Yeni təqvim layihələri
Bizim müasir təqvim çox yüksək dəqiqliyə malikdir, lakin onun da qüsurları vardır. Bu qüsurlar müxtəlif aylarda müxtəlif sayda (28-dən 31-ə qədər) gün olması və bir ildə tam sayda həftələrin olmamasıdır. Buna görə də təqvimi qaydaya salmaq üçün müxtəlif layihələr təklif olunmuşdur. Təklif olunan beynəlxalq layilərdən biri Armelinin təklif etdiyi layihə aşağıdakı şəkildədir:
1) Təqvim ili 4 kvartla (rübə) bölünür,hər kvartalın birinci ayı 31 gündən,qalan iki ayı isə 30 gündən ibarətdir, Hər kvartala 31+30+30=91 gün, 4 kvartala isə 91x4=364 gün vardır.
2) Həftə 7 günlük olaraq qalır, bütün kvartalların hər birisi 91:7=13 həftədən ibarətdir.
3) Hər kvartalın və təqvim ilinin başlanğıcı həftənin eyni gününə uyğun gəlir.
4) İlin axırında (31dekabrla 1 yanvar arasında) tarixsiz və adi olmayan əlavə beynəlxalq iş günü olmayan bir gün artırılır.
5) Uzun ildə belə adsız və iş günü olmayan əlavə bir gün II kvartalın axırında (30 iyun ilə 1 iyul arasında) da artırılır.
Lakin yeni təqvimin qəbul edilməsi yalnız beynəlxalq miqyasda həll edilə bilər.
Dostları ilə paylaş: | 
