1.3.Mikroiqtisodiyotning ahamiyati
Mikroiqtisodiyotning ahamiyati alohida tadbirkorlar, korxonalar, uy
xo`jaliklari, oddiy fuqarolar faoliyatida zarur.
Amalda bizning asosiy mahsadlarimizdan biri xo`jalikka oid qarorlarga
kelinganda qanday qilib mikroiqtisodiyot tamoyillari qo`llanishini ko`rsatishdan
11
iboratdir. Mikroiqtisodiyotning amalda qo`llanishini ko`rsatuvchi jahon
amaliyotida yuz bergan misolni keltiramiz.
Korporatsiya darajasida bir qarorga kelish. 1985 yilning oxirida «Ford»
oldingi g’ildiraklari tortadigan va samarali aerodinamik shaklga ega bo`lgan
«Tauras» nomli yangi avtomobil modelini bozorga taqdim etdi. Mashina katta
muvaffaqiyatga ega bo`ldi va 1987 yilga kelib «Ford» foydasini deyarli 2 marta
ko`paytirdi. Bu mashinaning dizayni va samarali ishlab chiqarilishi muhandislik
tafakkurining eng yangi yutuqlarini qo`llash bilan bog’liq edi, u ancha-muncha
iqtisodiy masalalarga ham daxldor bo`ldi. Firma menejerlari yangi dizayn
xaridorlar tomonidan naqadar ma’qullanishini tushunib yetishlari kerak edi.
Iste’molchilarni mashinaning texnik tavsiflari va tashqi ko`rinishi qoniqtiradimi?
Dastlabki talab qancha bo`ladi, u vaqt o`tishi bilan qanday o`zgaradi va bunga
avtomobilning narxi qanday ta’sir etadi? Iste’molchilarning talab-ehgiyojini
o`rganish, yangi mashinaga bo`lgan talabni prognozlash, mashina narxi
o`zgarganda unga talabning o`zgarishi «Tauras» dasturining muhim qismini tashkil
etdi. So`ng «Ford» model qiymatini belgilashi kerak edi: ishlab chiqarish
xarajatlari va ularning yiliga qancha mashina chiqarilishiga qarab o`zgarishini
aniqlash zarur edi. Shuningdek, kasaba uyushmasi bilan ish haqining miqdori
to`g’risidagi muzokaralar natijasi, po`lat va boshqa xom ashyolar narxi ham
hisobga olinishi kerak edi. Ishlab chiqarishda tajriba ko`paygan sari ishlab
chiqarish xarajatlarining pasayish miqdori va tezligini ham tahlil etishga to`g’ri
keldi. Bu ma’lumotlar maksimal foydani qanday olish mumkin, buning uchun
yiliga qanday miqdorda mashina chiqarishni rejalashtirish kerak, degan savollarga
javob topish uchun talab qilinar edi. «Ford» narx shakllantirish strategiyasini ishlab
chiqishi kerak edi, bundan tashqari raqobatchilarning bu strategiyaga qanday javob
berishini ham chamalab ko`rishiga to`g’ri kelar edi. Masalan, mashinaning
dastlabki «yengillashtirilgan» modeliga past narx, lekin uning gidravlik boshqarish
tizimi bor, havo konditsioneri mavjud individual modelga esa yuqori narx qo`yish
kerakmi? Yoki mashinalarni «standart» qilib ishlab chiqarish va ularning jamiga
ancha yuqori narx belgilash yanada qulay bo`ladimi? Bunga GM («General
motors) va «Kraysler» kabi raqobatchilar «Ford» qo`ygan narxdan qatiy nazar,
qanday javob qaytaradilar? GM va «Kraysler» o`z mashinalari narxini tushirish
orqali «Ford»ni ham narxni tushirishga majbur etadimi? «Ford»ning ham narxni
pasaytirishga harakat qilishi xavfi GM va «Kraysler»ning narxlarni pasaytirishdan
tiyib tura oladimi? «Tauras» dasturi yangi ishlab chiqarish uskunalariga katta
kapital qo`yishni talab qilgan, kompaniya esa bu bilan bog’liq riskka va uning
kutilayotgan oqibatlariga baho berishi zarur edi. Riskning bir qismi benzinning
bo`lg’usi narxi aniq bo`lmasligi bilan (benzinning yuqori narxi kam litrajli
mashinalarga talabni oshirib yuboradi), riskning boshqa qismi esa firma
ishchilariga beriladigan ish haqi miqdorining aniq bo`lmasligi bilan bog’liq edi.
Agar neftning jahon bozoridagi narxi 2—3 marta oshsa yoki hukumat benzinga
yangi soliq joriy etsa nima bo`ladi? Kasaba uyushmalari ish haqi to`g’risidagi
muzokaralarda naqadar kuchlilik qiladi va bu ish haqi miqdoriga qanday ta’sir
etadi?
12
Kapital qo`yish haqida qarorga kelinganda bu savollarga javoblarning
noaniqligini qanday hisobga olish kerak? «Ford» birlashgan firma bo`lib ma’lum
tashkiliy muammolarni ham hal etishi kerak edi, chunki uning bir bo`linmasi
mashina ayrim qismlarini ishlab chiqaradi, boshqalari esa yig’ish bilan
shug’ullanadi. Turli bo`linmalar menejerlariga mukofot puli ajratilishi ham kerak.
Avtomobilni yig’uvchi bo`linmalar boshqa bo`linmalardan oladigan dvigatellarga
qanday narx qo`yishi lozim. Hamma detal va qismlarni o`z zavodlaridan olish
kerakmi yoki ulardan ba’zilarini tashqaridan olish ma’qulmi? Nihoyat, «Ford» o`z
faoliyatida hukumat va qonun chiqaruvchi idoralarning talablarini hisobga olishi
kerak. Masalan, avtomobilning yangi modeli tashqi muhitga chiqaradigan gazlar
federal me’yor, eng ko`p deganda, yo`l qo`yilgan darajadagi kontsentratsiya
talabiga javob berishi zarur bo`ladi, mashinalarni uzluksiz yig’ib borish esa
xavfsizlik texnikasi va mehnatni muhofaza qilish qonunlariga mos kelishi kerak
edi. Mazkur qoida va me’yorlar vaqt o`tishi bilan o`zgarishining eng ko`p ehgimoli
qanday? Bular kompaniyaning xarajatlari va daromadlariga qanday ta’sir eta
oladi?
3
1.4. Bozor va uning vazifasi
Bozor iqtisodiyoti asosiy iqtisodiy vazifalarni hal etishda unga teng keladigan
muqobil variantning yo`qligini isbotladi.
Birinchidan, bozor ishlab chiqarish va iste’molning o`zaro bog’liqligini
ta’minlaydi. Bu funktsiyani u taklifni to`lov qobiliyatli talab hajmiga muvofiqligini
o`rnatish orqali amalga oshiradi.
Ikkinchidan, xolis ishlab chiqaruvchilar mehnatining natijalarini ijtimoiy
baholashni kafolatlaydi. Bunday baholash mexanizmi oddiy, samarali va
ob’ektivdir. U bir narsadan: oldi-sotdi bo`lidimi yoki yo`qligidan iborat.
Uchinchidan, bozor ishlab chiqarishning yuqori samaradorligi uchun sharoit
yaratadi. Bunga qoloqlarni ilg’orlardan «ajratuvchi» raqobat yordam beradi.
«Sof» bozor hech qachon mavjud bo`lmagan, bu hayoliy tizim - «mukammal
raqobat» deb ataluvchi «hayoliy» modeldir. Erkin bozor yoki «mukammal
raqobat» ishi qator majburiy shartlar, institutlar mavjudligi bilan aniqlanadi:
xususiy mulkchilik;
tadbirkorlik va tanlash erkinligi;
shaxsiy manfaat faoliyatning asosiy sababi sifatida;
raqobat;
bozor narxlari tizimiga tayanish;
davlat rolining cheklanganligi.
Bu barcha institutlar xo`jalik faoliyatini rivojlantirish asosi sifatida iqtisodiy
rag’batlantirish tizimini vujudga keltiradi.
Xususiy mulkchilik- bu fuqaro yoki firmani iqtisodiy ne’matga egalik qilish,
foydalanish, taqsimlash huquqidir.
3
Microeconomics, Second Edition bv Robert S. Pindyck, 12 bet
13
Agar mulkchilik huquqlari yaqqol aniqlangan va ishonchli himoyalangan
bo`lsa, bunday tizim resurslardan yaxshiroq foydalanishni ta’minlaydi.
Tadbirkorlik erkinligi har qanday inson tadbirkorlik faoliyati bilan
shug’ullanishi mumkinligini: resurslarni sotib olish va o`z tanloviga ko`ra har
qanday tovar va xizmatlarni ishlab chiqarishni tashkil etish, ularni bozorda sotish,
pullarni bankka qo`yish va boshqalarni ko`zda tutadi.
Tanlash erkinligi resurs egalarini ularni o`z hohishiga qarab foydalanish:
xodimlar uchun har qanday faoliyat turi bilan shug’ullanish, iste’molchilar uchun
o`z pul daromadlariga tovar va xizmatlarni sotib olish imkoniyatini ko`zda tutadi.
Tanlovning to`g’riligi va tadbirkorlik erkinligi iqtisodiyot holati haqidagi axborot
to`la hajmining mavjudligi bilan aniqlanadi.
Shaxsiy manfaat faoliyatning asosiy sababi rag’bat, xo`jalik faoliyati
sababidir. Bozorda faoliyat ko`rsatayotgan barcha sub’ektlar o`zining shaxsiy
manfaatini ko`zlaydi, ularni Adam Smit ta’biricha «ko`rinmas qo`l» boshqaradi. U
bozorning barcha qatnashchilarini barcha uchun farovonlikni oshishini
ta’minlovchi yo`nalishda harakat qilishga undaydi. Har bir odamnm boylikka
intilishi umuman butun jamiyatning boyligiga olib keladi.
Raqobat – cheklangan resurslarning ko`proq miqdoriga, ulardan eng ko`p
qaytim olish maqsadida ularni o`z ihtiyoriga olish uchun xo`jalik sub’ektlari
o`rtasidagi musobaqadir.
Odatda, raqobat odamlarni cheklangan resurslarni olish va ishlatishning eng
oqilona yo`llarini izlashga uyg’otib, ijobiy rol o`ynaydi.
Bozor narxlari tizimiga tayanish. Narx bozorda iqtisodiy vaziyat ko`rsatkichi
bo`lib xizmat qiladi va uchta funktsiyani bajaradi:
xaridor va sotuvchilar harakatini yo`naltiruvchi axborotni beradi;
ishlab chiqarishning samaraliroq yo`llarini rag’batlantiradi;
bozor sub’ektlari o`rtasida daromadlarni taqsimlaydi.
Narxlar bu uchta funktsiyani bajarishi uchun, ularga erkin harakatlanishni
ta’minlash zarur bo`ladi.
Bozor tizimida noyob ne’matlar muammosi quyidagi ikkita tamoyillar asosida
yechiladi:
- optimallashtirish tamoyili - har bir faoliyatdan va resurslardan
foydalanishdan maksimal foyda olish;
- muqobil xarajatlar tamoyili - noyob resurslardan foydalanish
yo`nalishlarining barchasidan olinadigan foyda va xarajatlarni solishtirish orqali.
Iqtisodiy sub’ektlar ratsional harakat qilish tamoyiliga ko`ra o`z maqsadlariga
erishishi uchun xo`jalik faoliyatida faol qatnashadilar, buning asosiy mohiyati
shundan iboratki, iqtisodiy sub’ektlar berilgan resurslardan foydalanishdan
olinadigan natijalarni maksimallashtiradi yoki ma’lum natijalarni olish uchun
xarajatlarni kamaytiradi.
Mikroiqtisodiyot iqtisodiy sub’ektlarni ikkiga bo`lib qaraydi - iste’molchilar
(uy xo`jaliklari) va ishlab chiqaruvchilar (firmalar). Iste’molchining maqsadi -
mumkin darajada o`zining ehtiyojlarini maksimal darajada qondirish bo`lsa, ishlab
chiqaruvchilarning maqsadi - foydani yoki boshqa bir faoliyat ko`rsatkichlarini
14
maksimallashtirishdan yoki minimallashtirishdan iboratdir.
Jamiyatda vujudga keladigan yana bir muammo - bu iste’molchilar va ishlab
chiqaruvchilar faoliyatini muvofiqlashtirishdir:
1)
ishlab chiqaruvchilar faoliyatini (kim qaysi mahsulotdan qancha
ishlab chiqaradi) muvofiqlashtirish;
2)
iste’molchilar faoliyatini (kim, qaysi mahsulotdan, qancha iste’mol
qiladi) muvofiqlashtirish;
3)
ishlab chiqarish va iste’mol qilish bo`yicha qabul qilingan qarorlarni
muvofiqlashtirish.
Bu muammo tovarlar aylanmasi modeli orqali tahlil qilinadi (1-chizma).
1-chizma. Muvofiqlashtirishning bozor mexanizmi
Modeldan foydalanishning afzalligi shundan iboratki, u muammoning
ikkinchi darajali tomonlarini e’tiborga olmaydi. Modelda ikki turdagi
o`zgaruvchilar ishlatiladi: ekzogen va endogen. Ekzogen o`zgaruvchilar tashqi
o`zgaruvchilar bo`lib, ular oldindan beriladi va modelga kiritiladi. Endogen
o`zgaruvchilar model ichida, hisob-kitoblar asosida shakllanadi. Tovarlar
aylanmasida iqtisodiyot ikki sektorga bo`linadi: uy xo`jaliklari va firmalar. Uy
xo`jaliklari o`z resurslarini (ishchi kuchi, kapital va erni) firmalarga sotib daromad
oladilar va bu daromadlarini firmalardan tovarlar va xizmatlar olishga ishlatadilar.
Firmalar o`zlarining tovar va xizmatlarini sotib undan tushgan daromadni uy
xo`jaliklaridan resurslarni sotib olishga ishlatadilar.
Ko`rinib turibdiki, xaqiqatdan ham nima iste’mol qilish kerak, demak, nima
ishlab chiqarish kerak, degan masalani uy xo`jaliklari hal qiladi. Uy
xo`jaliklarining bunday qarori, firmalarning ishlab chiqarish rejalarini tuzish uchun
asos bo`lishi kerak. Firmalar, o`z navbatida, noyob resurslardan foydalanish
qarorlarini bir-biri bilan muvofiqlashtirishi lozim. Nihoyat, uy xo`jaliklari iste’mol
qilish uchun rejalashtirgan ne’matlarni olishlari kerak, ya’ni ular iste’mol qilish
bo`yicha qarorlarini bir-biri bilan moslashtirishi kerak bo`ladi.
Bozor tizimida muvofiqlashtirish masalalarini ikkita bozor hal qiladi: ishlab
chiqarish resurslari bozori va iste’mol ne’matlari bozori.
Talab va taklif modeli tadbirkorlar sektori bilan uy xo`jaliklari sektori
o`rtasidagi o`zaro munosabatlarni tushuntirishga xizmat qiladi. Agar bu ikki sektor
Фирмалар
Ресурслар
бозори
Уй
хўжаликлари
бозори
Истеъмол
неъматлари
бозори
15
tovarlar bozorida oldi-sotdi bo`yicha o`zaro munosabatda bo`lsa, talab va taklif
modeli tovar narxini va sotiladigan tovar hajmini aniqlaydi. Agar ular resurslar
bozorida oldi-sotdi bo`yicha o`zaro munosabatda bo`lsalar model sotiladigan
resurslar narxini va miqdorini aniqlaydi.
Har bir bozor o`zining ikkita qaror qabul qiluvchi sub’ektiga ega: sotuvchilar
va xaridorlar. Bozorda qabul qilinadigan qarorlarning muvofiqligi har bir
ne’matning muvozanat narxi va muvozanat miqdori bilan ta’minlanadi. Narx talab
va taklif munosabatlari natijasi sifatida, uy xo`jaliklari va firmalar tomonidan qabul
qilinadigan qarorlarni muvofiqlashtirish uchun muhim axborot bo`lib hisoblanadi.
Bunday axborot bir vaqtning o`zida jamiyatdagi noyob ne’matlarni taqsimlash
muammosini echish uchun muhim ahamiyat kasb etadi. Masalan, non narxining
oshishi - xaridorlar uchun nonni iste’mol qilishni cheklash to`g’risida signal bo`lsa,
firmalar uchun nonni ishlab chiqarishni oshirish va non bozoridagi muvozanatni
tiklash to`g’risida muhim axborot bo`lib xizmat qiladi.
Narxlar noyob resurslarni ratsional taqsimlashni ta’minlaydi, ne’matlarni
ratsional iste’mol qilishga, xarajatlarni kamaytirishga undaydi. Narx er, kapital va
resurslar egalarining daromadini aniqlaydi. Bozor tizimida muvofiqlashtirish
masalasini bozor hal qiladi. Muvofiqlashtirish masalasi bilan bog’liq xarajatlarga
transaktsion xarajatlar deyiladi.
Bozor muvofiqlashtirishdan tashqari ishlab chiqaruvchilar va iste’molchilar
qarorlarini vaqt bo`yicha tartiblashtiradi. Bu kelajakdagi ne’matlar (fyuchers)
bozorining vujudga kelishi bilan bog’liqdir. Kelajakdagi ne’matlarning oldi-sotdisi,
ularning narxlari to`g’risida tasavvurga ega bo`lishga, ularning kelajakda nisbatan
noyobligi to`g’risida axborot beradi. Iste’molchilar va ishlab chiqaruvchilar
bunday narx axborotlariga ko`ra, o`zlarining joriy xo`jalik rejalarini qayta ko`rib
chiqadilar va o`zlarining iqtisodiy harakatlarini tartibga soladilar.
Tayanch so`z va iboralar: mikroiqtisodiyot, makroiqtisodiyot, ehtiyoj,
resurs, muqobil qiymat, ijtimoy ne’mat, bozor, optimallashtirish.
16
II BOB. IQTISODIYOTNING O`NTA TAMOYILI
4
Reja
2.1. Odamlar tanlovga duch keladilar
2.2. Biror narsaning qiymati, unga erishish uchun voz kechilgan narsadir
2.3. Oqil odam chegarani o`ylaydi
2.4. Odamlar rag`batlarga ta’sirchandirlar
2.5. Savdo hammaga foydali
va bozorlar odatda iqtisodiy faoliyatni tashkil
etishda yaxshi bir yo`ldir
2.6. Davlat ba`zan bozor faoliyati oqibatlarini yaxshilashi mumkin
2.1. Odamlar tanlovga duch keladilar
Iqtisodiyotning birinchi tamoyili odamlarning tanlovni amalga oshirish
jarayoniga taalluqli bo`lib, bu tamoyil mikroiqtisodiyotda ham keng qo`llaniladi.
Bu tamoyilning mazmuniga e`tiborimizni qaratamiz. O`zimiz yoqtirgan bir narsaga
erishishimiz uchun, odatda biz o`zimiz yoqtirgan boshqa narsadan voz
kechishimizga to`g’ri keladi. Qarorlar qabul qilishda bir maqsadni boshqa bir
maqsad bilan qarama-qarshi qo`yish talab etiladi. Keling bir talabani o`zining eng
qimmatbaho resursi bo`lgan vaqtini taqsimlash muammosini hal etishini ko`rib
chiqaylik. U o`zining hamma vaqtini iqtisodiyotni o`rganishga, yoki hamma
vaqtini psixologiyani o`rganishga sarflashi, yoki ikkala fanni o`rganish o`rtasida
teng sarflashi mumkin. U bir fanni o`rganish uchun sarflagan har soati, uni shu
soatni boshqa fanni o`rganishi uchun sarflash imkoniyatidan mahrum qiladi,
shuningdek u bu soatda o`rganayotganligi tufayli, u boshqa shu soatda qilinishi
kerak bo`lgan mudrash, velosiped haydash, televizor ko`rish va vaqtbay hisobiga
pul topishdan voz kechadi.
Yoki ota onani oila a’zolari o`rtasida daromadni qay darajada taqsimlashiga
e’tibor qarataylik. Ular oziq-ovqat, kiyim-kechak yoki oila bayramlariga xarajat
qilishadi. Yoki ular oila daromadlarini bir qismini nafaqa yoki bolalari kelgusida
ta’lim olishiga saqlashlari mumkin.
Qachonki odamlar jamiyatga kirishganda ular turli xil qarorlarga duch
kelishadi. Ishlab chiqarilgan tovar va xizmatlarni qiymati oshishiga atrof muhitni
himoyalashga firmalar o`z resurslarini bir qismini yo`naltirishini ko`zda tutuvchi
qonunlar olib keladi. Yuqori narxlar tufayli bu firmalar kamroq oylik to`laydi,
kamroq foydada ishlaganlari uchun yuqoriroq narxlarni belgilaydilar, yoki har
uchchalasini birlashtiradilar. Shunday qilib ifloslanishni tartibga solish, toza atrof
4
Ushbu bob G. Menkyuning “Mikroiqtisodiyot tamoyillari” (N. Gregory Mankiw “Principles of Microeconomics” 7 e.)
kitobining I bobi asosida tayyorlangan.
17
muhitni yo`lga qoyish natijasida salomatlikni yaxshilab, u fermerlar, boshliqlar,
ishchilar va xaridorlar o`rtasida daromadni past darajadagi qiymatini tartibga
soladi. Yana bir farq jamiyat samaradorligi va tenglik o`rtasidadir. Samaradorik
bu jamiyat cheklangan resurslardan eng yuqori foydani olishidir. Tenglik jamyat
a’zolari o`rtasida o`sha foydalarni teng taqsimlash demakdir.
Odamlarni qaror qabul qilishga tanlash tanishtirilganda, ular bizlarga qanday
qaror qabul qilishlarini aytishadi. Talaba psixologiyani o`qishni to`xtatdi, chunki
iqtisodiyotni o`qishni foydali deb topib, o`qishni kuchaytirdi. Jamiyat tabiatni
himoya qilishni to`xtatmaydi, chunki tabiatni tartibga solish bizning yashash
tarzimizdagi materiallarni kamaytiradi. Shunday qilib iqtisodiyotning muhim
tarkibiy qismi bo`lgan mikroiqtisodiyotni o`rganish, hayot tanlovlarini tan olish
bilan boshlanadi.
2.2. Biror narsaning qiymati, unga erishish uchun voz kechilgan narsadir
Insonlar tomonidan ongli ravishda qarorlarni qabul qilishida tanlovning
zaruriyati muqobil harakat yo`llarining xarajatlari va ne’matlarni solishtirishni
talab etadi. Biroq, ko`p hollarda xarajatlar birinchi qarashda ko`rinishi mumkin
bo`lganidek oddiy emas.
Oily ta`lim olishga qaror qabul qilishni ko`rib chiqaylik. Intellektual boyish
va kelajakda yaxshiroq ishga ega bo`lish hayotning asosiy afzalliklari va
imkoniyatlari bo`lgan foydani nazarda tutadi deylik. Lekin xarajatlari qanday
bo`ladi? Bu savolga javob sizning o`qish uchun, kitoblar, xona va doska kabilarga
muayyan pul miqdorini to`lashingizni zaruriyati bo`lishi mumkin. Shu bilan birga
bir necha yil davomida oily ta`lim muassasasida ta’lim olish uchun siz nimalardan
voz kechganingiz haqiqatdan ham xarajatlarda aks etmaydi.
Bu hisoblash ikki xil muammoni yuzaga keltiradi. Birinchidan, bu oily
ta`lim muassasasiga borishning biror narsani o`z ichiga oluvchi haqiqiy xarajatlari
bo`lmaydi. Ikkinchidan, oily ta`lim muassasasiga borishingizda sizning eng katta
e’tiborga olmaydigan xarajatingiz vaqtingizdir. Siz bir yilni ma’ruza tinglab,
darsliklar o`qib va yozib vaqtingizni o`qishga sarflaganingizda, bu vaqtni boshqa
ishga sarflash mumkin bo`lmaydi. Ko`pchilik talabalar uchun, oily ta`lim
muassasasiga qatnab pul topishdan voz kechishlari ularni ta’lim olishlarining yirik
yagona xarajatlari bo`ladi.
Bizga birinchi bobdan ma`lumki, muqobil qiymat bu biror narsaga
erishishingiz uchun boshqasidan voz kechishingiz kerak demakdir. Qachonki,
qaror qabul qilinayotganda qaror qabul qiluvchilar har bir ijobiy holat uchun
imkoniyat darajasini inobatga olishlari kerak. Aslida ular sport bilan
shug`ullanuvchi talabalar bo`lsalar, agar ular oily ta`lim olishdan voz kechsalar va
professional sport bilan shug`ullanib millionlab pul ishlab topadigan bo`lsalar,
ularning imkoniyati oily ta`lim muassasasi darajasidan baland bo`ladi. Bu
18
ajablanarli emas, ammo ular ko`pincha oliy ta’limining foydasini baholashga
arzimaydi, deb o`ylashadi.
2.3. Oqil odam chegarani o`ylaydi
Iqtisodchilar odatda odamlarni idrokli ekanligini taxmin qilishadi. Oqil
odamlar o`z maqsadlariga erishish uchun iloji bo`lgan hamma imkoniyatlardan
foydalanishadi.
Oqil odamlar kamdan kam hollarda hayot qonunlarini oq va qora deb
bilishadi. Imtihonlar bo`ladigan vaqtda talabalarning qarorlari imkoniyatlarini
qo`ldan boy bermay 24 soat mobaynida o`rganish, ammo qo`shimcha soatlarini
televizor ko`rish o`rniga ma`ruza va boshqa zarur o`quv materiallarni qaytadan
ko`rib chiqishga sarflaydilar. Bunda mikroiqtisodiyotda “chekli o`zgarishlar”
atamasi biron bir rejaning holatini kichik o`zgartirishda qo`llaniladi. Shuni yodda
tutingki, chekli “chekka” so`zining ma’nosi, siz nima qilayotganligingizning
chegaralari doirasidagi chekli o`zgarishlardir. Oqil odamlar ko`pincha chekli foyda
va chekli xarajatlarni solishtirish orqali qaror qabul qiladilar.
Masalan, havo yo`llari korxonasi yo`lovchilarning chipta haqi qanchaligi, kim
muntazam ucha olishi kabilarni o`rganib chiqqan. Uchish jarayonida faraz qiling
200 ta joy xarajatlari 100 000 AQSH dollari bo`lsin. Bu holda har bir joy uchun
o`rtacha chipta narxi 100 000/200, qaysiki har bir joyga 500 dollardan to`g’ri
keladi. Bu havo yo`llari kompaniyasi chiptalarni kamida 500 dollardan sotadi, deb
xulosa qilishimiz mumkin. Aslida, oqil havo yo`llari kompaniyalari ko`pincha o`z
daromadlarini chekli darajasini o`sirish yo`llarini topishni o`ylaydi. Tasavvur
qiling, samolyot 10 ta bo`sh joy bilan havoga ko`tarilayapti, o`tirgan yo`lovchilar
joy uchun 300 $ dan to`lashmoqchi, havo yollari kassasi chipta sotadimi? Albatta
sotadi. Agar samolyot joylari bo`sh bo`lsa, yana bir necha yo`lovchiga xarajatlar oz
miqdorda qo`shiladi. Garchi o`rtacha uchish narxi 500 $ ni tashkil etsa ham,
qo`shimcha yo`lovchining chekli xarajati u iste’mol qilgan 1 paket yong’oq va
ichilgan 1 banka sodali suv qiymatidan ortiq bo`lmaydi. Uzoq muddat kutgan
yo`lovchi chipta sotib olish uchun chekli xarajatni ko`proq to`laydi.
Chekli qaror qabul qilish, ba’zi holda ajoyib iqtisodiy tushuntirib berish
hodisasiga yordam beradi. Mana klassik savol: Nima uchun suv bunchalik arzon,
oltin bunchalik qimmat? Odamlar yashash uchun suvga muhtojdir, bunda oltin
keraksizdir; ammo ba’zi sabablarga ko`ra, odamlar bir piyola suvga qaraganda,
oltin uchun ko`proq to`lashni xohlaydilar. Sababi, har bir shaxsning xohish
istaklari har bir keyingi chekli mahsulot unga keltiradigan foydaga asoslangandir.
Chekli foyda shaxs yana qanchalik ko`p birlik mahsulotga egaligiga bog’liq. Suv
muhim, ammo suvning mo`l ko`lligi tufayli bir stakan suvning chekli foydasi
kichik. Solishtiradigan bo`lsak, hech kim jon saqlab qolish uchun oltinga muhtoj
19
emas, ammo oltin juda noyobligi tufayli odamlar oltinning chekli foydasi juda ko`p
miqdorda bo`ladi, deb biladilar.
Agar chekli foyda chekli xarajatlardan ortiq bo`lsagina, oqilona qaror qabul
qilinadi. Bu tamoyil nima uchun havo yollari kompaniylari chiptasini o`rtacha
xarajatlardan past narxda sotadilar va nima uchun odamlar suvga nisbatan oltinga
ko`proq narx to`lashayapti kabi savollarga javob beradi. Bu cheklilik qoidasiga
ko`nikish biroz vaqtni talab qilishi mumkin, lekin mikroiqtisodiyotni o`rganish
insonlarga amaliyotda keng imkoniyatlar beradi.
Dostları ilə paylaş: |