351
Ko`p hollarda xo‘jalik yurituvchi subyektlar o`z mahsulotlarini
yuqori
sifatli
bo`lishiga,
boshqa
subyektlar
bilan
bo`lgan
munosabatlardan insofli, adolatli foy dalanishga intilish, turli xayr-ehson
tadbirlarini amalga oshirish yo`li bilan o`z ishchanlik obro`sini yuqori
darajada ushlab turishi, uni doimiy mustahkamlashga harakat qiladilar.
Ammo xo‘jalik (tadbirkorlik) sohasida o`zaro munosa batlar har
doim ham silliq va bir maromda ketavermaydi. Bozor tizimidagi kuchli
raqobat bazi tadbirkorlik yurituvchi subyektlarni g`ayriahloqiy va
g`ayriqonuniy usullardan foydalangan holda bozorda huddi shunday
turdagi mahsulot ishlab chiqaruvchi, ish bajaruvchi, xizmat ko`rsatuvchi
boshqa subyektlar bo`lgan raqibini obro`sizlantirishga, uni ish- ishchanlik
obro`sini
yerga urib, u to`g`risida badnom qiluvchi malumotlar
tarqatishga undashi mumkin. Bunday harakatlar uchun amaldagi
qonunchilikda tegishli ravishda jinoiy-huquqiy, mamuriy-huquqiy va
fuqarolik-huquqiy javobgarlik belgilab qo`yilgan. Xalqaro tadbirkorlik
amaliyoti bo`yicha ham o`z raqibini ishchilik obro`sini g`ayriqonuniy
usullar bilan yerga urish g`irrom raqobatni (noinsof raqobatni) bir
ko`rinishi hisoblanadi.
Ishchilik obro`sini fuqarolik huquqiy
tartibda himoya qilishda
Fuqarolik kodeksining 100-moddasida belgilangan normalar qo`llaniladi.
Bunga asosan, xo‘jalik yurituvchi subyekt o`zining ishchanlik obro`siga
putur yetkazuvchi malumotlar yuzasidan, basharti bunday malumotlarni
tarqatgan shaxs ularni haqiqatga to`g`ri kelishini isbotlay olmasa, sud
yo`li bilan raddiya berilishini talab qilishga haqli.
Basharti, tadbirkorlik subyektning ishchanlik obro`siga putur
yetkazuvchi malumotlar ommaviy axborot vositalarida tarqatilgan bo`lsa,
ayni shu ommaviy axborot vositalarida raddiya berilishi lozim. Basharti,
bunday malumotlar tashkilotdan olingan hujjatda uchrasa, bunday hujjat
almashtirilishi lozim. Boshqa hollarda raddiya berish tartibi sud
tomonidan belgilanadi.
Tadbirkorlik subyekt ommaviy axborot vositalarida uning huquqlari
va qonuniy manfaatlarini kamsituvchi malumotlar e'lon qilinganda, u ayni
o`sha ommaviy axborot vositalari orqali chiqib, o`zini himoya qilish
huquqiga ega. Agar, sudning
hal qiluv qarori bajarilmasa, sud
352
qoidabuzarga qonun hujjatlarida belgilangan miqdorda va tartibda
undiriladigan jarima solishga haqlidir. Jarimani to`lash qoidabuzarni
sudning hal qiluv qarorida nazarda tutilgan harakatlarni bajarish
vazifasidan ozod etmaydi.
Tadbirkorlik yurituvchi subyektlar o`rtasida ishchanlik obro`siga
dahl qilinganlik bilan bog`liq nizolar O`zbekiston Respublikasi IPKga
muvofiq iqtisodiy sudlar tomonidan ko`rib chiqib hal etiladi. Yakka
tadbirkor bilan jismoniy shaxs o`rtasidagi
bunday toifadagi nizolar
fuqarolik ishlari bo`yicha sudlar tomonidan ko`rib chiqib hal etiladi.
Ishchanlik obro`si o`z mohiyati va xarakteriga ko`ra, ham mulkiy,
ham shaxsiy nomulkiy huquq hisoblanadi. Uning mulkiy xarakteri shunda
namoyon bo`ladiki, ishchanlik obro`siga putur yetkazilganda tadbirkorlik
yurituvchi subyektni mahsulot va tovarlariga bo`lgan talab keskin
kamayadi yoki u bozorda o`tmay qoladi. Shuningdek, u bilan hech bir
shaxs shartnomaviy munosabatlarga kirishmay qo`yadi yoki o`ta qattiq
shartlar bilan shartnomaviy munosabatlarga kirishadi. Tadbirkorlik
munosabatlarida unga nisbatan
ishonch keskin pasayib, uning mulkiy
ahvoliga tasir ko`rsatishi tabiiy. Bunday holda yetkazilgan moddiy
zararlar O`zbekiston Respublikasining Fuqarolik kodeksining 14-
moddasiga muvofiq undiriladi. Ishonchlik obro`sini mulkiy huquq
sisifatida namoyon bo`lishi yana shunda yaqqol ko`rinadiki, O`zbekiston
Respublikasining “Chet el invistisiyalari to`g`risida”gi qonunida gudvill
(ishchanlik obro`si) investitsiya sifatida O`zbekiston Respublikasi
iqtisodiyotiga kiritilishi mumkinligi nazarda tutilgan.
Shunga qaramasdan ishchanlik obro`si shaxsiy nomulkiy huquq
ekanligini etirof etmoq lozim. Chunki
u yuqorida takidlanganidek,
xo‘jalik yurituvchi subyektlarnining ahloqiy sifatlari bilan bog`liq.
Binobarin, ishchanlik obro`siga putur yetganda ma’naviy zarar
yetkazilishi ham tabiiy. Ma’naviy zarar O`zbekiston Respublikasi
Fuqarolik kodeksining 1022-moddasida subyektning jismoniy va
ma’naviy azoblari tariqasida namoyon bo`ladi. Bu holat yakka tadbirkor
bo`lgan jismoniy shaxslarda to`liq namoyon bo`ladi, ammo tijorat yuridik
shaxslarida bu holat bevosita emas, balki bavosita tarzida o`z ifodasini
topadi. Boshqacha aytganda, yuridik shaxsga yetkazilgan manaviy zarar
353
uning ishchilik obro`siga putur yetkazilishi
sababli uning rahbarlari,
xodimlari, jismoniy shaxs bo`lgan mulkdor muassislari jismoniy
og`riqlari, azob-uqubatlari ko`rinishida ro`y beradi, deb aytish mumkin.
Ma’naviy zararni qoplash miqdori tadbirkorlik yurituvchi subyektga
yetkazilgan jismoniy va manaviy azoblarning xususiyatiga, shuningdek
ayb tovon to`lashga asos bo`lgan hollarda zarar yetkazuvchining ayb
darajasiga qarab sud tomonidan aniqlanadi. Zararni qoplash miqdorini
aniqlashda oqilonalik va adolatlilik talablari etiborga olinishi lozim.
Dostları ilə paylaş: