Proeksiya tekisliklari bilan bir xil burchak tashkil qilgan to’g’ri chiziqlar. Agar biror to’g’ri chiziq fazoda H, V va W lar bilan bir xil burchak hosil qilib joylashgan bo’lsa, uning AB kesmasining uchala proeksiyalari o’zaro teng, ya’ni AB^H=AB^V=AB^W bo’lsa, A′B′=A″B″=A‴B‴ bo’ladi. Bunda A′B′=B″A″ teng yonli trapetsiyadan 1B′=2B″=3A‴ va 1B′=3B‴, demak 3A‴=3B‴ bo’lgani uchun ∠3A″B″=45º bo’ladi. Shu bilan birga A‴B‴∥A″B″ bo’lib, Δx=Δy=Δz bo’ladi.
Ta’rif. Proeksiyalar tekisligiga parallel yoki perpendikulyar bo’lgan to’g’ri chiziq xususiy vaziyatdagi to’g’ri chiziq deyiladi.
3.2.1. Proeksiyalar tekisligiga parallel to’g’ri chiziqlar
Gorizontal to’g’ri chiziq. Gorizontal proeksiyalar tekisligi H ga parallel to’g’ri chiziq gorizontal chiziq (yoki gorizontal)deb ataladi (3.3-a,b rasm).
Gorizontalning barcha nuqtalari H tekislikdan baravar masofada (AA′=BB′) bo’lgani uchun chizmada uning h″ frontal proeksiyasi Ox o’qiga, h‴ profil proeksiyasi esa Oy o’qiga parallel bo’ladi. Gorizontalning h′ gorizontal proeksiyasi ixtiyoriy vaziyatda bo’ladi. Bu chiziq kesmasining gorizontal proeksiyasi o’zining haqiqiy o’lchamiga teng bo’lib proeksiyalanadi. Chizmadagi va burchaklar h gorizontalning V va W tekisliklari bilan mos ravishda hosil qilgan burchaklarining haqiqiy kattaligi bo’ladi, ya’ni:
h‖H h″‖Ox va h‴‖Oy, A′B′=|AB|, β = h^V va γ = h^W bo’ladi.
