Samir İmanov HƏDƏFDƏKİ İnsan

Karabük. Türkiyə
Karabükdəki çoxdandır fəaliyyətini dayandırmış köh-
nə  tikiş  fabrikindəki  çürük  taxtaların  üstündə  oturmuş 
Con  xəritələri  qarşısındakı  stolun  üzərinə  sərib  sabahkı 
əməliyyatın planını qururdu. Kağızda bir neçə qeyd apa-
randan sonra başını qaldırıb Viktordan soruşdu:
-Neçə adam gətirmisən?
-34 nəfər gətirmişəm. İki adamımız Lusiyanın gizlən-
diyi evi gözətləyir, ikisi isə Silvanı vurmaq əmrinizi yerinə 
yetirmək üçün Madridə gediblər. Onlardan başqa İspani-
yada nə bir adamımız, nə bir silahımız, nə də hər hansı bir 
əmlakımız  qalmadı.  Verdiyin  əmrə  uyğun  olaraq,  bütün 
məkanlar partladılıb, telefonlar və kompüterlər isə dənizə 
atılıb. Bir sözlə, İspaniya Təhlükəsizlik Əməkdaşları bütün 
İspaniyanı axtarsalar da, bizə aid heç nə tapa bilməzlər.
-Afərin. Gələrkən heç bir problem olmadı ki?
-Elə bir ciddi problem olmadı. Adamların çoxu bura 
bir başa İspaniyadan yox, üçüncü dövlətdən keçməklə gə-
lib lər. 
Bir az ara verərək soruşdu:
-Bilmək olar biz niyə buradayıq?
Con qələmlə xəritələrin birində kiçik dairə çəkərək de di: 
-Sabah  Burakı  istintaqa  çəkmək  üçün Ankaraya  apa-
racaqlar. Burak bizim haqqımızda çox şey bilir, əgər onu 
sorğu-sual etsələr, problemimiz olacaq.
-Burak bərk adamdır, onlara heç nə deməz.

197
-İndi kimisə danışdırmaqdan ötrü nə döyürlər, nə dır-
nağını çıxardırlar, nə də ki, elektrik cərəyanına qo şurlar. 
Sadəcə bir iynə vururlar vəssalam. Özü hər şeyi bircə-bircə 
danışır. 
-Elədirsə, onda gərək Burakı mütləq ələ keçirdək. Ya 
diri, ya da ölü. Yoxsa, həqiqətən problemimiz olacaq.
-Sən bu əməliyyatda iştirak etməyəcəksən.
Xəritələrdən birini Viktora uzadıb dedi:
-Sən özünlə altı nəfər götür, get meşədə Samiri axtar. 
Dü nəndən bəri axtardığımız yerləri xəritədə işarələ mi şəm. 
Qalan yerləri sən axtar.
-O vəziyyətdə inanmıram sağ qala. Yəqin hansısa yır-
tıcı heyvana yem olub.
-Biz yenə də əmin olmalıyıq.
-Tapsam onunla nə edim?
-Öldür. Mən sənə Silvanı vurdurmaq yox, öldürtməyi 
tapşırmışdım. Çalış bu dəfə işi yarımçıq görmə. Mən isə 
Burakı həll edim.
-Bu iş üçün 28 nəfər az deyil?
-Sergey, Karlos, Markez, Xavyer hamısı öldülər. Adam-
ları isə həbsxanalarda taxtabiti öldürürlər. “Hoja de sauce” 
təşkilatından bircə bu 34 nəfər qalıb. Hamısı təlim keçmiş 
adamlardır, məncə bu işin öhdəsindən gələcəklər.
Viktor: Ok! – deyib, getmək istəyəndə qəfildən dayanıb 
soruşdu: -Bu vurhavurda Samir bizim nəyimizə lazımdır?
-Bizi  bu  vəziyyətə  salanların  hamısından  intiqam  al-
maq lazımdır. Almeyda, Samir, Silva, argentinalı qız, Bu-
rak  və  bu  adamların  ailə  üzvləri.  Hamısı  ölməlidirlər. 
Əgər dünyanın bir çox ölkələrinə yayılmış və üç il ərzində 
cinayət aləmində böyük ad - san qazanmış “Hoja de sau-
ce” təşkilatını bu vəziyyətə salıblarsa, mütləq ölmə dirlər. 
Nəyin bahasına olursa - olsun. Yoxsa güzgüdə özümüzə 

198
bax mağa  üzümüz  gəlməz.  Bir  də  ki,  Samir  Polerin  həqi-
qətdə kim olduğunu bilir.
Viktor ok deyib gedəndən sonra Con yenidən otura raq 
xəritələrdə qeydlər aparmağa başladı.
Hadisədən 2 gün sonra
Ankara. Türkiyə
Almeyda  Təhlükəsizlik  Nazirliyinin  binasının  həyə-
tinə  girəndə  səhər  saat  10  idi.  Maşından  düşən  kimi  bir 
nəfər yaxınlaşıb dedi:
-Salam.  Mən  Səlcukun  köməkçisiyəm.  Lütfən  buyu-
run, Səlcuk sizi kabinetində gözləyir.
Onlar  Səlcukun  kabinetinə  girəndə  Səlcuk  oturmaq 
üçün Almeydaya yer təklif edib, katibəsinə iki stəkan kofe 
gətirməsini  tapşırdı. Almeyda  oturan  kimi  birbaşa  suala 
keçdi:
-Dindirəcəyimiz adamlar nə zaman Ankarada olaca q-
lar?
-Onların həbs olunduğu bölgədə hava limanı olmadı-
ğından Kastamonuya qədər helikopterlə, oradan Ankara-
ya  qədər  isə  təyyarəylə  gətirməyi  planlaşdırırdıq. Ancaq 
hazırda  Karabükdə  çox  güclü  külək  əsdiyindən  onları 
Kastomonuya  qədər  helikopterlə  yox,  maşınla  gətirməyə 
məcbur olduq. Artıq maşın karvanı yarım saat bundan qa-
baq  Karabükdən  Kastamonuya  doğru  yola  düşüb.  Ümid 
edirəm, bir neçə saatdan sonra burada olacaqlar.
-Türkiyə polisinin peşəkarlığına şübhəm yoxdur. An-
caq Conun adamları yüksək təlim keçmiş, fiziki cəhətdən 
çox  güclü  və  bununla  bahəm,  qəddar  insan lardır.  Buna 
görə də, təhlükəsizliklə bağlı vəziyyətin nə yerdə olduğu-
nu öyrənmək istərdim.

199
-Həmin üç nəfəri Karabükdən Ankaraya polislərdən, 
ordu  qüvvələrindən  və  xüsusi  təyinatlılardan  ibarət  100 
nəfərlik ordu gətirəcək. Dəstənin rəhbərliyi isə Erkan ad-
lı  cəsur  və  bacarıqlı  bir  nəfərə  tapşırılıb.  Həbs  olunanlar 
Karabükdən  Kastamonuya  qədər  və  Ankaradakı  hava 
limanından  bura  qədər  olan  yolu  xüsusi  zirehli  maşın-
da gələcəklər. Onlara yuxu iynəsi vurulduğundan bütün 
yolboyu  yatacaqlar.  Hətta  onların  təhlükəsizlikləri  na-
mi nə  maşınlarda  və  təyyarədə  yanlarında  onlara  nəza-
rət etmələri üçün heç bir adam qoyulmayacaq, yalnız kə-
nardan  müşayət  edəcəklər.  Yəni  maşından  təyyarəyə  və 
əksinə daşınmalarını nəzərə almasaq, heç kim onlarla tə-
mas yarada bilməyəcək.
Almeyda  Səlcuqun  sözlərindən  bir  az  rahatlanaraq, 
kofedən bir qurtum içib saata baxdı.
Karabük. Türkiyə
Con ağacın dibində oturub tapança darağına güllə yı-
ğa-yığa öz-özünə fit çalırdı. Yolun hər iki tərfində gizlən-
miş  adamları  isə  sakitcə  oturaraq  maşınların  gəlmə sini 
gözləyirdilər.  Maşınların  yaxınlaşdığını  xəbər  vermək 
üçün  10  dəqiqəlik  irəli  məsafədə  dayanan  Conun  adamı 
maşınları  gözləyə-gözləyə  özü  də  bilmədən  yuxuya  get-
mişdi.  Yaxınlaşan  maşınların  səsinə  oyananda  ilk  öncə 
harada oluğunu və nə baş verdiyini anlamasa da, sonra-
dan polis və hərbi maşınları gördükdə hər şey ani olaraq 
yadına düşdü. Hərbi hissəyə ərzaq və digər ləvazimatları 
daşıyan dörd hərbi maşın və onları müşayət edən iki polis 
maşınını Burakgili aparan maşın karvanı olduğunu zənn 
edib Cona zəng vuranda hələ yuxudan tam ayılmamışdı. 

200
Con tapançanı silirdi ki, yanına qoyduğu telefon zəng çal-
dı. Telefonu götürərək bir az dinlədikdən sonra - ok - deyib 
telefonu söndürərək yaxın lıqdakı içinə yağış suyu dolmuş 
kiçik çuxura atdı. Darağı tapançaya taxaraq ayağa durub 
qışqırdı:
-Hazır olun. Qarşı tərəfə də xəbər verin hazır olsun-
lar. İki polis və dörd hərbi maşındır. Beş dəqiqədən son-
ra  burada  olacaqlar.  Dediyim  kimi  hər  bir  maşın  hər  iki 
tərəfindən raketlə vurulsun.
Con bu yeri təsadüfən seçməmişdi. Yolun hər ik tərəfi 
sıx meşəlik idi və yaxınlıqda döngənin olması maşınların 
sürətlərinin  azalmasına  səbəb  olurdu.  Cona  xəbər  verən 
şəxs yuxudan tam ayılmaq və özünə gəlmək üçün bir az 
ləngimək qərarına gəldi və ağaclardan birinə söykənərək 
siqaret yandırdı. Bir-iki qüllab vurmuşdu ki, yaxınlaşmaq-
da olan maşın karvanını görüb özünü itirdi. Səhv etdiyini 
başa düşərək əlindəki siqareti cəld kənara atıb sifəti qor-
xudan  ağarmış  halda  telefonu  cibindən  çıxardaraq  Cona 
zəng vurdu. Bir neçə dəfə cəhd etdikdən sonra Cona zəng 
çatmadığını  görüb  telefonu  ataraq  pusquda  duranlara 
tərəf  qaçmağa  başladı.  Bir  az  qaçdıqdan  sonra  maşınla-
rı keçə bilməyəcəyini görərək dayandı və Conun öz işini 
bacarmayan adamlarına necə dəhşətli işgəncələr verdiyini 
bildiyi üçün əli titrəyə-titrəyə silahını çıxardaraq gicgahına 
dayayıb atəş açdı. Ərzaq maşınları döngədən keçib lazımi 
məsafəyə çatan kimi yolun hər iki tərəfindəki meşədə ağac-
ların arasında gizlənmiş adamlar raketlə hər iki tərəfdən 
maşınları vurduqdan sonra baxmaq üçün yanan maşınlara 
tərəf getdilər. Conun tapşırığı belə idi. Burakın öldüyünə 
əmin  olmaq  lazım  idi.  Burakgili  Kastamonuya  aparan 
maşın  karvanı  ərzaq  maşınlarının  vurulduğu  anda  artıq 
döngəyə çatmışdılar və dəhşətli partlayış səslərini eşidib 

201
cəld dayanaraq maşından düşüb nə baş veriyini anlamaq 
üçün baxmaq qərarına gəldilər. Conun adamları hərbiçiləri 
və polisləri görən kimi bir birilərinə - ehtiyatlı olun, bizi 
tələyə  saldılar,  tez  buradan  uzaqlaşaq,  -  deyə  qışqıraraq 
atəş aça-aça meşəyə doğru qaçmağa başladılar. Erkan yo-
lun ortasında aşaraq, yanan hərbi maşınları və onlara atəş 
açanların  xarici  dildə  danışdıqlarını  görüb  məsələnin  nə 
yerdə  olduğunu  başa  düşdü.  Xüsusi  təyinatlı  qüvvələri 
Burakgilin  yanında  saxlayaraq,  polis  və  ordunu  götürüb 
quldurları  tutmaq  üçün  hücuma  keçdi.  Conun  adamları 
meşənin içi ilə bir az qaçdıqdan sonra güclü atəş təzyiqinin 
altında dayanıb vuruşmağa məcbur oldular. 
Meşədə  tərəflər  arasında  Karabükdə  indiyə  qədər 
görünməmiş və bundan sonra da görünməyəcəyi ehtimal 
edilən şiddətli döyüş başladı. Səlcuq zəng gəldiyini görüb 
əlindəki  kofeni  masanın  ütünə  qoyaraq  telefonu  götürü. 
Bir az dinlədikdən sonra əsəbi halda bir neçə söz deyib te-
lefonu söndürdü. 
Almeyda türk dilini bilməsə də, Səlcuqun üzünün ifa-
də sindən və əsəbdən titrəyən səsindən ona verilən xəbərin 
pis  olduğunu  dərhal  başa  düşdü.  O  telefonu  söndürən 
kimi ümidsizliklə soruşdu:
-Burak da əlimizdən çıxdı?
-Yox.  Burak  bizim  əlimizdədir.  Bir  qrup  silahlı  dəstə 
maşın  karvanımıza  hücum  etmək  üçün  pusquda  daya-
nıbmış. Sonra bizim maşınlardan bir az irəlidə gedən və 
hərbi  hissəyə  ərzaq  və  digər  ləvazimatlar  aparan  maşın 
karvanının bizimki olduğunu zənn edərək raketlərlə atəşə 
tutublar.  İndi  bizim  döyüşçülərlə  onlar  arasında  atışma 
gedir. Əmr etdim həmin yerə təcili olaraq əlavə qüvvələr 
göndərilsin.

202
Almeyda heç nə deməyərək, başını əlləri arasına alıb 
həyəcanla hadisələrin sonrakı gedişatını gözləməyə başla-
dı. Döyüşün getdiyi yer ağaclıq olduğundan quldurlar çox 
rahat şəkildə müdafiə olunaraq geri çəkilə bilirdilər. Buna 
görə  də,  Erkan  adamlarının  yarısına  200  metrədək  sağ 
və  sol  tərəflərə  qaçarıb  oradan  irəliləmələrini  və  dəstəni 
mühasirəyə almalarını tapşırdı. Yerdə qalanlara isə adam-
larının azalmasını qarşı tərəfə hiss etdirməmək üçün atəşin 
şiddətini  artırmalarını  əmr  etdi.  10–15  dəqiqədən  sonra 
quldurları tam mühasirəyə alan dəstə onları məhv etmək 
üçün hücuma keçdi. Con mühasirəyə düşdüklərini görüb 
adamlarına bir tərəfə hücum edərək mühasirəni yarmala-
rını tapşırdı. İlk əvvəl güclü müqavimət göstərərək bu nail 
olsalar da, sonradan xeyli sayda itki vermələri, patronla-
rının azalması və qarşı tərəfə kömək gəlməsi onları çətinə 
saldı. Mühasirə halqasının get-gedə daraldığını və adam-
larının 7–8 nəfər qaldığını görən Con onlara atəşi dayan-
dıraraq, əllərini başlarının ardına qoyub üzü üstə yataraq 
polislərin gəlməyini gözləmələrini tapşırdı. Özü isə ağac-
ların arxasına keçərək yaxınlıqdakı palıd ağacına dırmaşdı 
və sıx yarpaqların arasında görünməz oldu. Polislər qarşı 
tərəfdən atəşin kəsildiyini görüb ehtiyatla irəliləməyə baş-
ladılar.  Erkan  təslim  olanların  yanına  çatanda  yanındakı 
leytenanta dedi:
-Siz yaralıları bir yerə yığıb ilk tibbi yardım göstərin ki, 
qanaxmadan ölməsinlər. Ölənlərlə işiniz olmasın, qoy on-
larla Ankaradan gələcək müstəntiq və ekspert qrupu ma-
raqlansın. Bizə köməyə gələn dəstənin yarısı burada qalsın. 
Bizim isə daha burada bir işimiz qalmadı. Təslim olanları 
da götürüb yolumuza davam edirik. – Üzünü yanında da-
yanan polis zabitinə çevirib dedi: -Buradakı əsirləri Burak-
gilin maşınına qoymayın. Bu Burakı öldürmək üçün tələ 

203
ola bilər. Təslim olanları, hər iki tərəfdən ölənlərlə yarala-
nanları sayıb mənə deyin ki, mərkəzə xəbər verim.
Erkan geri qayıdanda onsuz da dar olan yolun partla-
dılmış maşınlar ucbatından bağlandığını gördü. Buna görə 
də  maşınların  yanına  çatanda  xüsusi  təyinatlı  dəstənin 
rəhbərinə dedi:
-Yol  bağlıdır,  maşınlar  buradan  keçə  bilməyəcək. 
Gərək geri qayıtsınlar.
-Bəs içindəkiləri Kastamonuya qədər necə aparaca ğıq?
-Ən  yaxın  qəsəbəyə  qədər  kürəyimizdə  daşıyacağıq. 
Orada bir neçə maşın tapmaq olar.
-Bu çox risklidir.
-Başqa təklifin var?
-Təklifim  olub-olmamasının  məsələyə  heç  bir  dəxli 
yoxdur. Mən reallıqdan danışıram.
-Sən özünə güvənmirsən, yoxsa adamlarına? Səni deyə 
bilmərəm, amma mən bu mühafizədə iştirak edən hər bir 
kəsə inanıram və güvənirəm. Onlar bir az bundan qabaq 
güvənilir olmalarını isbat etdilər. Daha nə istəyirsən?
Ankara. Türkiyə
Almeyda həyacanla otaqda o baş bu başa var-gəl edir-
di.  Səlcuq  isə  gözünü  telefona  dikərək  veriləcək  xəbəri 
gözləyirdi. Hadisə yerindən artıq bir neçə dəfə xəbər gəlsə 
də,  hamısı  eyni  məzmunlu  idi:  Tərəflər  arasında  döyüş 
hələ də davam edir. Hər iki tərəfdən itkilər var. Quldurlar 
hələ də müqavimət göstərirlər və s. 
Telefon  zəng  çalan  kimi  hər  ikisi  həyəcanla  telefona 
baxdılar. Səlcuq dəstəyi götürüb danışmağa başladı. Bir az 
danışandan sonra üzünü səbirsizliklə onun nə deyəcəyini 
gözləyən Almeydaya tutaraq: 

204
-Artıq rahat nəfəs ala bilərik. Hər şey arxada qaldı.
Almeyda stulda əyləşərək soruşdu:
-Burak salamatdır?
-Əlbəttə  salamatdır.  İndi  zəng  vuran  Erkan  idi.  De-
yir  silahlılardan  on  beşi  öldürülüb,  on  biri  isə  yaralanıb. 
Səkkiz nəfər təslim olublar, onları da bura gətirirlər. Sənə 
demişdim axı, dustaqların mühafizəsini etibarlı adamlara 
tapşırmışıq.  Görürsən,  heç  otuz  dörd  nəfərlik  ordu  belə 
Burakı  bizim  əlimizdən  ala  bilmədi.  Bacardıqları  tək  şey 
maşın karvanını bir–iki saat ləngitmələri oldu.
Səlcuq gülərüzlə cavab verdi:
-Siz tərəfdən nə qədər itki oldu?
Anidən onun üzünə dərin bir hüzn çökdü:
-Bu döyüşdə on ikisi əsgər, səkkizi polis olmaqla, iyir-
mi nəfər insanımız həlak oldu. Doqquz nəfər isə yaralanıb.
-Mən  təəssüf  edirəm.  –  Almeyda  danışdıqca,  səsi 
titrəyirdi. – Oradakı insanların ölümü dünyanın müxtəlif 
yerlərində olan minlərlə əlil insanın bu dünyada rahat və 
xoşbəxt  yaşamalarına  vəsilə  olacaq.  Orada  həlak  olanla-
rın anaları öz ölümlərinin hesabına minlərlə insana həyat 
verən cəsur övladlarıyla fəxr etməlidirlər. Mən də öz can-
larını  başqalarının  xoşbəxtliyi  üçün  fəda  edən  o  iyirmi 
nəfərin ruhu qarşısında baş əyirəm. Ümid edirəm ki, doq-
quz nəfər tezliklə, sağalaraq ayağa qalxacaqlar.
Səlcuq nə isə demək istəsə də, qəhərdən onu danışma-
ğa  qoymadı.  Başını  aşağı-yuxarı  yelləməklə,  Almeydaya 
təşəkkürünü bildirdi.
Kastamonu. Türkiyə
Maşın  karvanı  Kastamonudakı  hava  limanına  çatan-
da, uçuş zolağına çıxıb düz təyyarənin yanında dayandı. 

205
Erkan  maşından  düşən  kimi  bir  nəfər  yaxınlaşıb  özünü 
təqdim etdi:
-Salam  cənab.  Mənim  adım  Okandır.  Bu  aeroportun 
rəhbəri  müavini  vəzifəsində  çalışıram.  Vəziyyətlə  bağ-
lı  Ankaradan  bizə  məlumat  veriblər.  Hər  şeyin  yüksək 
səviyyədə olması üçün əlimizdən gələni edirdik ki, uçuş 
vaxtında və təhlükəsiz həyata keçirilsin. Bunun üçün xü-
susi təyyarə də hazırlamışdıq. Ancaq təəssüf ki, son an da 
təyyarənin yanacaq çənində kiçik bir problem ortaya çıxdı. 
İndi onu təmir edirik.
Erkan hirslə əlini maşının kapotuna vurdu:
-Bir bu çatmırdı. Təmir uzun çəkər?
-Mühəndislər  hazırda  bu  işin  üstündə  çalışırlar. 
Baş  mühəndis  on  beş  dəqiqə  bundan  qabaq  mənə  dedi 
ki,  bir  saata  düzələr.  Təqribən,  qırx  beş  dəqiqə  çəkəcək. 
Karabükdə baş verən hadisədən xəbərim var. Bilirəm ki, 
bərk  yorulmusunuz.  Buyurun  kabinetimə,  yorğun luğu-
nuzu çıxarmaq üçün kofe için. Uşaqlara tapşıra cağam ki, 
buradakı insanlara da kofe gətirsinlər.
-Yox, təşəkkür edirəm. Burada qalsam daha yaxşı olar. 
Quldurların haradan, nə vaxt çıxacağı məlum deyil.
-Hava limanında bütün təhlükəsizlik tədbirləri görü-
lüb.  Hətta  bütün  uçuşlar  ləğv  edilib.  Ancaq  yenə  də  siz 
necə istəyirsiniz elə olsun. Mən tapşıraram, sizin də kofe-
nizi bura gətirərlər.
Erkan: – Sağ olun – deyib ətrafa göz gəzdirməyə başladı.
Karabük. Türkiyə
Con polislərin başının yaralılara qarışdığını görüb səs-
sizcə ağacdan düşərək aradan çıxdı. Hadisə yerindən bir 

206
xeyli uzaqlaşıb corabının içindən telefonu çıxardaraq Mu-
rada zəng vurdu. Murad Masallı rayonundakı evinin bax-
çasında, döşəkçənin üstündə uzanıb radioya qulaq asa-asa 
samovarın qaynamasını gözləyirdi. Telefonun zəng çaldı-
ğını görüb radionun səsini azaltdı: 
-Alo. Eşidirəm.
-Salam Murad. Bu mənəm, Con.
-Bilirəm.  Nömrən  telefonumda  var.  Nə  oldu?  Burakı 
ələ keçirə bildin? Sağdır, ya ölü?
-Yox,  Murad.  Burak  hələ  də  türk  polisinin  əlindədir. 
Türklər  bizi  tələyə  saldılar,  meşədə  mühasirəyə  alıb 
öldürməyə başladılar. Cəmi yeddi–səkkiz adamımız qaldı. 
Mən güclə aradan çıxa bildim.
Murad əsəbindən qışqırdı:
-Sən nə danışırsan? Sənə nə olub, həə, Con? Səndən so-
ruşuram Con, sənə nə olub? Qızı öldürə bilmədin, Samirin 
qardaşı oğlunu öldürə bilmədin, Silvanı öldürə bilmədin. 
Samir  isə  bilinmir  sağdır,  ya  ölü.  İndi  də  Burak.  “Söyüd 
yarpağı” təşkilatından bizə qalan həmin otuz dörd nəfər 
idi, onun da axırına Türkiyədə çıxdın.
-İstər  argentinalı  qız  olsun,  istər  Silva,  istərsə  də  bir 
başqası. Onları öldürmək üçün mən getməmişdim, adam-
larımı  göndərmişdim.  Əgər  işlər  yarımçıq  görülübsə,  bu 
mənim günahım deyil. Mən şəxsən gördüyüm işləri tam 
görməsəydim, indi Sergey də, Markez də, digər iki nəfər 
də sağ qalardılar.
-Əgər belədirsə, onda mənə diqqətlə qulaq as. Hələlik 
bir–iki  gün  Türkiyədə  qalıb  Samirin  məsələsini  həll  et. 
Sonra Madridə gedib qızı öldür. Qızın gizləndiyi yerin ün-
vanını mesajla göndərəcəyəm.
-Qızın gizləndiyi yeri öyrənmisən? – Con təəccüblə so-
ruşdu.

207
-Əlbəttə.  Yoxsa  elə  bilirsən  bütün  günü  çay  içə-içə 
musiqiyə  qulaq  asıram?  Sonra  sənə  deyəcəyim  planlar 
əsasında  Almeydanı,  Silvanı,  birdə  zəiflədiyimizi  düşü-
nərək  limandakı  dörd  gəmimizi  özününküləşdirən  rusi-
yalı Aleksandrı da aradan götürərsən. Sən bizim qarşımı-
zı kəsməyə çalışanları məhv et ki, hamı bizim kim oldu-
ğumuzu  bilsin.  Əgər  bu  işləri  bacarsan,  biz  yeni  təşkilat 
qura  biləcəyik.  Yox,  bu  işlərdən  başıuca  çıxa  bilməsək, 
on da  heç  kim  bizi  saymayacaq.  Ya  cinayət  aləmindəki 
düşmənlərimiz axırımıza çıxacaq, ya da ki polislər.
-Biz hər kəsə kim olduğumuzu göstərərik.
-Bəs yeni işimizin nə olacağını bilmək istəmirsən?
-Əlbəttə istəyirəm.
- Özümüzə yerin altında zavod açaraq orada müxtəlif 
silahlar istehsal edəcəyik. Dünyanın bütün ölkələrinə sata-
cağıq. Ancaq dediyim kimi, gərək bu işlə məşğul olan in-
sanlar bizim rəhbərliyimiz altında işləməyə razı olsunlar.
- Arxayın ol boss. “Söyüd yarpağı” təşkilatını dağıdan-
lara elə dəhşətli dərs verəcəyəm ki, cinayət aləmində hamı 
bizdən danışacaq.
-Afərin. Mən sənə inanıram.
-Boss, bəs Burakla bağlı nə etməyimi istəyirsən?
-Onunla  işin  olmasın,  o  nə  edəcəyini  yaxşı  bilir.  Sən 
Samirlə maraqlan.
Con Muradla sağollaşandan sonra telefonu söndürüb 
yenidən corabının içinə qoydu və cəld oradan uzaqlaşdı.
Kastamonu. Türkiyə
Kastamonu hava limanında hər şey yolunda getsə də, 
Erkan çox təlaşlı idi. Bacardığı qədər maksimum diqqətli 

208
olmağa çalışırdı. Təyyarəni təmir edən mühəndislər, ara-
dabir ona və adamlarına çay gətirən aeroptun işçiləri, bir 
sözlə, hər kəs Erkanın gözünə Conun adamı kimi görünür-
dü. Ona elə gəlirdi ki, quldurlar bu saat hara dansa peyda 
olacaqlar. Bu səbəbdən də Burakın olduğu avtomobildən 
bir addım da uzaqlaşmadan diq qətlə ətrafı nəzərdən keçi-
rirdi. Okan gəlib Erkanın yanına çatan kimi dedi:
-Problem həll olundu əfəndim. Artıq yola düşə bilər-
siniz.
Erkan üzünü adamlarına tutub dedi:
-Həbs olunanları təyyarəyə aparın. Bir az tez olun, on-
suz da kifayət qədər vaxt itirmişik.
Adamlar  Burakı  təyyarəyə  aparandan  sonra  Erkan 
ra hat  nəfəs  aldı.  Digər  cinayətkarlar  da  təyyarəyə  daşı-
nandan sonra mühafizə dəstəsi təyyarəyə mindi və pilot 
mühərriki işə saldı.
Ankara. Türkiyə
Səlcuk kabinetə girərək, içi yeməklə dolu sinini masa-
nın üstünə qoyub dedi:
-Artıq  rahatca  nahar  edə  bilərik.  Təyyarə  on  dəqiqə 
bundan  qabaq  Kastamonu  hava  limanından  yola  düşüb. 
Buyurun, yaxın əyləşin.
Almeydanın yeməyə iştahı olmasa da, Səlcuqun sözü-
nü yerə salmamaqdan ötəri masaya yaxın oturdu. Əslində, 
Səlcuqun  da  yeməyə  həvəsi  yox  idi.  Karabükdə  iyirmi 
nəfərin ölümü onu əməlli-başlı dilxor etmişdi. Bu yemək 
məsələsini  də  “birdən Almeyda  ac  olar,  yemək  istəməyə 
utanar” deyə fikirləşərək ortaya atmışdı.
Təyyarə Ankaradakı  hava  limanında  yerə  enən  kimi 
onları mərkəzə aparacaq maşın karvanı cəld yanlarına ya-

209
xınlaşdı. Erkanın göstərişi ilə adamlar vaxt itirmidən Bu-
rakı və helikopterdə həbs olunan digər iki nəfəri bir ma-
şına, meşədə təslim olanları isə başqa bir maşına mindirib 
yola  düşdülər.  Yolboyu  bir  neçə  dəfə  tıxaca  düşsələr  də, 
nəhayət təyin olunan yerə gəlib çıxa bildilər.
Telefonun  zəng  çalmasından  sonra  Səlcuq  kiminləsə 
danışıb dəstəyi yerə qoyan kimi Almeydaya dedi:
-Gözün aydın! Axır ki, Burakı və o birilərini gətirdilər. 
Maşın karvanı beş dəqiqədən sonra binanın həyətinə giriş 
edəcək. Buyurun getdik.
Səlcuqla Almeyda həyətə çıxanda maşınlar hasarın qa-
pısından həyətə girirdilər.  Maşınlar dayanan  kimi  Erkan 
aşağı  düşərək  Səlcuqla Almeydanın  yanına  gəldi  və  yol-
boyu  baş  verən  hadisələrlə  bağlı  onlara  məlumat  verdi. 
Səlcuq Erkanın dediklərini bircə-bircə Almeydaya tərcümə 
edirdi. Erkan sözünü qurtaran kimi hər üçü Buraka baxma-
ğa getdilər. Erkangil Burakın olduğu maşına yaxınlaşanda, 
maşının yanındakı adamlar Səlcukun işarəsiylə qapını aç-
dılar. Hər ikisi maraqla içəri boylananda yerlərində donub 
qaldılar. Təəccübdən Almeydanın gözlərinin böyüməsini 
və Səlcuqun -Aman Allah - deyərək geri çəkilməsini görən 
Erkan  içəri  baxanda  dəhşətə  gəldi.  İçi  qan  gölməçəsinə 
dönmüş maşında hərəkətsiz halda uzanan adamların di-
dilib -dağıdılmış biləklərini görəndə nə baş verdiyini an-
lamasa da, sonradan Burakın qanlı ağzını görüb hər şeyi 
başa düşdü. Səlcuq gördüyü mənzərədən çaşıb qalmışdı. 
Ona görə də səsi titrəyə-titrəyə soruşdu:
-Burada nə baş verib?
-Hər şey aydındır. – Erkan dilləndi. – Burak fiziki cə-
hət dən çox möhkəm adam olduğundan yuxudan tez ayı-
lıb, həm öz biləyini dişləyərək damarını qopardıb, həm də 
bu iki nəfərin.

210
Səlcuq:  -Yolboyu  bu  qədər  ləngimələri  gərək  nəzərə 
alaydıq. Təbii ki, bir müddətdən sonra iynənin təsiri keç-
məliydi. – Cəsədləri diqqətlə nəzərdən keçirib dedi: -Əgər 
intihar  edibsə,  mütləq  mühüm  bir  şey  bilirmiş.  Gedək 
Karabükdə ələ keçirilənlərə baxaq. Görək orada vəziyyət 
necədir.
Onlar digər maşının qapısını açanda içəridəkilərin sağ 
olduğunu görüb sevinən vaxt, Almeyda səkinin kənarında 
oturub dərin fikrə getmişdi.