Uzbek stationery

Maqsadlarni aniqlash va o‘quvchilarga darsda nimalar
amalga oshirilishini tushuntirish
Savol-javob vositasida dars berishning eng avvalida barcha turdagi darslar singari, o‘qituvchi talabalarga darsning maqsadini aniq va rav-shan tushuntiradi, ularni motivatsiya asosida bilim olishga tayyorlaydi va so‘ngra o‘quvchilarning dars davomida nimalarni kutishlari mumkin-ligini tushuntiradi. Bunday turdagi darslarga hech qachon qatnashma-gan talabalarga, ularning yoshidan qat’iy nazar, bunday usulning mohi-yatini va qonun-qoidalarini iloji boricha batafsil va aniq tushuntirish kerak bo‘ladi. Aks holda «Bilmayin bosdim tikanni, tortadurman jab-rini» deb, afsus va nadomatlar qilishingiz mumkin bo‘ladi. Suqrot usulida tashkil qilinadigan darslarning asosiy bosqichlari talabalarga quyida bayon qilinganiday tashkillashtirilishi yaxshi natijalarga olib kelishi mumkin:

• 
  Talabalarga darsning maqsadi faqatgina yangi ma’lumotlar olish emas, balki mantiqiy fikrlab, munozara asosida va savol-javoblar vosita-sida yangi bilimlarga ega bo‘lish ekanligini yotig‘i bilan tushuntirish kerak bo‘ladi;
  
• 
  Savollar berishni boshlashdan avval o‘qituvchi muammoli holat haqida biror bir savolni o‘rtaga tashlashi kerak. Ushbu savolga aniq bir mantiqiy javob yo‘q bo‘lib, o‘qituvchi unga javob qanday bo‘lishi ke-rakligini boshidan aytib qo‘ymasligi kerak;
  
• 
  Darsning ma’lumot to‘plash fazasi davomida talabalar qo‘yilgan savolga javob topish uchun ma’lumot to‘plash maqsadida savollar be-rishga undaladilar. O‘qituvchi ushbu savollarga o‘z bor bilimlaridan foy-dalangan holda batafsil javoblar berishi kerak va agar u o‘quvchilar so‘-ragan ma’lumotlarni bilmasa, bu haqda ularga ochiq aytishi kerak;
  
• 
  Darsning gipotezalar topish hamda tushuntirish fazasida talaba-larning o‘z g‘oyalarini ochiq va bemalol aytishlariga imkon yaratish zarur. Hech qaysi bir g‘oya yoki fikr, u qandayligidan qat’iy nazar, o‘qi-tuvchi yoki sinfdoshlar tomonidan kamsitilmasligi kerak. Har bir ilm to-libiga o‘z g‘oyasini aytishga, uni himoya qilishga va savol-javob jarayo-nida ishtirok qilishiga imkon yaratish kerak.