1. Maliyyə Münasibətləri

6. Dövlət büdcəsinin gəlirləri.

Büdcənin gəlirləri dedikdə, Azərbaycan Respublika­sının qanunvericiliyinə uyğun olaraq əvəzi ödənilmədən və qaytarılmamaq şərti ilə dövlət hakimiyyəti və yerli özünü­idarəetmə orqanlarının sərəncamına daxil olan pul vəsaiti başa düşülür. Dövlət büdcəsinin gəlirləri dövlətin maliyyə ba­zasını təşkil edir.

Büdcənin gəlirləri dövlətin pul vəsaiti fondunun for­malaşması prosesində dövlətlə müəssisə, təşkilat və əhali arasında iqtisadi münasibətləri ifadə edir.

Dövlət büdcəsinin gəlirləri aşağıdakı daxilolmalar hesabına formalaşır:

Azərbaycan Respublikasının büdcə sisteminin digər səviyyəsinə tənzimləyici gəlirlər növündə verilən vergi da­xil­ol­maları istisna olunmaqla dövlət büdcəsinin xüsusi vergi gəlirləri;

1. 
   xüsusi qeyri-vergi gəlirləri;
   
2. 
   keçən ilin sonuna vəsait qalığı;
   
3. 
   sair gəlirlər.
   

Vergi gəlirlərinə aiddir:

1. 
   Azərbaycan Respublikasının vergi qanunvericiliyi ilə nəzərdə tutulmuş dövlət vergi və rüsumları, penya və cəri­mələr;
   
2. 
   gömrük rüsumları və gömrük yığımları;
   
   1. 
      dövlət rüsumları.
      
3. 
   Qeyri-vergi gəlirlərinə aiddir:
   
4. 
   dövlət mülkiyyətində olan əmlakdan istifadəyə görə gəlirlər;
   
5. 
   dövlət mülkiyyətində olan əmlakın satışından gəlirlər;
   
6. 
   müvafiq dövlət hakimiyyəti orqanlarının göstərdiyi pullu xidmətdən gəlirlər;
   
7. 
   cərimə, müsadirə, kompensasiya (əvəzi ödənilən) tədbirlərinin tətbiqi nəticəsində əldə edilmiş vəsait;
   
8. 
   digər qeyri-vergi gəlirləri.
   

Dövlət büdcəsinə daxil olan vergilərin nisbəti hər il üçün “Dövlət büdcəsi haqqında” Azərbaycan Respublika­sının Qanunu ilə müəyyən edilir. Qanun vergi daxilolma­larının gəlirlərin büdcə tənzimləməsi qaydasında müxtəlif səviyyəli büdcələr arasında bölgüsü nisbətini (payını) müəy­yən edir. Bu kimi bölgü növbəti büdcə ilinə “Dövlət büdcəsi haqqında” Azərbaycan Respublikasının Qanunu ilə təsdiq edilir.

Vergi gəlirlərindən əlavə dövlət büdcəsinin icrası pro­sesində onun gəlirlərinə Azərbaycan Respublikasının digər səviyyəli büdcələrindən vəsait də daxil ola bilər. Dövlət büdcəsinin gəlirlərinə eyni zamanda keçmiş ilin axırlarına qalmış vəsait də köçürülür.