Ukraina	1992 jıl noyabr (karbovanets) grivina
Qirǵızistan	1993 jıl may (swm)
Gruziya	1993 jıl avgust (kupon)
Ózbekistan	1993 jıl noyabr (Swm–kupon) Swm
Armanistan	1993 jıl noyabr (dram)
Qazaǵıstan	1993 jıl noyabr (teńge)
Moldova	1993 jıl noyabr (ley)
Turkmenistan	1993 jıl noyabr (manat)
Tajikistan	1995 jıl may (tajik rubli) somonı

Bunıń nátiyjesinde, óz milliy valyutasın kiritgen mámleketlerde Burınǵı Awqamnıń 1961–1992 jıllar úlgisindegi rubller qádirin joǵaltqan “ápiwayı qaǵaz” sıpatında mámleketimizge kirip kele basladı, bul proces mámleketimiz tutınıw bazarınan tovarlardı júdá úlken kólemde shetke aǵıp ketiwi júz berdi.

Álbette, bunday shárayatda tutınıw bazarın qorǵawdıń eń tuwrı jolı tezlik penen aylanısqa milliy valyutanı kiritiw edi. Lekin, jáhán tariyxınan málim, milliy pul birligin kiritiw ushın zárúr shólkemlestiriwshilik hám ekonomikalıq shárt–shárayat bolıwı kerek. Bul waqıt talap etetuǵın edi.
Ózbekistan Respublikası Ministrler Mekemesi 1993-jıl 15-mayda “Pul aylanısın tártipke salıw hám respublika tutınıw bazarın qorǵawdı kúsheyittiriw haqqında” qarar qabıl qıldı. Bul qararǵa muwapıq xalıqtıń tovar satıp alıwı hám depozit operaciyaların orınlanıwında pasport hám kupon sisteması kiritildi.
Ekinshi basqısh 1993-jıl noyabrden 1994-jıl iyun ayına tuwrı keldi. Bul dáwirde yaǵniy 1993-jıl 15-noyabrden aylanısqa aralıq «Swm–kupon»lar kiritildi.