Амин Бабайев, Вцгар Бабайев

 
5.2.2. Torpağın becərilməsi 
 
«Torpağın becərilməsi zamanı istənilən gərəksiz işdən qaçınmaq 
 lazımdır. Torpaq becərməsi orada təbii əmələ gəlmiş qatları dağıtmamalıdır, 
yəni əkin qatını alt-üst edən texniki vasitələr istifadə edilməməlidir. 
D-r Hans-Peter Ruş «Torpağın münbitliyi - bioloji təfəkkürün tədqiqi» 
 
Torpaq münbitliyinin qorunması və yaxşılaşdırılması üçün ən mühüm tədbirlər 
aşağıdakılardan ibarətdir: 
1.
 
Torpağın ehtiyatla becərilməsi, 
2.
 
Müxtəlif növbəli əkin, 
3.
 
Üzvi gübrələrin müntəzəm verilməsi. 
Əvvəlcə torpağın becərilməsinə nəzər yetirək. Torpağın becərilməsi nəticəsində 
torpaq orqanizmlərinin fəallığı stimullaşdırılmalıdır.  
Ekoloji  əkinçilikdə müntəzəm yüksək məhsuldarlığa yalnız bitkilərin kök 
sistemi, torpaq orqanizmlərinin və torpağın digər tərkib hissələrinin harmonik 
qarşılıqlı təsiri hesabına nail olmaq mümkündür.  

---

 
139
Torpağın becərilməsi üzrə məqsədyönlü tədbirlər aşağıdakıları təmin etməlidir: 
•  Torpağın strukturunu yaxşılaşdırmaq, 
•  Kipləşməni ləğv etmək, 
•  Bitki qalıqlarının və üzvi gübrələrin torpaqda toplanmasına yardım etmək, 
•  Alaq otlarının inkişafını tənzimləmək, 
•  Torpağı səpinə hazırlamaq 
Torpağın müxtəlif qatında müxtəlif mikroorqanizmlər yaşayır. Onların həyat şəraiti 
dəyişdikdə, yəni torpağı çevirərək becərən zaman bir çox orqanizmlər məhv olur. 
Beləliklə, torpağın becərilməsi torpaq orqanizmlərinin həyat fəaliyyətinə  ağır 
itki vurmamalıdır. Digər tərəfdən əkin qatının səthi çevrilməsi və dərin yumşaldılma, 
praktikaya əsasən səpinə hazırlıq və alaq otları ilə mübarizə deməkdir.  
Torpağı daha yaxşı necə hazırlamaq olar? 
Bu günə qədər nəzəriyyəçi mütəxəssislər arasında bu sual ətrafında müzakirələr 
davam edir, lakin praktiklər üç cəbhəyə bölünüb: 
•  Şumdan tamamilə imtina edənlər; 
•  Torpağı üzdən və ya dərindən yumşaldanlar (torpağı çevirmədən); 
•  Torpağı adi üsulla becərənlər (yəni, şumlayanlar). 
Hər bir fermerə aydın olmalıdır ki, torpağın ümumi qəbul edilmiş becərmə 
qaydaları yoxdur. Ayrı-ayrı mütəxəssislərin təcrübəsinin ümumiləşdirilməsi bu işə 
əlavə qeyri-müəyyənlik gətirə bilər. Belə  vəziyyətdə daimi müşahidələr və  əldə 
etdiyiniz təcrübələrə əsasən öz üsullarınızı hazırlamaq əhəmiyyətlidir