Pilotaj cihazların ötürücü şinləri iki ədəddir: komandirin və ikinci pilotun. Komandirin ötürücü şini sol dəyişən cərəyan şinindən qidalanır. Əgər sol şində gərginlik olmasa, komandirin şini sağ dəyişən cərəyan şininə qoşulur.
Ikinci pilotun ötürücü şini sağ dəyişən cərəyan şinindən qidalanır, orada gərginlik olmadıqda ötürücü şin sol dəyişən cərəyan şininə qoşulur.
Sol və sağ ötürücü şinlər normal rejimdə onlara uyğun əsas şinlərdən qidalanırlar. Uçuşda hər iki əsas şinlərdə gərginlik olmazsa, ötürücü şinlər HMG hidravlik mühərrikli generatora qoşulurlar (K861 və K862 kontaktları).
