XVII F Ə S İ L
ŞƏXSİ VƏ İCTİMAİ GİGİYENA
Sağlamlığı qorumaq, idman nailiyyətlərinin və məşq prosesinin effektliliyini artırmaq məqsədilə gigiyena qaydalarını bilmək və onlara ciddi əməl etmək bütün idmançıların, eləcə də, hər bir şəxsin borcudur. Buna şəxsi gigiyena deyilir. Ayrı-ayrı şəxslərin sağlamlığını qorumaqla biz eyni zamanda kollektivin də sağlamığını qorumuş oluruq, çünki şəxsi gigiyena qaydalarına əməl edilməməsi yoluxucu xəstəliklərin yayılmasına səbəb ola bilir. Bundan əlavə, ictimai yerlərdə təmizlik qaydalarına riayət etmək, kollektivdə siqaret çəkməmək və s. hamının borcudur ki, bu da ictimai gigiyenaya aiddir.
Şəxsi gigiyena çox məsələləri əhatə edir. Bunlardan aşağıdakıları göstərmək olar: səmərəli gündəlik rejim, bədənə qulluq(dəriyə, ağız boşluğuna, saçlara, əllərə, ayaqlara və s.), geyimin gigiyenası, zərərli adətlər və onlarla mübarizə tədbirləri, cinsi əlaqənin gigiyenası və s .
Dostları ilə paylaş: |
