Masalan: Turon tekisligining Orol va uning atroflari. Atrofga nisbatan ko`tarilib turgan yuzalarga qabariq yuzalar deyiladi. Masalan: Rossiya pasttekisligining o`rta qismi.
Pillapoyasimon yuzalar- bunday yuzalarni daryo atroflarida uchratamiz. Masalan: qayir va terrasalar. Bunday ko`rinishlar tog` yonbag`irlarida ham uchraydi. Bular odamlar tomonidan yaratilgan terrasalar.
Har qanday relyef ko`rinishini bir-biridan ajratish chizig`i bo`lib, bu chiziq turli nomlar bilan ataladi. Kartada izogips chizig`i. Tabiatda esa, ya’ni tog`da qor chizig`i, suv ayirg`ich chizig`i. Tekislikda suv ayirg`ich chizig`ini ajratish qiyinligi uchun polosa deb olinadi. Relyef elementlariga alohida nuqtalar ham kirishi mumkin. Masalan: tog` cho`qqisi.
Cho`qqi deb - grebenning ustidan nayzasimon bo`lib ko`tarilib turgan qismga aytiladi.
Greben - tog`ning baland nuqtalarini tutashtiruvchi chiziq. Greben ba’zi joylarda bukilib ketadi. Relyefning bu ko`rinishi dovon yoki sedlovinadir. Masalan: Taxtaqoracha dovoni.
Botiqlar ichki qismidagi eng chuqur joy botiq nuqtasi deyiladi. Masalan: Qoragiyo botig`i - 132m. Osiyoning suvsiz botig`i Turfon dengiz sathidan –154m pastda.
Yer yuzasini morfologik xususiyatlariga ko`ra quyidagi guruhlarga ajratish mumkin:
1). Ko`tarilgan yuzalar. Atrofga nisbatan baland yuzalar.
2). Cho`kkan yuzalar yoki pasaygan yuzalar.
3). Relyefning berk ko`rinishi, bu hamma tomondan yonbag`ir bilan o`ralgan. Masalan: karst voronkasi
4). Relyefning ochiq ko`rinishi. Ikki yoki uch tomoni tusilgan, qolgan tomoni ochiq. Masalan: daryo vodiysi, jar.
5). Oddiy relyefli yuzalar. Asosan ancha kichik relyef ko`rinishi bo`lib, boshqa shakllarga qo`shilmaydi.
6). Murakkab relyefli yuzalar. Bu relyef juda ko`p yo`llar bilan hosil bo`lgan oddiy shakllarini o`zida mujassamlashtirgan. Bu ancha katta relyef shakli hisoblanadi. Masalan: tog` massivi. U alohida-alohida tog` massivlaridan va balandliklardan iborat bo`lgan umumiy fundamentga ega.
