Тема : озбекстан республикасы пукаралык хукыкы тусиниги, принциплери хэм дизими

Firmanin` atina bolg`an huqiqtin` ku`shinde boliwi ha`m oni basqa shaxsqa beriw ta`rtibi

Yuridikaliq shaxstin` firmanin` atina bolg`an absolyut hukiqi O`zbekstan Respublikasi aymag`inda o`z ku`shinde boliwi moyinlaniwi, qorg`aliwinin` za`ru`rli sha`rti-bul atamanin` O`zbekstan Respublikasinin` wa`killigi bar ma`mleketlik mekemelerinde dizimnen o`tkerilgenligi ha`m bul ha`qkinda akttin` belgilengenligi.
Usi talapqa a`mel etpew firmanin` atina bolg`an absolyut hukiqtin` moyinlanbawina sebep boladi.
Sirt ellerde dizimge aling`an yamasa uliwma moyinlang`an atqa (misali, Samsung, Boing, Soni, Koka-Kola ha`m basqalar/ bola absolyut huqiq O`zbekstan Respublikasinin` aymag`inda to`mendegi jag`daylarda o`z ku`shinde boliwi mu`mkin:
a/ eger bul O`zbekstan Respublikasi qosilg`an xaliq araliq konventsiyalar, kelisimler ha`m basqa da hu`jjetlerde na`zerde tutilg`an bolsa;
b/ eger bul O`zbekstan Respublikasi menen sirt el ma`mleketleri arasindag`i eki ta`replemeli, ko`p ta`replemeli sha`rtnamalar, kelisimlerde na`zerde tutilg`an bolsa;
Sanaat mu`lkin qorg`aw boyinsha Parij konventsiyasinin` 8-stat`yasinda ko`rsetilgen, konventsiyanin` qatnasiwshisi boliw ha`r bir ma`mleket ha`m basqa qatnasiwshi sirt el ma`mlekette jaylasqan firmanin` atin onin` o`zinde atalg`an yamasa atalmag`anlig`ina qaramastan (ko`rsetiliw haqqindag`i talaptin` ma`jbu`riyligine qaramastan), huqiqiy qorg`aliw, absolyut huqiqti ta`miyinlew tiyis.
O`zbekstan Respublikasi Parij konventsiyasnin` qatnasiwshisi esaplanadi.
Firmanin` atina bolg`an absolyut hukiq ol dizimge aling`annan baslap mu`ddetsiz ku`shke iye boladi.
Attin` iyesi bolg`an shaxs saplastirilg`annan baslap yamasa onin` firmasinin` atin belgilengen ta`rtipte o`zgertiw arqali firmanin` atina bolg`an absolyut huqiqi biykar etiledi. Firmanin` ati o`zgertilgende bul haqqinda ja`riya etiliwi sha`rt.
PK nin` 1101-stat`yasinda yuridikaliq shaxstin` firma atina bolg`an hukiqi basqa shaxsqa o`tiw sha`rtleri belilenedi.
Yuridikaliq shaxs firmanin` atina bolg`an huqiqin basqa shaxsqa beriwge ha`m o`tkeriwin tek g`ana to`mendegi jag`daylarda jol beriledi:
a/ yuridikaliq shaxs PK nin` 49 stat`yasinda belgilengen ta`rtipte qayta sho`lkemlestirilgende;
b/ ka`rxana (yuridikaliq shaxs) pu`tkilley shetletilgende (satilg`anda, sawg`a etilgende ha`m basqa da).
Yuridikaliq shaxstin` firmanin` atina bolg`an huqiqin shetletiw wa`killigi bar ma`mleketlik mekemede esaptan o`tkeriw ha`m tiyisli akt beriw arqali ra`smiylestiriledi.
Firmanin` atina bolg`an hukiq iyesi basqa shaxsqa firmanin` atinan paydalaniwg`a ruxsat beriwi /litsenziya beriwi/ mu`mkin. /Misali, PK nin` 862-stat`sinda belgilengen franshieing sha`rtnamasin du`ziw arqali/ litsenziya firma atinan paydalaniw jag`daylari, shen`beri, bul ushin alinatug`in to`lem mug`dari, to`lew ta`rtibi ha`m sol siyaqli sha`rtlerdi o`z ishine aliwi tiyis.
Usinin` menen birge sha`rtnamada litsenziar litsenziatqa onin` juwapkershiliginde firma atinan paydalaniwda tutiniwshini aljastirip qoyiw, aldawina alip keliwge jol qoymaytug`in ko`riw minnetlemesin ju`klewi ha`m onin` orinlaniwi u`stinen qadag`alawi tiyis. Usinday ilajlar ko`rilmegen jag`dayda tutiniwshinin` qarsiliqlari litsenziat /baskanin` firma atinan paydalaniwshi/qa emes, al litsenziarg`a /firma atinin` iyesine/ qaratiliwi mu`mkin.

3.