TÜRKÜN (ilk) ruhaniyyat ocağI İnam atanin (Asif Atanın)
Yüklə 3,17 Mb. Pdf görüntüsü
|
|
EVLADIM DOĞMANIN ÖZÜNÜDƏRKİ HAQQINDA Doğma özünü tanıyır. Mənaya çatmaq üçün Yoldadır – Mənaya çata- caq.
Evladım Layiq böyüyür – Ataya Böyük Evlad olur. Hökm: Özüylədöyüşün özünüdəyişmənə bərabər olsun.
Amallaşma – Özüylədöyüş – Xalqlaşma Birliyi yaranır. Məqsəd: İnsanlaşma – İnsanlaşdırma Birliyinə çatmaq. Nurlanın, Nurlandırın! Yükümüzdən Böyük Fərəhimiz yoxdur!
Evladım Əsilin Müqəddəs Əməl səviyyəsinə yetən Təşkilatçılığı Təqdir olunur.
2 Ümid günü, Xəzan Ayı, 12-ci il. Bakı. HƏQİQƏT Siyasi Dirçəliş olmur – Siyasi Çevriliş olur. Ruhani Çevriliş olmur – Ruhani Dirçəliş olur.
288
HƏQİQƏT Siyasət – Bəşərin Ruhani səviyyəsizliyinin bəhrəsidir. Siyasi Rəhbərlik – Ruhani Rəhbərsizliyin bəhrəsidir. Siyasi Fəallıq – Ruhani Fəalsızlığın bəhrəsidir. HƏQİQƏT Ruhaniyyat – Mahiyyətcə Anti Siyasət deməkdir. Bu səbəbdən də Siyasətçilər Ruhaniyyatı sevə bilməzlər – sevən görünərlər, bilinərlər. Ruhaniyyat – Mahiyyətcə Siyasətin Ölümüdür. Siyasət – öz ölümünü sevməz.
Siyasəti Ruhaniyyatla əvəz etmək. 6 Murad günü, Xəzan Ayı, 12-ci il. Bakı. EVLADIM TÜRKELƏ Türk Elliyik – Alp dağlarından Sibirə tək, Sibirdən Aralıq Dənizinədək. Oğuzlu, Qıpçaqlı, Peçeneqli, Polovesli, Hunlu. Ayrılmışıq, səpələnmişik, səpilmişik – diyar-diyar. Birləşməliyik: Mütləqə İnam əsasında, İnsanlaşma əsasında, Ruhani Cəmiyyət əsasında, Müstəqil Vətən əsasında, Özümlü Şərq əsasında. Türk Elliyik, Şərq Mahiyyətliyik, Dünyalıyıq – Dünyasızlar arasında. “Türkel” adını sənə halal eləyirəm. Adına layiq ol. Daxilindəki Mütləq sənə Yar olsun. Yükümüzdən Böyük Fərəhimiz yoxdur.
Suyumuz Uludur. Zərdüşt Suyluyuq, Babək Suyluyuq, Dədə Qorduq Suyluyuq, Hürufi Suyluyuq, Füzuli Suyluyuq, Muğam Suyluyuq, Saz Suyluyuq. İnam Suyu içmişik, İdrak Suyu içmişik, Mənəviyyat Suyu içmişik, İradə Suyu içmişik. Ulularımıza tay olmalıyıq. ”Ulutay” adını sənə halal eləyirəm. Adına layiq ol. Daxilindəki Mütləq sənə Yar olsun! Yükümüzdən Böyük Fərəhimiz yoxdur!
289
FƏRQ Siyasət Riyanı yaşadır – Ruhaniyyat Riyanı öldürür. Siyasət Həyanı öldürür – Ruhaniyyat Həyanı yaşadır.
Dünya Birdir. İkili Dünya – Dünyasızlıqdır. HƏQİQƏT Xeyir Var olduğu dərəcədə Şər yoxdur. FƏRQ Həqiqət – Varlıq Əməli. Yalan – Yoxluq Əməli.
HƏQİQƏT Xülyavi gerçəklik əslində – gerçəklik Xülyasıdır. HƏQİQƏT Yalan Hüdudu – Gerçəklik. Həqiqət Hüdudsuzluğu – Mahiyyət.
Həqiqət – İnsan İnamı. Yalan – Adam İnamı.
Yalan – Yoxluq ifadəsidir. Yalanın çoxalması – Yoxluğun çoxalması deməkdir.
Yalandan İnam yaradırlar – əslində İnam Yoxluğu yaradırlar. Yalandan Ümid yaradırlar – əslində Ümid Yoxluğu yaradırlar.
Həqiqət – Əzablı Varlıq. Yalan – Nəşəli Yoxluq.
Xeyir – Dünya boyda Varlıq. Şər – Dünyasızlıq boyda Yoxluq. 9 Ümid günü, Xəzan Ayı, 12-ci il. Bakı. 290
12-ci İL “ATA GÜNÜ” MƏRASİMİ HAQQINDA Mərasim Müqəddəs İzhar səviyyəsində keçdi. Nöqsanlar: Texniki çatışmazlıq, İntizam Mütləqiliyinin pozulması.
Mücərrəd – yəni Əzəli, Əbədi. Konkret – yəni Keçici, Ötəri.
Konkret Həqiqət – əslində konkret Yalan deməkdir.
Din Yalan əsasında Əzəli, Əbədi Söz demək istəyir; unudur ki, Əzəli Yalan olmur, Əbədi Yalan olmur – Əzəli Həqiqət olur, Əbədi Həqiqət olur. HƏQİQƏT Xeyir Haqsız olub – Şər haqlı: Xeyir Haqq olub – Şər Nahaqq. HƏQİQƏT Yalan – Şərdir. Din yalandan Xeyir yaratmaq istəyir – Şər yaranır. HƏQİQƏT Sərt Həqiqət olur – Azğın Həqiqət olmur: Azğın Yalan olur. TARİXİ ƏMƏLİYYAT Xeyiri Şərə qatdılar və Xeyir Şərdən seçilmədi. HƏQİQƏT Həqiqət ən yoxsul libasda belə – Gözəldir. Yalan ən varlı libasda belə – çirkindir.
Yalan gözəlliyi haqqında “həqiqət” – Yalandır!
“Bədii Yalan” – Gerçəkliyi ötür – Mənaya çatır, bu səbəbdən də o, Bədii Həqiqətdir əslində.
Əgər İnsan – Allahdırsa, o – Kamil olmalıdır; Əgər Kamil deyilsə, o – İnsan deyil.
291
HƏQİQƏT İqtisadiyyatçı cəmiyyətdə İnsan iqtisadlaşır. HƏQİQƏT Təzahür keçmişə çevrilir – Mahiyyət keçmişə çevrilmir. Təzahür gəlir-gedir – Mahiyyət gəlmir-getmir – Olur, Qalır.
Dünyanı yaradan Allah ideyası – Dünya Mahiyyətinin Mütləqiliyinə Zid- dir – bu səbəbdən də Yalandır. Qəzavü-qədər İdeyası – İnsani Mahiyyətin Mütləqiliyinə Ziddir – bu səbəbdən də Yalandır. Din əslində Mütləqiliyə qarşıdır – buna görə də Yalandır. HƏQİQƏT Bədiiyyat – Mənanın İzharıdır. Bu səbəbdən də Bədii Təxəyyül Yalançı deyil – Həqiqətçidir.
Özünə inanmadığın dərəcədə Allaha inanırsan. Özünə inandığın dərəcədə Mütləqə inanırsan.
Yalana Ehtiyacın olduğu dərəcədə Naqissən. Həqiqətə Ehtiyacın olduğu dərəcədə Kamilsən.
Özünü bilməyə-bilməyə Oda-Közə vurmaq – Naşılıqdır. Özünü bilə-bilə Oda-Közə vurmaq – Müdriklikdir.
Hüquqdan kənarda Borc yoxdur, çünki Zorakı Borc – Mütilikdir. Əslində Borc elə Hüquq deməkdir – Hüquq elə Borc deməkdir. HƏQİQƏT İnsan hüquqları uğrunda döyüşmək – İnsan Borcları uğrunda dö- yüşməkdir. İnsan hüquqları uğrunda döyüşmək – özü İnsani Borcdur. 292
HALLAR İnsan haqqı Anlayışına İnsan Borcu da daxildir. İnsan haqqı elə İnsan Borcudur, İnsan Borcu elə İnsan Haqqıdır.
Zorakı Cəmiyyətlər əslində ən Məsuliyyətsiz cəmiyyətlərdir.
Yenilikçi Konservator olmasa – Yeniliyi Təsdiq edə bilməz. Konservator Yenilikçi olmasa – Sabitliyi Qoruya bilməz.
Dünyada Mənadan başqa heç nə yoxdur – çünki Mənadan başqa nə varsa – Mənasızdır.
Zorakı Məsuliyyət olmur – Zorakı Mütilik olur. Zorakı Məsuliyyət əslində Məsuliyyətsizlikdir.
Keçmişin Böyüklüyü – Keçmişə çevrilməmək.
Təmənnasızlıq olmayan yerdə – İnsanilik Yoxdur. Təmənna olmayan yerdə – cəmiyyət yoxdur. İnsanilik cəmiyyətə Ziddir mahiyyətcə. Cəmiyyətçilik – antiinsanidir.
Müasir cəmiyyət – İnsana Əmtəə baxımından yanaşır, onun İstehlak Dəyərini nəzərə alır; Ruhani Mahiyyətinə məhəl qoymur.
Cəmiyyətlə İnsanın Dostluğu tutmur – Alverdə Dostluq olmaz...
Güzəran İnsan üçün azdır, ona Məna gərək. HƏQİQƏT Maddi Rifahda Fayda var, Məna yoxdur. 293
HƏQİQƏT Maddi Qıtlıq – İnsanı alçaldır; – Maddi Rifah – İnsanı Yüksəltmir. MƏNASIZLIQ Müasir Dünya – Varidat Bolluğunda Məna görür, Siyasi Möhtəşəmlikdə Məna görür – əslində Mənasızlıqda Məna görür.
Cəmiyyət – Gerçəkliyə uyğundur, bu səbəbdən də Mənasızdır.
Dönüklük – Gerçəkliyə uyğundur. Sədaqət – Mənaya uyğundur.
Mənaya İnanan – Gerçəkliyə İnanmaz. Gerçəkliyə İnanan – Mənaya İnanmaz.
Bu səbəbdən də Var olandır. Gerçəklik – Ötəridir, Sonludur, Qeyri-Kamildir. Bu səbəbdən də Yox olandır. Mənalı – Mənadan azdır, Gerçəklikdən çox. Bu səbəbdən Varlıqdan azdır, Yoxluqdan çox – Varlıqla Yoxluq arasındadır. HƏQİQƏT Gerçəklik Bir olanı İkiləşdirir – Paralayır, Parçalayır – Mənasızlaşdırır – Yoxluğa aparır.
Mənanın Üzü Birdir, Gerçəkliyin Üzü – Min. Bu səbəbdən də Məna – Dəyişməzdir, Gerçəklik – Dəyişkən.
Gerçəkliyə Bel bağlayan – Aldanır... Mənaya Bel bağlayan – Aldanmır.
Dialektika Gerçəkliyi Məna sayır–Mənanı gerçəkləşdirir–Yox eləyir. 14 İnam günü, Xəzan Ayı, 12-ci il. Bakı. 294
HƏQİQƏT Ənənə – Əbədiliyin ifadəsidir. Əbədi – Keçmişə çevrilmir.
Ailə – ictimai hadisə deyil, ruhani hadisədir. Ailə ictimailəşəndə – dağılır.
Keçmişə çevrilməyən Qədimlik. HƏQİQƏT Ruhani Bərabərsizlik – Maddi Bərabərliyi ləğv etmir – Təsdiq edir.
Məna – Bölünməzdir, çünki Müəyyəndir. Mənasızlıq – Bölünəndir, çünki Qeyri-Müəyyəndir.
Mütləq – Müəyyəndir, Nisbi – Qeyri-Müəyyən. Sonsuz – Müəyyəndir, Sonlu – Qeyri-Müəyyən. Əbədi – Müəyyəndir, Keçici – Qeyri-Müəyyən. Kamil – Müəyyəndir, Naqis – Qeyri-Müəyyən.
Ailə – əslində cəmiyyətdən qorunmaq üçündür – cəmiyyəti qorumaq üçün deyil.
Gerçəklik Yuxusu. Amal Oyanışı.
Güneydəki Ata Ailəsinin “Ata Yolu” Dərgisinə Xeyir-Dua verirəm. Müqəddəslik səviyyəsi – Ruhani Kamillik İşığına bərabər olsun. Yükümüzdən Böyük Fərəhimiz Yoxdur! 17 Dözüm günü, Xəzan Ayı, 12-ci il. Bakı. 295
EVLADIM ÖMÜRTAYA Ömür Mənaya Sərf olunmayanda – Adam Ömürsüzləşir. Bugünkülər – Ömürsüzdürlər, çünki İnamsızdırlar, İdraksızdırlar, Mənəviyyatsızdırlar, İradəsizdirlər. Ömrün Mütləqə İnam Mənası olmalıdır, Özüylədöyüş Mənası olmalıdır, Ruhani Cəmiyyət Mənası olmalıdır, Müstəqil Vətən Mənası olmalıdır, Özümlü Şərq Mənası olmalıdır. Ömür Amala tay olmalıdır. “Ömürtay” adını sənə halal eləyirəm. Adına layiq ol. Daxilindəki Mütləq sənə Yar olsun. Yükümüzdən Böyük Fərəhimiz yoxdur. 18 Mərhəm günü, Xəzan Ayı, 12-ci il. Bakı. (Qeyd: Həyatda adı Məlahət idi. Ocaqdan çıxdı). ATAYLA XARKOVDA GÖRÜŞ Hər yerdə bizi gözləyirlər – tanımaya-tanımaya. İnamlının Təşkilatçılığı Təqdir olunur. Əsilin Atagüzarlığı Yüksək səviyyədəydi. 31 Dözüm günü, Xəzan Ayı, 12-ci il. Bakı. HƏQİQƏT Azadlıq – Ruhani Kamillik Haqqı. Bərabərlik – Ruhani Kamillik Haqqı. Qardaşlıq – Ruhani Kamillik Haqqı. 6 Ümid günü, Yağış Ayı, 12-ci il. Bakı. BEYLƏQANDA ATAYLA GÖRÜŞ Görüş Amal çağırdı, Amala çağırdı. Qədimin, Düzgünün, Günevin Təşkilatçılığı Təqdir olunur. Əsilin Atagüzarlığı Yüksək səviyyədəydi. 9 Qismət günü, Yağış Ayı, 12-ci il. Bakı. EVLADIM ÜZAĞLIYA Üzləri Qaradır Bugünkülərin: – İnamsızlıq kimi, İdraksızlıq kimi, Mənəviyyatsızlıq kimi, İradəsizlik kimi. Üzümüz Ağdır: – İnam kimi, İdrak kimi, Mənəviyyat kimi, İradə kimi. Mütləqə İnam adlı ÜzAğlığımız var. Özüylədöyüş adlı ÜzAğlığımız var. Ruhani Cəmiyyət adlı ÜzAğlığımız var.
296
Müstəqil Vətən adlı ÜzAğlığımız var. Özümlü Şərq adlı ÜzAğlığımız var. “Üzağlı” adını sənə halal eləyirəm. Adına layiq ol. Qaranlıqlar Yarılsın! Daxilindəki Mütləq sənə Yar olsun. 12 Arzu günü, Yağış Ayı, 12-ci il. Bakı. (Qeyd: Həyatda adı Vaqif idi. Savaşa getdi – qayıtmadı). ÖZÜMLÜNÜN TƏMSİL ETDİYİ ATA AİLƏSİNİN HESABATI HAQQINDA Amallaşma Dərinləşdikcə Özüylədöyüş Dərinləşir, Özüylədöyüş Dərinləşdikcə Xalqlaşma Dərinləşir.
İlk addım: Ailə Mərasiminə Özgələri daha çox cəlb eləmək – Özümləşdirmək məqsədiylə. Nurlanın, Nurlandırın! Yükümüzdən Böyük Fərəhimiz yoxdur!
1.Görüş Amal çağırdı, Amala çağırdı – Ocağın Xalqlaşma Məqsədinə yaradı. 2.Əsilin Təşkilatçılığı Ruhani Hünər səviyyəsindəydi. 24 Murad günü, Yağış Ayı, 12-ci il. Bakı. ATAYLA İNŞAAT İNSTİTUTUNDA GÖRÜŞ Görüş Ocağın Xalqlaşma Yolunda səmərəli addım oldu. Əsilin Təşkilatçılığı Təqdir olunur.
Əqidəsizlikdən böyük İdraki Məhdudluq yoxdur. 30 Qismət günü, Yağış Ayı, 12-ci il. Bakı. HƏQİQƏT İslamın Zərdüştçülük üzərində qələbəsi – Əhrimənin Hürmüzd üzərində qələbəsi oldu.
297
HƏMİŞƏLİK Məna həmişəlik yaşayır – Təzahür həmişəlik ölür. 4 Ümid günü, Sərt Ayı, 12-ci il. Bakı. HƏQİQƏT Əgər Dünyanın Mənası Dünyadan artıq olmasaydı – Dünyanın Dərdi olmazdı.
Özgə Əlifba – Özgələşmə Əməliyyatıdır. Doğma Əlifba – Özümləşmə Əməlidir.
Həyat öz Mənasına Həsrətdir, bu səbəbdən də Kədərlidir.
Kilsə – Allah evi deyil, Allah idarəsidir. Məscid – Allah evi deyil, Allah idarəsidir.
Ruhani Yükdən azad olmaq – Fərəhdən azad olmaqdır. Fərəh – Ruhani Yükdür əslində.
Beynəlmiləlçilik – Millətlərüstü Birlikdir. Humanizm – Millətlər birliyidir.
Keşiş – Allah çinovniki. Molla – Allah çinovniki.
Hakimlik – Özünütəsdiq. Atalıq – Özündənkeçmə.
Cəmiyyətçi Ruhaniyyat olmur – Ruhaniyyatçı cəmiyyət olmayıb. HƏQİQƏT Din – cəmiyyətləşən, yəni hakimiyyətləşən İnam. 298
FƏRQ Amal – Göy Həqiqəti. Din – Göy Əfsanəsi.
İskəndərləri Zaman yetirir – Zərdüştləri İnam.
Cəmiyyət İnsan yetirmir – Hakim yetirir, Rəiyyət yetirir, Çinovnik yetirir, İxtisasçı yetirir. İnsanı cəmiyyətə qarşı duran Ruhaniyyat yetirir. FƏRQLƏR Zərdüştçülük – İşıqçılıq. İslam – İtaətçilik. Xristianlıq – Mərhəmətçilik. Amal – İnsançılıq.
Cəsarət Azadlığı – Mütilik Üsulu. VƏZİYYƏT Ruhaniyyatçı üzünü Şərqə tutub, Şərq üzünü Qərbə. 7 Qismət günü, Sərt Ayı, 12-ci il. Bakı. HƏQİQƏT Sosializmə Kamil İnsan gərək deyil – Müti Adam gərəkdir. Kapitalizmə Kamil İnsan gərək deyil – Varlı Adam gərəkdir. Kamil İnsan uğrunda döyüş – Sosializmə qarşı döyüşdür, Kapitalizmə qarşı döyüşdür.
Var olmaq – Əbədi, Sonsuz, Ölümsüz, Kamil olmaq deməkdir. Yox olmaq – Keçici, Sonlu, Ölümlü, Qeyri-Kamil olmaq deməkdir.
Dəyişməzlik – Varlıq. Dəyişkənlik – Yoxluq.
299
ÖLÇÜ Həyat qədər amansız, həyasız – Amal qədər ədalətli, ləyaqətli. HƏQİQƏT Gerçəklik Həqiqətsizliyi, İdeal Həqiqəti. HƏQİQƏT Mənəvi Azadlıq Ölçüsü – Kamil İnsan. İctimai Azadlıq Ölçüsü – Təbəqəsizlik. Siyasi Azadlıq Ölçüsü – Qəyyumsuzluq. 10 Arzu günü, Sərt Ayı, 12-ci il. Bakı. HƏQİQƏT Maddi bərabərlik İdeyası – Əbədi, Əzəli İdeyadır. Kommunizm bərabərliyi – sürüləşmə Timsalıdır, Ruhani Ölüm bə- rabərliyidir.
Kommunizm İmtiyazsızlığı – Sürüləşmə Timsalıdır, Ruhani Ölüm İmtiyazsızlığıdır.
Həyat adamın başını aşağı eləyir. Amal adamın başını uca eləyir.
1.Mərasimin Məzmunu: Evlad qəbulu; Ata Səfərləri haqqında Ata Sözü, Evlad Sözü; Ruhani Sənədlərin oxunması. 2.Mərasimin Gedişatını Elli yazır. 3.Gedişat Yazısı Sərt Ayın 24-də Ataya təqdim edilir.
Görüş Amal çağırdı, Amala çağırdı. Qurmaçılarla İslamçıların Ocağa qarşı gələcək İttifaqının nişanələri göründü. Əsilin Təşkilatçılığı Hünər səviyyəsindəydi. Safruhun “Müqəddəs İzhar”ı Yetkin idi. 21Qismət günü, Sərt Ayı, 12-ci il. Bakı. 300
EVLADIM ŞƏRQİYƏ Şərqliyik – ancaq Qərb mahnısı oxuyuruq, Qərbləşmişik, özgələşmişik. Şərqləşməliyik, Şərqimizi oxumalıyıq. Şərqə Şərq İşığı saçmalıyıq – Mütləqilik İşığı, Müqəddəslik İşığı. Dünya Şərqimizdən İşıq almalıdır: – İnam İşığı, İdrak İşığı, Mənəviyyat İşığı, İradə İşığı. Dünya Şərqimizi dinləməlidir. Zərdüşt Şərqisi oxuyuruq, Babək Şərqisi oxuyuruq, Dədə Qorqud Şərqisi oxuyuruq, Hürufi Şərqisi oxuyuruq, Füzuli Şərqisi oxuyuruq, Muğam Şərqisi oxuyuruq, Saz Şərqisi oxuyuruq Şərq üçün, Dünya üçün. “Şərqi” adını sənə halal eləyirəm. Adına layiq ol. Qaranlıqlar Yarılsın!
Yüklə 3,17 Mb. Dostları ilə paylaş:
|