12.3. Direkt – Kosting sisteminin yaranma tarixi və
tətbiqinin müasir variantları
Direkt
–
Kosting
sisteminin
mahiyyətini
və
xüsusiyyətlərini daha yaxşı dərk etmək üçün onun yaranma
tarixini və inkişaf mərhələlərini də nəzərdən keçirmək lazımdır.
Müəssisənin məsrəflərinin sabit və dəyişən məsrəflərə
bölünməsi metodunu Şvetsariya professoru İoqamşer (1846-
1924) təklif etmişdir. Konkret növ məhsulun maya dəyərinə
yalnız dəyişən xərclərin aid edilməsini, üstəlik xərclərin ümum
mənfəət hesabına ötürülməsini alman alimi E.Şmalenbax təklif
167
etmişdir. Bu mahiyyət etibarı ilə Direkt – Kosting uçot
sisteminin yaradılması demək idi. XX əsrin 30-cu illərində
Direkt
–
Kosting
sisteminin
təkmilləşdirilməsi
ilə
V.Raytenştranx, X.Ulyams və Ç.M.Knoppel məşğul olmuşdur.
Onlar aralıq büdcə ideyasını işləyib hazırlamış, istehsalın kritik
həcminin qrafik metodunu təklif etmişdilər. İkinci Dünya
müharibəsinə qədər istehsalın uçotu sahəsində aparılan tədqiqat
işləri əsasən nəzəri xarakter daşımışdır. XX əsrin 50-60-cı
illərində istehsal məsrəflərinin uçotu və məhsulun maya
dəyərinin kalkulyasiyasına Amerika Birləşmiş Ştatlarında
praktik (təcrübi) maraq güclənmişdir. Uçotun məzmunu və
funksiyaları dəyişdirilmişdir. İstehsalın uçotu (COST
accounting) anlayışı “İdarəetmə uçotu” (Management
accounting) anlayışı ilə əvəz edilmişdir.
Burada əsasən məsrəflərin smetalarının əvvəlcədən
tərtibi, onlardan operativ kənarlaşmaların aşkara çıxarılması,
istehsal məsrəflərinin mütəmadi olaraq təhlili, onların maya
dəyərinin qiymətləndirilməsi əsasında idarəetmə qərarlarının
variantlarına istinad edilmişdir.
Hal-hazırda Direkt – Kosting bir neçə variantda tətbiq
edilir:
1. Klassik Direkt – Kosting – kalkulyasiya birbaşa
(müstəqim) bütün dəyişən məsrəflər üzrə aparılır;
2. Dəyişən məsrəflər sistemi – kalkulyasiya dəyişən
məsrəflər üzrə həyata keçirilir, burada maya dəyərinə
müstəqim xərclər və dəyişən qeyri-müstəqim xərclər daxil
edilir;
3. İstehsal güclərinin yüklənməsindən asılı olaraq
məsrəflərin uçotu sistemi - kalkulyasiyaya bütün dəyişən
xərclər və istehsal gücünün istifadə əmsalına uyğun olaraq
müəyyən edilən sabit xərclərin bir hissəsi daxil edilir.
Deməli bu halda tam maya dəyəri deyil, maya dəyəri
qismən kalkulyasiya edilir.
168
Direkt – Kosting ideyası mühasibat uçotu üzrə
məsrəflərin
əks etdirilməsi və maliyyə nəticələrinin
formalaşması nöqteyi-nəzərindən beynəlxalq standartlarda
əksini tapmışdır.
Bizim respublikamızda Direkt – Kosting ideyası çoxdan
mövcuddur, lakin onun təcrübədə tətbiqinə indi ilk addımlar
atılır.
Məsrəflərin fərqlənmə dərəcəsinə görə Direkt – Kosting
iki əsas variantda ola bilər:
1. Sadə variant – birpilləli Direkt – Kosting, bu
hesablamalarda yalnız vahid blokda uçota alınan əməliyyat
(üstəlik) məsrəflərdən istifadəyə əsaslanır;
2. İnkişaf etmiş (çoxpilləli) Direkt – Kosting – bu halda
sabit məsrəflər məhsul və xidmət növlərinə ayrılmır
(bölünmür). Üstəlik xərclərin formalaşma yerləri üzrə, yəni
müəssisənin idarəolunma səviyyələri üzrə ayrılır (bölünür).
Direkt – Kosting sisteminin hər iki variantında dövr
ərzində satışdan alınan ümumi məbləği dəyişən məsrəflərin
məbləği ilə müqayisə edərək hesabat dövrünün marjinal
gəlirini (brutto mənfəəti, ödəmə (ötürmə) məbləğini) müəyyən
edirlər. Müəssisənin netto mənfəətini hesablamaq üçün o
məbləğdən (marjinal gəlirdən) sabit məsrəflər məbləğini
çıxırlar. Bununla da sabit məsrəflərin dövr ərzindəki ümumi
məbləğini onların əmələ gəldiyi hesabat dövrünün nəticələrinə
aid edirlər. Vahid bölünməyən blokun sabit xərclərinin uçotu
Direkt – Kosting sisteminin klassik forması hesab olunur.
Ödəmə (ötürülmə) məbləğinin birpilləli uçotunda bir blokda
birləşdirilən bütün sabit xərclər həmin hesabat dövrünün
ödəmə məbləğindən çıxılır. Mühasibat uçotunda müəssisənin
sabit məsrəfləri aşağıdakı kimi təqdim edilə bilər:
1. Məmulata düşən sabit xərclər hesabat dövründə
istehsal edilən bir növ məhsulun ümumi miqdarına birbaşa aid
169
edilən sabit xərclər. Məsələn, yalnız müvafiq məhsul növünün
mənimsənilməsinə aid edilən xərclər;
2. Məmulatlar qrupuna sərf edilən sabit xərclər – bir
qrupda birləşdirilə bilən oxşar növ məhsullara düşən sabit
xərclər. Məsələn, müvafiq qrup məmulatların istehsalı ilə bağlı
olan avadanlıqların təmiri və yaxud həmin avadanlıqların
təmiri xərcləri, həmin qrup məmulatların mənimsənilməsinə
tədqiqat xərcləri;
3. Məsrəflərin meydana gəldiyi yerlər üzrə sabit xərclər –
bura ayrı-ayrı məsrəf daşıyıcıları arasında bölüşdürmək
mümkün olmayan, məsrəflərin ayrı-ayrı başvermə yerlərinə
birbaşa aid edilən sabit xərclər;
4. Bölmələrin sabit xərcləri. Belə xərclərin mövcud
olması – bir bölmədə məsrəflərin baş verməsinin bir neçə
yerinin mövcud olması ilə bağlı olan sabit xərclər;
5. Müəssisənin sabit xərcləri özündə elə xərcləri
birləşdirir ki, onları xüsusi kalkulyasiya obyektləri arasında
bölüşdürmək mümkün olmur.
İnkişaf etmiş Direkt – Kosting sisteminin xüsusiyyəti
onun mütəmadi olaraq istiqaməti müəssisənin fəaliyyətinin son
nəticəsi, yəni mənfəət və bütövlükdə müəssisə üzrə, eləcə də
məmulat, iş və xidmət və bazar sektorları üzrə marjinal gəlirin
təyin edilməsi hesab olunur.
Üstəlik xərclər blokunun məmulatın sabit məsrəflərinə,
məmulatlar qrupuna, məsrəflərin istehsal yerlərinə, məsuliyyət
mərkəzlərinə, idarəetmə bölmələrinə müəssisənin sabit
xərclərinin ümumi sxemi və onların qarşılıqlı əlaqəsi və
istehsal – maliyyə fəaliyyətinin yekun nəticələrinə çıxışı
aşağıdakı şəkildə təqdim oluna bilər:
Marjinal gəlirin çoxpilləli uçotu
Bir məmulatın satışından (qiymət) gəlir
- bu məmulatın dəyişən maya dəyəri
- örtülmə məbləği məmulatın marjinal gəliri
170
- Məmulat qrupunun sabit xərcləri
- Örtülmə məbləği marjinal gəlir
Bir qrup məmulatın marjinal gəlir məbləği
- məmulat qrupunun sabit xərcləri
- örtülmə xərcləri 2 (marjinal gəlir 2)
Marjinal gəlir məbləği 2 məsrəflərin əmələgəlmə yerləri
- məsrəflərin əmələgəlmə yerlərinin sabit xərcləri
- örtülmə xərcləri 3 (marjinal gəlir 3).
Bir bölmənin marjinal gəlir məbləği 3
- Bölmənin sabit xərcləri
- örtülmə məbləği 4 (marjinal gəlir 4)
- Müəssisənin marjinal gəlir məbləği 4
- Müəssisənin sabit xərcləri
- Müəssisənin istehsal təsərrüfat fəaliyyətinin nəticəsi
(mənfəəti)
İnkişaf etmiş Direkt – Kosting sistemi sabit xərclərin ötü-
rülmə məbləğinin çoxpilləli uçotu hesabına alınan nəticənin
quruluşunun və onun kəmiyyətinə təsir edən əsas amillərin təh-
lili üçün daha təkmilləşmiş informasiya bazası yaradır.
Dostları ilə paylaş: |