Direktorun el kitabi A5 21 04 2021. indd

Açar sözlər: İqlim, mədəniyyət, məktəb

---

138
NÜMUNƏ HADİSƏ 
İki bacının hərəsinin bir oğlu var. Onlardan 
biri uşağını ərköyün böyüdür, nə istəsə, yerinə 
yetirir. Övladının hər şıltaqlığına əməl edən 
ana, onu özü də istəmədən düzgün tərbiyə edə 
bilmir. Digər bacı isə övladına sevgi və qayğı 
ilə yanaşmaqla bərabər, yeri gəldikcə onu tən-
beh edir, nəsihət və cəza verir. Bu halda uşaq 
hərtərəfli böyüyür, layiqli övlad olur. 
Hər bir uşağın düzgün tərbiyə alması validey-
nin üzərinə düşən əsas öhdəlikdir. Müxtəlif 
mətləblərə toxunan böyük maarifçi ədib mək-
təbə davamiyyətin də əhəmiyyətinə xüsusilə 
toxunub. Məktəbə davamlı gələn uşaqlarda 
bir nizam-intizam, məsuliyyət hissi olar, onlar 
daim vaxtında yuxudan oyanar, sağlam qida-
lanar, dərslərini vaxtında yerinə yetirər. Bu cür 
uşaqlar sağlam böyüyər və yararlı insan olarlar. 
Lakin məktəbə davamiyyəti pis olan uşaqlar 
vaxtın dəyərini bilməzlər, vaxtsız yatıb-oyanar-
lar, dərsləri hazır olmaz, düzgün qidalanmazlar. 
Bu uşaqlar sözsüz ki, düzgün böyüməz, sağlam 
olmazlar. Bu fikirlər günümüz üçün də olduq-
ca dəyərlidir. İnsanın əsas mənəvi keyfiyyətləri 
kimi cəsur, ürəkli, gözütox, hazırcavab, səxavət-
li olmaq yüksək dəyərləndirilir. Əksinə, dikbaş, 
itaətsiz, qorxaq, yalançı olmaq isə pis keyfiyyət-
lərdir. Özünü inkişaf etdirmək istəyən insanlar 

---

139
yaxşı xüsusiyyətləri özündə ehtiva etməli, pis 
əlamətləri uzaq tutmalıdırlar.
Məhəmməd Tağı Sidqi. Məktəb hekayələri.

---

140
GİRİŞ
Bu bölmədə ilk olaraq mədəniyyət anlayışı açıqlanmış-
dır. Daha sonra mədəniyyət anlayışı təşkilat çərçivəsində 
izah edilmişdir. Təşkilat mədəniyyəti anlayışı əsasında isə, 
bir təhsil təşkilatı olaraq məktəb mədəniyyəti məfhumu 
açıqlanmışdır. Daha sonra məktəb mədəniyyətinin forma-
laşmasında direktorun rolundan söz açılmış və son olaraq 
təşkilat iqlimi və bir təhsil müəssisəsi olaraq məktəb iqlimi 
anlayışları haqqında məlumat verilmişdir.