milyon dairəsində əşyaları bir-bir və ya qruplarla saymağı, onluq say sis-
temində ədədin mərtəbə ədədinin qiymətini müəyyən etməyi, çoxrəqəmli
ədədləri, mərtəbələr sinfi anlayışını tətbiq etməklə oxumağı və yazmağı,
hesab əməlləri komponentləri ilə nəticəsi arasındakı əlaqəni və funksional
asılılığı məsələlər həllində tətbiq etməyi, mürəkkəb məsələlərin həlli üsullarını
müəyyən etməyi,
dəqiq və təqribi hesablamalarda şifahi hesablama üsullarını tətbiq etməyi.
«Cəbr və funksiyalar» məzmun xəttinin zəruriliyi
Bu məzmun xətti «Ədədlər və əməllər» məzmun xətti ilə sıx əlaqədardır.
Riyaziyyat kursuna cəbr elementlərinin daxil edilməsi ədədlər və əməllərin bir
sıra xassələrini ümumiləşdirməyə, ədədi ifadə, bərabərlik, bərabərsizlik, tənlik
və s. kimi riyazi anlayışların formalaşdırılmasma, onların həyatda tətbiq
edilməsinə aid vərdişlərin yaranmasına imkan verir.
Dəyişən kəmiyyətlərlə əlaqədar olan funksiya anlayışı müxtəlif
asılılıqların riyazi dildə ifadə edilməsində, həyatdakı qanunauyğunluqların
şagirdlər tərəfindən dərk edilməsində mühüm rol oynayır. «Cəbr və
funksiyalar» məzmun xətti məktəb riyaziyyat kursunda həm də riyazi metod
kimi tətbiq olunur.
«Cəbr və funksiyalar» məzmun xəttinə aid təlim nəticələri Bu məzmun xəttinə aid şagird bacarmalıdır:
- adi və riyazi modellərdən istifadə etməklə, müxtəlif problemlərin
həllində situasiyaları cəbri üsulla təqdim və təhlil etməyi;
