§ 5. Riyaziyyat təliminin vasitələri Müasir orta ümumtəhsil məktəbləri üçün riyaziyyatdan tədris vasitələri
dedikdə - dərslik, dərs vəsaitləri, müəllim üçün metodik vəsaitlər, şagirdlərin
sinifdənxaric məşğələləri üçün nəzərdə tutulan kitab və kitabçalar, təlimin
əyani və texniki vasitələri və s. başa düşülür. Hazırda həyatın məktəb qarşısın-
da qoyduğu tələblər daha ciddidir. Təlim metodları müasir olmalı və yaradı-
lan dərslik və metodik vəsaitlər həmin tələblərə cavab verməlidir. «Müasir
riyaziyyatın tədrisi metodikası inkişafının mühüm istiqamətlərindən biri tədris
prosesini təlim vasitələri ilə təchiz etmək və bunlardan riyaziyyat dərslərində
istifadə etmək metodlarını işləyib hazırlamaqdan ibarətdir. Təlimin məzmunu
və metodlarının təkmilləşdirilməsinə məktəbin olan ehtiyacı və həmçinin
təlimin vasitələrinin potensial imkanları bu çoxcəhətli problemi daha da ak-
tual etmişdir». [44; 8]
Riyaziyyat təliminin vasitələri təlimin bütöv metodik sistem kimi kompo-
nentlərindən birini təşkil edir və həmin strukturu blok-sxem şəklində göstərə
bilərik (sxem 2).
Riyaziyyat təlimi vasitələri dedikdə, ixtiyari təbiətli obyektlər çoxluğu
başa düşülür. Bu şərtlə ki, onların hər biri
öyrənilən anlayışın özü olsun və ya onu qismən əvəz etsin;
öyrənilən anlayış haqqında yeni məlumat versin.
Sxem 2
48
Təlimin vasitələrinə müxtəlif təbiətli modellər çoxluğu kimi da baxmaq
olar. Modellər iki növə ayrılır:
maddi əşya modelləri;
ideal (fikri) modellər.
Birinci növ modellərə - cihazlar, cədvəllər, diapozitivlər, diafılmlər və s.
aiddir.
İkinci növ modellərə - dərslikləri, dərs vəsaitlərini, didaktik materialları,
metodik məqalələri, metodik göstərişləri və s. aid etmək olar.
Məktəbdə təlim vasitələrinin köməyi ilə təlim-tərbiyə işləri həyata
keçirilir.
