2. Mebelin konstruksiyalaşdırılması
Hər mebel məmulatı bir-birinə bərkidilmiş detallardan ibarətdir. Bu detallar qovşaqlara birləşdirilir, qovşaqlardan qovşaq-aqreqatlar və bunlardan da bütöv konstruksiyalar hazırlanır; çox zaman bura əlavə detallar da daxil edilir. Mebel məmulatının növ bölgüsünün çox müxtəlif olmasına baxmayaraq onların konstruksiya elementləri nisbətən azdır. Həmin elementlər isə qruplar üzrə siniflərə bölünür; bura tirlər, bloklar, çərçivələr, qutular, lövhələr, yeşiklər, əymə detallar, yumşaq oturacaqlar və qundaqlar, gövdələr və üzlük detalları daxildir.
Nazik tirlər və ya bruslar. Bu tirlər çox zaman ayaq, bənd, ayağarası və çərçivə üçün tətbiq edilir. Nazik tirlər müxtılif ölçülərdə və qalınlıqda, fanerləşmiş, massiv, düzxətli və əyrixətli olur. Nazik tirlərə bəzən yalnız üz tərəfdən faner vurulur. Tirlərin ensiz kənarlarına faner vurulması çox əmək tələb edir, məmulatı xeyli bahalaşdırır və ona görə də bunu mümkün olan yerdə əvəz etməyə çalışırlar.
Dostları ilə paylaş: |
