Tabiiy fanlar fakulteti kimyo kafedrasi kimyoviy texnologiya fanidan

O’ZBEKISTON RESPUBLIKASI OLIY VA O’RTA MAXSUS
TA’LIM VAZIRLIGI


FARG’ONA DAVLAT UNIVERSITETI
TABIIY FANLAR FAKULTETI
KIMYO KAFEDRASI



KIMYOVIY TEXNOLOGIYA FANIDAN
LABORATORIYA MASHG’ULOTLARI UCHUN
USLUBIY KO’RSATMA
(3-kurs)

Bilim sohasi:	100 000	- Gumanitar
Ta'lim sohasi:	140 000	- Tabiiy fanlar
Ta'lim yo‘nalishlari:	5140500	Kimyo

Farg’ona-2022 yil
Mazkur laboratoriya mashg’ulotlari ishlanmasi O`zbekiston Respublikasi Oliy va o`rta maxsus ta`lim vazirligining 2019 yil 4 oktabrdagi 892-sonli buyrug`i bilan tasdiqlangan “Kimyo” fani dasturi asosida tayyorlangan.


Tuzuvchilar: Kimyo kafedrasi o’qituvchisi, M.Yunusov

Kimyo kafedrasi o’qituvchisi, D.Xatamova
Taqrizchi: Kimyo kafedrasi dotsenti, t.f.n M.Ismoilov

Laboratoriya mashg’ulotlari ishlanmasi “Kimyo” kafedrasining 2022 yil “___“ avgustdagi 1-son yigilishida o‘rganilgan hamda ma’qullangan va fakultet Kengashida muhokama qilish uchun tavsiya etilgan.

“___”.08.2022 y. Bayonnoma № 1

Kimyo kafedrasi mudiri: _______________________M.Nishonov

laboratoriya mashg’ulotlari ishlanmasi Tabiiy fanlar fakultet Kengashida muhokama qilingan va foydalanish uchun tavsiya etilgan.

“___”. 08. 2022 y. Bayonnoma № 1

Fakultet kengash raisi: __________________K.Asqarov

Kirish
Kadrlar tayyorlash Milliy Dasturi va “Ta’lim to‘g‘risida”gi Qonunda mamlakatimizda amalga oshirilayotgan ta’lim-tarbiya jarayoni sifatini dunyo andozalari talablari darajasiga ko‘tarish vazifasi yuklatilgan. Ayniqsa o‘quv jarayoniga bosqichma-bosqich yangi pedagogik texnologiyalar va ishlanmalarni joriy qilib borish shu kunning dolzarb masalalaridan biridir. Bu vazifani muvaffaqiyatli ado etishda o‘qituvchi tayyorlaydigan oliy o‘quv yurtlarining ham o‘ziga xos o‘rni bor.
Kimyoviy texnologiya kursi bo‘lajak kimyogarlarda kasb mahoratini shakllantirishga qaratilgan fan bo‘lib, uni o‘qitishda laboratoriya tajribalariga katta ahamiyat beriladi. Chunki, talabalar aynan ana shu mashg‘ulotlarda kimyoviy ishlab chiqarishlarga oid ko‘nikma va malakalarni egallaydilar. Ushbu qo‘llanmani tayyorlashda respublikamizda amalga oshirilayotgan ilmiy-uslubiy tadqiqotlarning natijalari hamda shu kungacha qo‘llanilib kelingan uslublardan ijodiy yondashib foydalanildi. SHu bilan birga mualliflar o‘zlarining pedagogik tajribalari va ilmiy-uslubiy ishlari natijalarini ham qo‘llanmada aks ettirishga xarakat qildilar.
Mazkur uslubiy qo‘llanma kimyo mutaxassisligi 3 - 4 kurs talabalari uchun mo‘ljallangan. Unda 6-7- semestrda o‘qitiladigan “Kimyoviy texnologiya” fanidan laboratoriya mashg‘ulotlarini o‘tkazish metodikasi bayon qilingan.
Ushbu uslubiy qo‘llanmada OO‘MTVning 2019 yil 4 oktyabrdagi 824-sonli buyrug‘i bilan tasdiqlangan namunaviy dasturga mos mavzular bo‘yicha laboratoriya tajribalarini bajarish tavsiya qilingan.
Mualliflar ushbu qo‘llanmani tayyorlashda ana shu tartibni saqlab qoldilar. Ayrim laboratoriya tajribalari qiyinlik darajasiga qarab bir necha variantda berildi. Bu har bir oliy dargohning o‘z imkoniyatlarini va jihozlar bilan ta’minlanganlik darajasiga qarab ish bajarish imkonini beradi.