Тема : озбекстан республикасы пукаралык хукыкы тусиниги, принциплери хэм дизими

5. Tovar /xizmet/ belgisine bolg`an huqiqti buzg`anlig`i ushin juwapkershilik
PK nin` 1007-stat`yasinda tovar belgisine bolg`an huqiqin buzg`anlig`i ushin puxaraliq-huqiqiy juwapkershilik tiykari, juwapkershilik ko`lemi belgilep qoyilg`an.
Tovar belgisinen nizamg`a qilap ra`wishte paydalaniw degende tovar belgisinen nizamli tiykarg`a iye bolmag`an jag`dayda /tovar belgisinin` iyesi menen usi belgige bolg`an huqiqti aliw haqqinda sha`rtnama du`zbesten yamasa tovar belgisinen paydalaniwg`a litsenziya aliw haqqinda sha`rtnama du`zbesten/ tovar belgisinen paydalaniw tu`siniledi.
Tovar belgisinen nizamg`a qilap ra`wishte paydalanip atirg`an shaxs nizam buziwshiliqqa jol qoyip atirg`anlig`in bilgen yamasa biliwi tiyis bolg`an waqittan baslap nizam buziwshiliqti toqtatiwi sha`rt.Tovar belgisinen nizamg`a qilap ra`wishte paydalang`an shaxs usinin` na`tiyjesinde tovar belgisinin` iyesine /ayirim jag`daylarda usi tovar belgisinen paydalaniwg`a litsenziya alg`an shaxsqa da/ jetkerilgen ziyanlardi to`lewi sha`rt. Onda PK nin` 14-stat`yasinda belgilep qoyilg`an ziyandi to`lew haqqindag`i ta`rtiplerden kelip shig`iwi kerek. Tovar belgisinin` iyesine jetkerilgen ziyan en` aldi menen onnan tovar belgisi iyesi sipatindag`i huqiqlarin tiklew ushin jumsag`an yamasa jumsawi tiyisli bolg`an qa`rejetler, sonday-aq nizam buziwshi usinday nizam buziwshiliqtin` na`tiyjesinde jetkerilgen tovar belgisinen nizamg`a qilap ra`wishte paydalaniwi na`tiyjesinde da`ramat alg`an bolsa, aling`an da`ramatlar tovar belgisi iyesi /ayirim jag`daylarda tovar belgisinen paydalaniwg`a litsenziya alg`an shaxs/qa o`n`dirip beriliwi tiyis.
Tovar belgisinen nizamg`a qilap ra`wishte paydalanip atirg`an shaxs nizam buziwshiliqti toqtatiw menen birge, to`mendegi ha`reketlerdi a`melge asiriwg`a ma`jbu`r:
I / tayarlap qoyilg`an tovar belgisi ko`rinislerin /etiketkalar, yarliklar, tan`balar, mo`rler, reklama prospektleri, sol siyaqlilar/ joq etip taslawi sha`rt;
2/ nizamg`a qilap ra`wishte paydalanip atirg`an tovar belgisin yamasa aljastirip jiberiw da`rejesinde og`an usag`an belgini tovardan yamasa onin` idisi ha`m oraminan joq etiwi/ o`shirip taslaw, qirip taslaw, kesip taslaw, bo`lip taslaw/ sha`rt.
Joqaridag`i ha`reketlerdi nizam buziwshi o`zi a`melge asirmag`an jag`dayda sud ta`repinen, nizam buziwshi esabinan ma`jbu`riy tu`rde a`melge asiriladi.
Egerde nizamg`a qilap ra`wishte paydalanip atirg`an tovar belgisin yamasa almastirip jiberiw da`rejesinde og`an uqsas bolg`an belgini tovardan, onin` idisinan ha`m oraminan joq etiwdin` ilaji bolmasa, tiyisli tovar /idisi, orami/ joq etip taslaniwi tiyis. Joq etip taslaw nizam buziwshinin` juwapkershiligine ju`klenedi. Joq etip jiberiwdin` usili joq etip jiberiwdi a`melge asiriwshi shaxs ta`repinen tan`lap alinadi.
Nizam buziwshi o`z qa`lewi menen tovardi joq etip jibermegen jag`dayda, joq etip jiberiw sud qarari tiykarinda ma`jbu`riy tu`rde a`melge asiriladi. Ondag`i shig`inlar nizam buziwshinin` juwapkershiligine ju`klenedi.
Tovar belgisinen nizamg`a qilap ra`wishte paydalang`anlig`i ushin O`zbekstan Respublikasi administrativlik juwapkershilik haqkindag`i kodekstin` 177-stat`yasi boyinsha juwapkershilik belgilengen.