Sh. Sh. Olimov, Sh. X. Samiyeva

Loyiha faoliyati texnologiyalari
Bolalar bogʻchalarida tarbiyachilar va bolalar tomonidan 
birgalikda amalga oshiriladi. Maktabgacha taʻlim tashkilotlarida 
innovatsion texnologiyalardan foydalanish va turli loyihalar ustida 
ishlash, xususan, bolaning ongli ravishda bilim va tajribalarni 
egallashiga olib keladi. 
Maktabgacha taʻlim tashkilotida innovatsion taʻlim texnologiyalari 
bolaning jismoniy va psixologik rivojlanishiga, bolaning oʻziga va oʻz 
kuchiga ishonishiga, mustaqil va masʻuliyatli boʻlishiga yordam 
beradi. Bolalar dunyoni oʻyinli taʻlim olish orqali oʻrganadilar, olgan 
bilimlarini amalda qoʻllashga harakat qiladilar. 

---

60 
Maktabgacha taʻlim tashkilotlarida innovatsion texnologiyalarni 
joriy etish, tarbiyachilar tomonidan tadqiqot faoliyati turlaridan 
foydalanishni oʻz ichiga oladi. Buning uchun maktabgacha yoshdagi 
bolalarga taʻlim-tarbiya jarayonida tarbiyachilar keng tarqalgan 
usullarga murojaat qilishadi: muammoni qoʻyish, uni har tomonlama 
tahlil qilish, modellashtirish, kuzatish, tajriba oʻtkazish, natijalarni 
aniqlash, yechimlarni topish va eng maqbulini tanlash. 
Maktabgacha 
taʻlim 
tashkilotlaridagi 
innovatsion 
muhit 
murabbiylarga har bir bolaga individual yondashuvga, uning 
xususiyatlarini, feʻl-atvorini hisobga olishga yordam beradi va 
mashgʻulotlarni hayajonli va gʻayrioddiy «sarguzasht»ga aylantiradi. 
Bunday faoliyat samarasi esa bolajonlarning bogʻchaga zavq va 
mamnuniyat bilan tashrif buyurishlari va har kuni oʻzlarining kichik 
bilim bazasini boyitishlariga olib keladi. 
Maktabgacha taʻlim tashkilotlarida axborot-kommunikatsiya 
texnologiyalarini qoʻllash 
Zamonaviy bugungi dunyoning bobo-buvilarimiz va hatto ota-
onalarimizning yoshlik davridan sezilarli darajada farq qilishini tan 
olmaslikning iloji yoʻq. Hozirgi kunda kompyuter, planshet kabi ilgʻor 
texnologiyalar maktabgacha yoshdagi bolalarni ajablantirmaydi. 
Axborot asri oʻziga xos oʻyin qoidalarini belgilaydi, buni eʻtirof etmay 
qoldirib boʻlmaydi. Masalan, bolani savodgaga, matematikaga 
oʻrgatish, uning xotirasi va mantiqiy tafakkurini iloji boricha 
rivojlantirish uchun 
moʻljallangan qiziqarli dasturlar tufayli 
maktabgacha yoshdagi bolani qiziqtirishi va unda bilim olishga 
muhabbat uygʻotishi mumkin. Animatsion kompyuterli koʻrgazma va 
illyustratsiyalar 
bolani 
diqqatini 
jalb 
etadi. 
Bolalar 
yangi 
maʻlumotlarni osongina eslab qolishadi va keyin ularni doʻstlari va 
oilasida muhokama qilishadi.