AZƏrbaycan demokratġk respublġkasi
Yüklə 0,85 Mb. Pdf görüntüsü
|
- Bu səhifədəki naviqasiya:
- CƏMOBƏY HACĠNSKĠ
- XUDADATBƏY MƏLĠK – ASLANOV
- ASLANBƏY SƏFĠKÜRDSKĠ
- NURMƏMMƏDBƏY ġAHSUVAROV
|
ƏLĠAĞA HƏSƏNOV.
Odlar yurdu, № 17 sentyabr 1989. Əliağa Hacı Süleyman oğlu Həsənov 1871-ci ildə Bakıda anadan olmuşdur. O, şəhər gimnaziyasını və Bakı kommersiya məktəbini bitirmişdir. Ə. Həsənov türk. ərəb, fars və rus dillərini mükəmməl öyrənmişdir.
üzvü seçilmişdir. Bakıya şollar su kəmərinin çəkilməsində, kanalizasiya şəbəkəsinin yaradılmasında, Dənizkarı parkın salınmasında onun xidmətləri böyükdür.
Əliağa Həsənovun dövri mətbuat səhifələrində xeyli məqaləsi dərc edilmişdir. Görkəmli Azərbaycan mütəfəkkiri Əlibəy Hüseynzadənin (1864 - 1941) buraxdığı ―Füyuzat‖ jurnalında çıxmış məqalələri xüsusilə maraqlıdır. Ə.Həsənovun böyük rus yazıçısı L.Tolstoyla dostluq münasibətləri vardı.
Fevral – burjua inqilabından sonra Ə.Həsənov siyasi hadisələrdə yaxından iştirak etməyə başladı. 1918-ci il martın 18-dən 22-dək Bakıda və Azərbaycanın digər yerlərində cəbhədən qayıdan nizami erməni qoşun birlikləri 30 minə yaxın azərbaycanlını qırdı. Onlar S.Şaumyanın göstərişi ilə Bakı Sovetinin qoşun hissələri tərkibinə daxil edilmişdilər. Şəhərdə bu qırğının qarşısını almağa çalışanlardan biri də Ə.Həsənov olmuşdu. O, qırğının son günü yaranmış Milli Müsəlman Şurası Müvəqqəti İcraiyyə Komitəsinin üzvü idi. Bitərəf Ə.Həsənov 1918-ci il dekabrın 7-də Bakıda təntənəli surətdə açılmış Azərbaycan parlamentinə üzv seçilmişdir. O, Xoyskinin təşkil etdiyi üçüncü hökümət kabinəsində maliyyə nazirinin müavini, Nəsibbəy Yusifbəylinin I kabinəsində isə maliyyə naziri təyin olundu. Ə.Həsənovun rəhbərliyi altında 1919-cu il sentyabrın 30-da Bakıda Azərbaycan Dövlət Bankı fəaliyyətə başladı. Bankın Gəncədə, Şamaxıda, Lənkəranda və başqa şəhərlərdə şabələri təşkil olundu. 1919- 1920-ci illərdə ADR- nın 25, 50, 100, 250 və 500 manatlıq dəyərində kağız pulları dövriyyəyə buraxıldı. Yüksək bədii zövqlə tərtib olunmuş bu əskinasların üzərində nazirlər şurasının sədri N.Yusifbəylinin və maliyyə naziri Ə.Həsənovun imzaları var idi. Bunlar ADR –in siyasi müstəqilliyini möhkəmləndirən iqtisadi müstəqilliyin ilk addımları idi və milli hakimiyyətin əsas atributlarından biri sayılırdı. 1919-cu ilin sonunda ADR hökumətinin rəsmi icazəsi ilə Bakıda şəhər upravası tərəfindən 500 manat dəyərində istiqraz vərəqələri də dövriyyəyə daxil edildi. Buraxılan pulların www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları
65
qiymətdən düşməməsi, emissiya həmçinin artmaması və devalvasiyaya uğramaması üçün Ə.Həsənov böyük səy göstərirdi.
1919-cu il dekabrın ortalarında N.Yusifbəylinin kabinəsi istefaya çıxdığı üçün Ə.Həsənov tutduğu vəzifəni tərk etmişdir. O, sonra Azərbaycan Dövlət Bankının müdiri vəzifəsində (həm milli hökumət, həm də sovet dövründə) çalışmışdır.
1920-cı il aprelin 27 –də baş verən hadisələrdən sonra da Əliağa Həsənov Azərbaycanın mədəni – ictimai həyatında fəal iştirak etmişdir.
yaşında Bakıda vəfat etmişdir. Mövsüm Əliyev.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 66
CƏMOBƏY HACĠNSKĠ
Odlar yurdu № 18, sentyabr 1989. Cəmobəy Süleyman oğlu Hacinski 1888-ci il iyunun 14-də Azərbaycanın qədim şəhərlərindən biri olan Qubada anadan olmuşdur. O, görkəmli siyasi və ictimai xadim Mehdibəy Hacinskinin (1879 - 1941) kiçik qardaşıdır. Hələ gənc yaşlarından Bakıya köçən C.Hacinski burada gimnaziya bitirmiş, 1907-ci ildə Bakıda rus dilində çap olunan ―Kaspi‖ qəzetində müxbir kimi fəaliyyətə başlamışdır. O, həmin dövrdə Peterburq Universitetinin hüquq fakultəsinə daxil olaraq 1914-cü ildə ali təhsilini başa vurmuşdur. C.Hacinski 1915-ci ilin dekabrından 1917-ci ilin aprelinə qədər Batum vilayətində və Dənizkənarı rayonda dünya müharibəsi dövründə zərər çəkənlərə kömək göstərmək üzrə müsəlman qaçqın komitəsinin müvəkkili vəzifəsində işləmişdir.
1917-ci ilin aprelində C.Hacinski Müvəqqəti hökumətin Zaqafqaziya komitəsinin müvəkkili təyin olunmuş, iyuladək bu vəzifədə çalışmışdır. İyul ayında isə Zaqafqaziya kəndli depupatları icraiyyə komitəsinin sədr müavini seçilmiş və oradan nümayəndə kimi Rusiya məclisi – müəssisanına yeni seçkilər üzrə Zaqafqaziya mərkəzi komissiyasının sədri vəzifəsinə göndərilmişdir.
1918-ci il mayın 28-də Azərbaycan Demokratik Respublikası elan olundu. C.Hacinski bitərəf F.Xoyskinin (1875 - 1920) təşkil etdiyi birinci kabinədə dövlət nəzarətçisi vəzifəsini icra etmişdir. Həmin il iyunun 17-də F.Xoyskinin başçılıq etdiyi hökumət kabinəsi istefaya çıxdığı üçün C.Hacinski tutduğu vəzifəni tərk etmişdir.
C.Hacinski 1918-ci il dekabrın 7-də Bakıda təntənəli surətdə açılmış Azərbaycan parlamentinə üzv seçilmişdir.
Cəmobəy Hacinski Nazirlər Şurasının sədri Nəsibbəy Yusifbəylinin (1881 - 1920) təşkil etdiyi birinci kabinədə (14.IV.1919) və ikinci (22.XII.1919) kabinədə poçt və teleqraf naziri təyin olunmuşdur. Onun Şimali Azərbaycanda rabitə sahəsinin inkişafında fəaliyyəti diqqətəlayiqdir. Görkəmli Azərbaycan iqtisadçısı Məmmədhəsən Baharlı (1896 - 1943) bu barədə 1921 –ci ildə geniş məqalə yazmışdır. 1920-ci il martın 30-da C.Hacinski bütün kabinə ilə birlikdə istefaya çıxmışdır.
1920-ci il aprelin 27-də baş verən hadisələrdən sonra Hacinski ədliyyə komissarlığında inzibati – maliyyə şöbəsinin rəisi təyin olunmuşdur. 1922-ci il aprelin 21-də əsassız ittiham olunaraq həbsə alınmış, 3 il məhbəsdə yatdıqdan www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 67
sonra bünövrəsi hələ 1919-cu ildə Arxangelsk vilayətində qoyulan və dünyada ilk konslager hesab olunan məşhur Solovkiyə göndərilmişdir. Üç il də burada saxlandıqdan sonra 1928-ci ilin iyulunda azad edilmiş, Bakıya qayıtmışdır. C.Hacinski həmin ilin iyulundan respublika kənd təsərrüfatı kooperasiyası ittifaqında (―Göybirliyi‖) plan şöbəsinin katibi və sonra müdiri olmuşdur. 1933-cü il noyabrın 1-dən Azərittifaq sistemində işləyən C.Hacinski 1934-cü il noyabrın 6- da sənaye kooperasiyasında baş məsləhətçi vəzifəsinə keçmişdir. Həmin vəzifənin 1937-ci il yanvarın 7-də ləğv olunması ilə əlaqədar olaraq C.Hacinski işdən çıxarılmış, 1938-ci il noyabrın 24-də yenidən həbs olunmuş və 1942-ci ildə Kirov vilayətinin Vyatka konslagerində həlak olmuşdur.
Mövsüm Əliyev.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 68
Odlar yurdu, № 5 – 6, mart 1989. Məşhur alim, ixtiraçı – mühəndis Xudadatbəy Ağa oğlu Məlik – Aslanov 1879-cu ilin aprelində Şuşa şəhərində anadan olmuşdur. O, 1899-cu ildə Şuşa realni məktəbini bitirərək, Peterbur q Yol Mühəndisliyi institutuna daxil olmuş və 1904-cü ildə ali təhsilini birinci dərəcəli diplomla başa vurmuşdur. Xudadatbəy 1901- 1904 –cü illərdə RSDFP – nın üzvü olmuş və Peterburq komitəsində çalışmışdır. Sonra, o, heç bir partiyaya mənsub olmamış və ömrünün axırına qədər bitərəf qalmışdır. İnstitutu bitirdikdən sonra Voloqda Petrozavodsk dəmiryolu çəkilişi ilə əlaqədar olaraq, altı ay Peterburqda işləmişdir. O, 1905-ci ilin əvvəlində Tiflisə köçmüş və Zaqafqaziya dəmir yolu idarəsində işləməyə başlamışdır. Əvvəlcə stansiya rəisinin köməkçisi, sonra Zaqafqaziya dəmir yolunun ən ağır və dağlıq hissəsi hesab edilən Suram aşırımı keçidində yol xidməti rəisinin köməkçisi, daha sonra isə rəisi təyin olunmuşdur. Onun rəhbərliyi altında olan sahədə xeyli mülki tikinti aparılmış, ikinci yolun çəkilişi davam etdirilmiş Çiatura marqans mədəninə ensiz dəmir yolu çəkilmiş və s. texniki işlər görülmüşdür. Bu dövrdə onun dörq elmi məqaləsi Peterburq jurnallarında çap olunmuşdur. İstedadlı mühəndis dəmir yol texnikası sahəsində yeni ixtiraları ilə dünyada tanınırdı.
1917-ci ildə Rusiyada fevral – burjua inqilabı baş verdi. Həmin il martın 9-da Müvəqqəti hökümətin göstərişi ilə X.Məlik – Aslanov Tiflisə köçürülmüş və Zaqafqaziya dəmir yolu üzrə müvəkkil təyin olunmuşdur. O, 1917-ci il noyabrın 15-də Zaqafqaziya komissarlığında Dəmir Yolu Nəqliyyatı Nazirliyi üzrə komissar və 1918-ci il aprelin 26-da yaranmış müstəqil Zaqafqaziya Federativ Respublikası hökümətində dəmir yolu (nəqliyyatı) naziri idi. 1918-ci ildə onun Tiflis dəmir yolu nəqliyyatı tarixindən bəhs edən kitabı (rusca) çap olunmuşdur.
Xudadatbəy Məlik – Aslanov bitərəf F.X.Xoyskinin (1875 - 1920) təşkil etdiyi birinci kabinədə dəmir yolu nəqliyyatı naziri və poçt – teleqraf naziri olmuşdur. O, F.Xoyskinin başçılıq etdiyi ikinci və üçüncü kabinələrdə də dəmir yolu naziri vəzifəsini tutmuşdur. X.Məlik – Aslanov dekabrın 7-də Bakıda açılmış Azərbaycan parlamentinin üzvü seçilmişdir. O, nazirlər şurasının sədri Nəsibbəy Yusifbəylinin təşkil etdiyi birinci və ikinci kabinədə də həmin vəzifəni icra etmişdir. X. Məlik – Aslanov təşkilatçılıq qabiliyyətinə görə N.Yusifbəylinin birinci müavini təyin olunmuşdu. Bundan başqa, o, 1919-cu il iyunun 11-də yaradılmış respublika www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 69
Dövlət Müdafiə Komitəsi sədrinin birinci müavini idi.
X. Məlik – Aslanovun təşəbbüsü ilə 1919-cu ildə Bakıda ana dilində dərs keçilən ilk dəmir yolu nəqliyyatı məktəbi açılmışdır. Onun gərgin əməyi sayəsində Azərbaycan dəmir yolunda böyük təmir işləri aparılmış və nəqliyyatın nizamlı surətdə işləməsi qaydaya salınmışdır.
Latın əlifbasına keçmək üçün 1919-cu ilin aprelində Nazirlər Şurasının göstərişi ilə X. Məlik – Aslanovun rəhbərliyi altında xüsusi komisiyya yatadılmış, həmin komissiya Azərbaycan parlamentinə layihə təqdim etmişdir. Lakin layihənin müzakirəsi yarımçıq qalmışdır.
X. Məlik – Aslanov 1921-ci ilin əvvəllərində Azərbaycan Dövlət Tikinti komitəsində əvvəlcə şöbə müdiri, sonra isə komitə sədri işləmişdir. Bundan sonra o, Azərbaycan Ali Xalq Təsərrüfatı Şurası yanında dəmir yolu tikintisi idarəsinin rəisi və şuranın məsləhətçisi idi. Azərbaycan Dövlət Plan Komitəsinin sənaye – nəqliyyat tikinti bölməsinin üzvü (1923-1925), Zaqafqaziya Dəmir Yolu İdarəsinin üzvü (1922 - 1924), Azərbaycan Politexnik İnstitutunun inşaat fakültəsində yol, sənaye, nəqliyyat və tikinti bölməsinin sədri (1921- 1930), həmin fakültənin dekanı (1924 - 1930), RSFSR və Azərbaycanın bir sıra elmi – texniki və mədəni – maarif təşkilatlarının üzvü (1921 - 1930), SSRİ Ali Xalq Təsərrüfatı Şurasının elmi – texniki kollegiyasının üzvü (1927 - 1930) olan Xudadatbəy Məlik- Aslanov 1926 – 1930-cu illərdə Azərbaycan Mərkəzi İcraiyyə Komitəsi üzvülüyünə namizəd seçilmişdir. Bu dövrdə onun Moskva jurnallarında bir neçə məqaləsi çap olunmuşdur. 1927-ci ildə Politexnik İnsititutunun nəşriyyatı, 1929-cu ildə isə Azərbaycan Dövlət nəşriyyatı X.Məlik- Aslanov dəmir yolu texnikasına aid iki kitabını nəşr etmişdir.
X. Məlik- Aslanov 1930-cu ilin əvvəlində Azərbaycan Baş siyasi İdarəsi tərəfindən əsassız ittiham olunub həbs edilmiş və 1933-cu ilin ortalarında azad olunmuşdur. O, həmin ilin sentyabrın 1-dən Azərbaycan Nəqliyyat İnstitutunda dəmir yolu kafedrasına və Azərbaycan İnşaat İnstitutunda inşaat işinin təşkili kafedrasına rəhbərlik etmişdir. Texniki elmləri sahəsində ilk azərbaycanlı professorlardan biri olan X. Məlik –Aslanov 1934-cu ilin avqustunda əsassız ittiham edilərək yenidən həbs olunmuş və 1935-ci ilin iyulun 23-də vəfat etmişdir. 30-cu illərdə tuğyan edən Stalin repressiyası nəticəsində xalqımız öz görkəmli oğullarından birini də belə itirmişdir.
M.Əlioğlu.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 70
Aslanbəy Ağalar oğlu Səfikürdski 1880-ci ildə Gəncə qəzasının Səfikürd kəndində doğulmuşdur. Orta təhsilini Gəncə klassik gimnaziyasında aldıqdan sonra o. Peterburq universitetinin hüquq fakultəsinə daxil olmuşdur. Peterburq həyatı A.Səfikürdskinin bir ziyalı kimi formalaşmasında böyük rol oynamışdır. O, burada azərbaycanlı tələbələrin təşkil etdiyi həmyerlilər təşkilatının üzvü olmuşdur. Aslanbəy ali təhsilini başa çatdıraraq 1905-ci ildə Gəncəyə qayıtmışdır. O, tezliklə Gəncədə ―Müsəlman xeyriyyə cəmiyyətinin‖ rəhbərlərindən biri, həmçinin ―aktyorlar cəmiyyəti‖nin sədri olmuşdur. 1915-ci ildə Peterburq universitetinin professoru Boduen – de Kurtilin sədrliyi altında Kiyevdə ölkənin qeyri –rus millətlərinin qurultayı keçirilmişdir. Qurultayda Azərbaycandan Qasımbəy Əmircanov və Aslanbəy Səfikürdski nümayəndə kimi iştirak etmişlər. İlk dəfə olaraq bu qurultayda ―Azərbaycan muxtariyyəti‖ haqqında məsələ qaldırılmışdır. 1919-cu ildə A.Səfikürdski bu münasibətlə yazmışdır: ―O vaxr elan olunmuşdur ki, Azərbaycanda məskun olan xalqlar tam muxtariyyət almalıdırlar. Qurultayda iştirak edən Gürcüstan və Ermənistan nümayəndələri də bu cür nöqteyi – nəzərdən dayanmışlar. Onda Qafqaz xalqları arasında sərhədlər barədə indikinə nisbətən mübahisə və fikir ayrılığı az idi. O vaxt bildirilmişdir ki, Azərbaycan bütün Bakı və Yelizavetpol (Gəncə) quberniyalarını, Zaqatala dairəsini, İrəvan və Tiflis quberniyalarının bir hissələrini əhatə etməlidir ki, Azərbaycan türkləri ilə məskundur. Gürcüstan və Ermənistan nümayəndələri buna etiraz etmirdilər. Hal – hazırda isə, təəssüf ki, bu məsələdə razılıq yoxdur‖ (―Azərbaycan‖ № 110, 28.5.1919).
A. Səfikürdski müxtəlif illərdə Gəncə və Şuşanın qəza məhkəmələrində iş kəsmək üzrə andçı – müvəkkil vəzifəsini icra etmişdir.
1917-ci ildə Rusiyada fevraql – burjua inqilabı baş verdi. A.Səfikürdski həmin ilin martında yaranmış Gəncə qəza icraiyyə komitəsinin tərkibinə seçilmişdir.
1918-ci il fevralın 28-də Zaqafqaziya seymi tərəfindən təsdiq olunmuş müsəlman fraksiyasında A.Səfikürdski ―Müsəlman sosialist blokuna‖ daxil idi. www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 71
1918-ci il mayın 28-də Azərbaycan Demokratik Respublikası elan olundu. A.Səfikürdski dekabrın 7-də Bakıda açılmış Azərbaycan parlamentinə üzv seçilmişdir. O, ADR nazirlər şurasının sədri F. Xoyskinin təşkil etdiyi üçüncü hökümət kabinəsində (26. XII. 1918) poçt – teleqraf və əmək naziri təyin olunmuşdur. A. Səfikürdskinin həmin dövrdə Azərbaycanda bərbad hala düşmüş poçt və teleqraf sahəsinin nizama salınmasında xidmətləri diqqətəlayiqdir. Onun fəhlələrlə və sahibkarlar arasında əmək haqqı müqaviləsinin bağlanması və buna ciddi nəzarət edilməsi işində rolu böyük olmuşdur.
1919-cu il martın əvvəllərində F.Xoyskinin kabinəsi istefaya çıxdığı üçün A.Səfikürdski tutduğu vəzifəni tərk etmiş, Nəsibbəy Yusifbəylinin 1919-cu il martın 14-də təşkil etdiyi kabinədə ədliyyə və əmək naziri təyin olunmuşdur. Onun göstərişi ilə nazirliyin nəzdində Azərbaycanda ilk dəfə olaraq hüquq elmi üzrə mükəmməl kitabxanın təşkilinə başlanmışdır.
1920-ci il aprelin 27-də baş verən hadisələr vaxtı A.Səfikürdskinin də daxil olduğu ADR –in xüsusi nümayəndə heyəti bolşeviklərlə hakimiyyət haqqında danışıqlar aparmışdır. Danışıqlarda A.Səfikürdski təslimçi mövqeyi tutmuşdur. Həmin gün baş vermiş tarixi hadisələrdən sonra A.Səfikürdski respublika ədliyyə komissarının müavini və ―Azərneft‖ birliyində hüquq işləri üzrə məsləhətçi işləmişdir. O,1937-ci il oktyabrın 15-də Bakı şəhərində ağır xəstəlikdən sonra vəfat etmişdir. M.Əlioğlu.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları
72
Odlar yurdu, № 4, fevral, 1990. Öz dövrünün tanınmış şəxsiyyətlərindən biri olan Nurməmməd bəy Şahsuvarov Ədilxan oğlu 1883-cü ildə Azərbaycanın Laçın rayonunun Minkənd kəndində doğulmuşdur. O, ibtidai təhsilini kənd məktəbində alaraq, 1889- 1903-cü illərdə Qori müəllimlər seminariyasında oxumuşdur. H. Şahsuvarov bir müddət Gəncədə rus dili müəllimi işlədikdən sonra Tiflis Aleksandr Müəllimlər İnstitutuna daxil olmuş və oranı 1912-ci ildə bitirmişdir. O, həmin il Kiyev universitetinin hüquq fakültəsinə daxil olmuş və həmin ali məktəbi ekstern yolu 1915-ci ildə başa vurmuşdur. Dağıstan vilayəti xalq təhsili idarəsi üzrə Teymurxanşura şəhərinə inspektor təyin edilmişdir.
1917-ci ildə Rusiyada fevral – burjua inqilabı baş verdi. Bitərəf Nurməmmədbəy Şahsuvarov siyasi hadisələrdə yaxından iştirak etməyə başladı. 1918-ci ilin yayında Şimali Qafqazda yaşayan xalqların milli – azadlıq hərəkatı nəticəsində Dağlılar Respublikası yaradıldı. N.Şahsuvarov həmin respublikanın xalq maarif naziri təyin olundu.
1919-cu il iyunun əvvəlində Bakıya gələn N.Şahsuvarov Azərbaycan Demokratik Respublikası nazirlər şurasının sədri N.Yusifbəylinin təşkil etdiyi birinci hökümət kabinəsində maarif nazirinin müavini vəzifəsini icra etməyə başlamışdır. (―Azərbaycan‖ 3. 6. 1919, № 113). O, həmin dövrdə Azərbaycanın şəhər və kəndlərində ana dilində məktəb və seminariyaların açılmasına və digər mütərəqqi tədbirlərin həyata keçirilməsinə böyük əmək sərf etmişdir. Azərbaycanın ilk ali məktəbi Bakı Dövlət Universitetinin təşkilində də N.Şahsuvarovun xidmətini qeyd etmək lazımdır.
―İttihad‖ partiyasının üzvü N. Şahsuvarov nazirlər şurasının sədri N.Yusifbəylinin II hökümət kabinəsində 1920-ci il martın 5-də istefaya çıxan www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları
73
H.Şahtaxtinskinin (1880- 1943) yerinə maarif və dini etiqad naziri təyin olunmuş, 25 gün sonra – martın 30-da bütün kabinə ilə birlikdə istefaya çıxmışdır.
1920-ci il aprelin 27-də baş verən hadisələrdən sonra N.Şahsuvarov Azərbaycan SSR xalq maarif komissiyasının müavini təyin olunmuşdur. O, həmin dövrlərdə Bakıda pedaqoji, S.Ağamalıoğlu adına torpaq və geodeziya texnikumlarında rus dilindən dərs demişdir. Sonralar isə Bakı Dövlət Universitetində rus dili kafedrasının müdiri, Azərbaycan neft institutunda isə rus dili müəllimi vəzifəsində işləmişdir.
1940-ci ildə həbs olunan və Krasnodar diyarına sürgünə göndərilən Nurməmməd Şahsuvarov orada da öz ixtisası üzrə dərs demişdir. Üç il sonra – 1943-cü ildə sürgündən Bakıya qayıdan N. Şahsuvarov Azərbaycan Tibb İnstitutunda rus dili kafedrasının müdiri və müəllimi işləmişdir. O, Azərbaycanda rus dili sahəsində bir mütəxəssis kimi məşhur idi.
Öz dövrünün tanınmış şəxsiyyətlərindən biri olan Nurməmməd Şahsuvarov 1958-ci il avqustun 11-də Bakıda vəfat etmişdir. Onu da qeyd etmək lazımdır ki, o, öz vətənində Azərbaycan İstiqlal dövrünün həyatdan gedən son naziri idi. Mövsüm Əliyev.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları |