Soxil (qayir) allyuvial tuproqlar. Bu tuproqlar yil sayin ѐki davriy ravishda suvi toshib turadigan daryo yoqalarida, darѐdan uzoqda joylashgan, lekin u bilan tarmoqchalar orqali birlashgan pastliklarda va darѐ toshqinida suv bosadigan yerlarda kichikroq maydonlarni egallaydi. Toshqin suvlari juda loyqa bo‘lganidan qayirni suv bosganda suv oqimining tezligiga qarab, turli mexanik tarkibli allyuviy yetqiziladi. Shuning uchun allyuvial tuproqlar qatlamli bo‘lib, bu qatlamlar qumdan tortib sozgacha bo‘lgan turli mexanik tarkibga ega. Suv toshqini qaytganidan keyin yangi keltirilmalar betini ( tutash chim xosil qilmagan xolda) o‘simliklar va qiѐq qoplaydi, qayta suv toshqini bo‘lganda o‘simlik qoldiqlari allyuviy ѐtqiziqlari tagida qoladi. Shuning uchun cho‘kindilar orasida o‘simliklar poyasining chala chirigan qoldiqlari ko‘p uchraydi. Tuproq profili genetik qatlamlarga aniq ajralmagan va tuzilmasizdir. Karbonatli va gipsli qatlamlari bo‘lmaydi.
Balandroq joylarning tuproqlarini mexanik tarkibining yengilligi, gumusining kamligi va serkarbonatligi bilan pastlik joylarning tuproqlaridan farq
qiladi. Bu tuproqlarda kaliy bilan fosfor uncha ko‘p emas.(14.2.1-jadval).
14.2.1-jadval Soxil-allyuvial tuproqlarning kimѐviy va agrokimѐviy ko‘rsatkichlari.
