83
H U M A N İ T A R, İ Q T İ S A D İ Y YA T
V Ə S O S İ A L E L M L Ə R İ
B Ö L M Ə S İ
S E С T I O N O F H U M A N I T I E S,
E C O N O M I C S
A N D S O C I A L S C I E N C E S
80
ODLAR YURDU UNİVERSİTETİNİN ELMİ VƏ PEDAQOJİ XƏBƏRLƏRİ
THE SCIENTIFIC AND PEDAGOGICAL NEWS OF ODLAR YURDU UNIVERSITY
2015 - № 41
ŞƏXSİYYƏT VƏ ONUN HAQQINDA KLASSİK NƏZƏRİYYƏLƏR
S.V.Vəliyeva
Odlar Yurdu Universiteti
samira.veliyeva@oyu.edu.az
Açar sözlər: bioloji, müstəqil, sosial, psixologiya
Ключевые слова: биологическое, независимое, социальное, психология
Key words: biological, independent, social, psychology
Insan hər seydən əvvəl bioloji varlıqdır və bioloji təsnifatına görə “Homo Sapens”
(ağıllı insan) növünə aiddir.İnsan gələcəkdə şəxsiyyətə çevrilə biləcək, anadan gəlmə irsi
imkanlara malik canlı varlıqdır,təbiət etibarı ilə bioloji, mahiyyət etibarı ilə sosialdır. O
özünün subyektiv aləmində gedən prosesləri dərk edir. İnsan orqanizm, fərd və şəxsiyyət
kontekstində xarakterizə edilə bilər. Orqanizm anlayışı bioloji elmlər,şəxsiyyət anlayışı isə
sosial elmlər kontekstində formalaşmışdır. Psixologiyada insanı bioloji varlıq kimi fərd
termini ilə, sosial varlıq kimi isə şəxsiyyət termini ilə ifadə edilir. İnsan həyata insan kimi
gəlir,onun bədəninin konfiqurasiyası düz yerimək imkanı yaradır,beynin strukturu
intellektin inkişaf imkanını təmin edir. Əlinin quruluşu gələcəkdə əmək alətlərindən
istifadənin perspektivlərini yaradır və fərd anlayışı meydana çıxır. Yeni doğulmuş uşaq
da, ağlını itirmiş orta yaşlı insan da, yaşlı insanda ,fərd hesab olunur. Fərd özünəməxsus
psixoloji xüsusiyyətləri olan,hec kəsə oxşamayan təbii varlıqdır.
Insan fərd kimi doğulur,cəmiyyətdə müəyyən sosial keyfiyyətlər kəsb edərək şəxsiyyətə
çevrilir, “şəxsiyyət” sözü ərəb sözü olan “şəxs” sözündən götürülərək hər hansı konkret
şəxsi simanı bildirir.
Insan şəxsiyyəti birbaşa və dolayı mənada onun, siması sifətidir.Şəxsiyyət keçmişin
şüursuz meyyləri və gələcəyə yönəlməsinin qarşılaşdırılmasının imkan və təzahür
vasitəsidir.
Şəxsiyyət müstəqil, sosial, yüksək düşüncəsi, öz hərəkət və davranışları üçün məsuliyyət
hissini, şəxsi ləyaqəti və yüksək mənəvi keyfiyyətləri özündə birləşdirən insandır.
Şəxsiyyət öz mənliyini dərk edib qiymətləndirə bilən, mühitə aydın dərk olunmuş
münasibəti olan,əməyə, cəmiyyətə münasibəti olan əşyalara, adət ənənəyə, öz məninə
münasibəti olan, özünün əqidəsi olan fəal insandır.
Şəxsiyyət təbii, bioloji və anadan gəlmə amillərlə xarici, yəni tərbiyənin, təlimin və sosial
mühitin qarşılıqlı təsiri nəticəsində inkişaf edir. Məlumdur ki, insan bioloji, təbii quruluşa
malik olsa da, o tarixi inkişafın məhsuludur. Yəni insanın bütün psixi prosesləri ictimai
amillərin təsiri ilə şərtlənir. Şəxsiyyətin mahiyyəti təbiət etibarı ilə ictimaidir, onun bütün
psixi xassə və keyfiyyətlərinin mənbəyi və yaradıcı fəallığı sosial mühitdə və
cəmiyyətdədir. Insanın psixi inkişafı üçün müvafiq təbii, biolji imkanın olması zəruridir.
Insanın təbii xassələri psixi inkişafın zəruri şərtini təşkil edir. Lakin təbii xassələr
81
S.V.Vəliyeva
özlüyündə insanın xarakterini, qabiliyyətini marağını, əqidəsini,idealını təyin etmir. Bütün
keyfiyyət və xassələr ictimai varlığın məhsuludur. Insan cəmiyyət xaricində böyüdülərsə
heç vaxt şəxsiyyətə çevrilə bilməz. Çünki insanın müvafiq qabiliyyəti məhz ictimai həyat
şəraitində,təlim tərbiyə nəticəsində, fəaliyyət prosesində formalaşır.
Şəxsiyyət haqqında bir sıra nəzəriyyələr vardır Z. Freydə görə şəxsiyyət bir sistem kimi
inkişafının konket hərəkətverici mexanizmlərinə malikdir. Z.Freydin psixo analitik
nəzəriyyəsinə görə şəxsiyyətin strukturunda 3 əsas instansiya -id(o),eqo(mən), super eqo
(super mən) əsas yer tutur. O hesab edir ki, şəxsiyyətin inkişafının hərəkətverici qüvvəsi
libido,cinsi enerjidir. Freydin fikirincə həyata keçirilməyən arzular nevrozluq
yaradır,insana heç vaxt bəla ağıldan gəlmir,arzudan gəlir və arzuların çoxluğu patologiya
yaradır. Arzular və onların ödənilməsi arasındakı uyğunsuzluqlar insanın xəstələnməsinə
gətirib cıxarır. Freydin fikrincə həmin tələbatların ödənilməsi şəxsiyyətin normal
inkişafını təmin edir.
Id – şüursuzluq – elə sahədir ki, oradan yalnız sıxışdırılmış şüursuz instiktlər hökmranlıq
edərək və həzz prinsipinə tabe olurlar və dərk edilə bilməzlər. Eqo ( mən) - həm şüursuz
instinklərin ardınca gedir, həm də gercəkliyin norma və tələblərinə tabe olur.
Super eqo (yüksək mən) - cəmiyyətin əxlaqi tələbatlarının məcmusu olub insanın hələ
uşaqlıq dövründən mənimsədiyi sosial norma, inam və qaydalardan ibarətdir. O nəzarətçi
rolunu oynayaraq həmişə münaqişədə olur.
Isveçrə psixoloqu Karl Yunqun analitik nəzəriyyəsinə görə şəxsiyyət şüur,şəxsi
şüursuzluq ,şüursuzluq və kollektiv şüursuzluq elementlərini özündə cəmləşdirir. Yunqa
görə insan təkcə özünün gizli tendensiyaları ilə deyil, istəkləri, məqsədləri arzuları ilə də
müəyyən edir.
Yunq şüursuzlugu kölgə adlandıraraq,onun öz başlanğıcını heyvan əcdadlarının amoral
həzzlərindən aldığım əsas gətirərək bunu cəmiyyətin normal həyat və fəaliyyəti üçün
qəbul edilməz sayır. O hesab edirki, şəxsi şüursuzluq öz başlanğıcını anadan olduğu
gündən əldə edir və bütün həyatı boyu formalaşır.
Yunqun fikirncə yeni doğulmuş uşaq heç də ağ lövhədir. Cünki yeni doğulmuş uşaqda
yaşlılıq dövründə onun davranışını şərtləndirən anadangəlmə tendensiya öz əksini tapır.
Bu tendensiyalar Yunq tərəfindən arxteplər adlandırılmışdır.
Alfred Adlerin fərdi psixologiya nəzəriyyəsinə ğörə insanda əsas onun təbii instinktləri
deyil anadangəlmə olan birlik hissidir və bu hiss sosial cəhətdən inkişaf etdirilməlidir.
Adler şəxsiyyətin formalaşmasına təsir edən başqa adamlara münasibət,əməyə münasibət
və başqa cinsi münasibəti xüsusi qeyd edir.
Adlerə görə şəxsiyyətin strukturunu özünün gücsüzlüyünü hiss etmək, təkmilləşməyə və
üstünlük əldə etməyə cəhd və birlik və ya sosial hiss müəyyən edir və bu tendensiyalar
anadangəlmə deyildir. Sadəcə olaraq uşaq doğularakən bu tendensiyalar üçün potensial
imkan olur
82
S.V.Vəliyeva
ЛИЧНОСТЬ И КЛАССИЧЕСКИЕ ТЕОРИИ О НЕМ
С.Валиева
РЕЗЮМЕ
Человек в первую очередь биологическое существо и в биологической
классификации относится к группе "Гомо Сапиенс". Хотя человек и имеет
биологическую, природную фигуру, он продукт исторического развития.
PERSONALITY AND HIS CLASSICAL THEORIES
S.Valiyeva
SUMMARY
Human is a biological being first of all and refers to a group of Homo Sapiens in
biological classification. Though human has a biological, natural figure he is a product of
historical development.
75
ODLAR YURDU UNİVERSİTETİNİN ELMİ VƏ PEDAQOJİ XƏBƏRLƏRİ
THE SCIENTIFIC AND PEDAGOGICAL NEWS OF ODLAR YURDU UNIVERSITY
2015 - № 41
BİOLOGİYA MÜƏLLİMLİYİ İXTİSASINDA TƏLƏBƏLƏRİN
PEDAQOJİ HAZIRLIĞI
R.R.Teymurova
Odlar Yurdu Universitetinin magistrantı
e-mail: ruhana.teymurova@mail.ru
Açar sözlər: müəllim, tələbə, pedaqoji hazırlıq, biologiya, pedaqoji təcrübə, ixtisas.
Ключевые слова: учитель, студент, педагогические способности, биология,
педагогическая работа, специальность
Key words: teacher, student, pedagogical skills, biology, pedagogical practice,
specialty.
Müstəqilliyimizin əldə edildiyi son illərdə respublikamızda təhsil sahəsində çox
mühüm işlər görülmüşdür. Təhsil qanunu qəbul edilmiş, təhsilin inkişafı üzrə Dövlət
strategiyası, təhsil proqramı (kurrikulumlar) və digər normativ sənədlər hazırlanmış, təhsil
sisteminin bütün pillələrində dünya standartlarına müvafiq yeniliklər aparılmış və
aparılmaqdadır. Bütün tədbirlər müstəqil respublikamızda yaşaya və yarada biləcək əsl
vətəndaşlar yetişdirməyə, tərbiyə edib formalaşdırmağa imkan yaratmışdır. Bu isə
məktəbin, müəllimin üzərinə düşən məsuliyyəti daha da artırmışdır.
Müəllim gələcək cəmiyyətin memarı və qurucusu olduğundan o, dərin və hərtərəfli
biliyə, bacarığa, vərdişlərə malik olmalıdır. Vətənimizin inkişafında yüksək amallarla
yaşayan əsl vətəndaşın tərbiyə edilməsi müəllimlərimizin metodik hazırlıq səviyyəsindən,
peşə ustalığından məsuliyyətli davranışından asılıdır.
Məhz müəllimlik, o cümlədən biologiya müəllimliyi ixtisasına yiyələnən tələbələrə
bütün bunlar öyrədilməlidir. Onlar əvvəlcə pedaqogikaya metodikaya dair nəzəri bilikləri
öyrənir, sonrakı mərhələdə pedaqoji təcrübədə praktik bilik və bacarıqlara yiyələnirlər.
Tələbələrin ixtisası üzrə metodik hazırlığında pedaqoji təcrübənin əhəmiyyəti böyükdür.
Biologiya müəllimliyi ixtisasına yiyələnən tələbələr əvvəlcə bioloji fənlərin
tədrisində nəzəri biliklər əldə edirlər. Biologiyanın tədrisi metodikası fənninin tədrisində
həmin biliklərin ümumtəhsil məktəb şagirdlərinə necə ötürəcəyinə dair bilik və bacarıqlara
yiyələnirlər. Əvvəlcə onların qarşısında yalnız öyrənmək, bilmək vəzifəsi durursa, indi
daha mürəkkəb və çoxşaxəli vəzifələr həm öyrənmək, həm də öyrətmək, öyrəndiyini
öyrətməyi bacarmaq durur.
Biologiyadan pedaqoji təcrübə keçən tələbələr məktəbin müxtəlif məzmunlu və
xarakterli sənədlərini, iş planlarını, dərs cədvəllərini öyrənməlidirlər, burada həyata
keçirilən tədbirlərlə tanış olmalıdırlar. Məktəbin biologiya müəllimlərinin dərslərində,
dərsdənkənar təlim işlərində, sinif rəhbərlərinin, şagird təşkilatlarının keçirdikləri
tədbirlərdə iştirak etməli, onların iş təcrübəsi ilə tanış olmalıdırlar.
Təcrübədə olduğu qısa bir müddət ərzində şagirdləri elmlərin əsasları ilə
silahlandırmağı bacarmalı, müəllim peşəsinə, öz ixtisasına maraq və məhəbbət
76
R.R.Teymurova
oyatmalıdırlar. O, apardığı təlim işləri ilə yanaşı təhkim olunduğu sinfin tərbiyəvi işlərində
də yaxından iştirak etməli, sinif rəhbəri kimi müxtəlif tərbiyəvi tədbirlərin təşkilatçısı və
aparıcısı olmalıdır.
Bunlarla yanaşı o, təcrübəçi yoldaşlarının biologiyadan sınaq dərslərində, apardıqları
sinifdənkənar təlim və tərbiyə işlərində yaxından iştirak etməli, onları təhlil etməyi
bacarmalıdır.
Deyilənlərin həyata keçirilməsi üçün məktəblərdə lazımı şərait yaradılır. Çalışmaq
lazımdır ki, dərslər biologiya kabinetində, laboratoriyasında, canlı guşədə təşkil edilsin.
Pedaqoji təcrübə, ali məktəblərdə tələbələrin nəzəri təlimi ilə gələcək müstəqil
fəaliyyəti arasında əlaqələndirici həlqə rolunu oynayır. Pedaqoji təcrübənin vəzifəsi
tələbəni gələcək müəllim, tərbiyəçi kimi yetişdirməyə, onu kompleks bacarıq və
vərdişlərlə silahlandırmağa, təlim-tərbiyəni və ictimai işləri yaradıcılıqla həyata
keçirməyə hazırlamaqdır.
Pedaqoji təcrübədə tələbənin müstəqil fəaliyyətə yalnız nəzəri və əməli hazırlığı
yoxlanılmır, həm də gələcək müəllimin şəxsi yaradıcılığına dair potensial imkanlarının
zənginləşdirilməsi üçün də geniş imkan yaranır.
Pedaqoji təcrübənin təşkili və keçirilməsi aşağıdakı vəzifələrin həllini irəli sürür.
Birincisi, pedaqoji təcrübə öyrədici xarakter daşımalıdır. Çünki pedaqoji təcrübə tələbə-
təcrübəçilərin ali məktəbdə yiyələndikləri nəzəri hazırlığı tamamlayır və zənginləşdirir.
Onların aldıqları bilikləri möhkəmləndirir və dərinləşdirir. Pedaqoji təcrübə zamanı
gələcək müəllimin əsas peşə bacarığı və müvafiq vərdişlərinin formalaşması onu metodik
hazırlığına müsbət təsir göstərir. O, təlim-tərbiyə prosesinin gedişini izləyir, müşahidələr
aparır və təhlillər edir. Tələbələrdə pedaqoji sənətə sahib olmaq və bu fəaliyyətə
yiyələnmək istəyini güclənir.
Pedaqoji təcrübə müəllim kadrları hazırlığında ən çox fayda verən, müntəzəm
xarakter daşıyan prosesdir. Bu işin düzgün təşkili müəllim hazırlığının müvəffəqiyyətli
həllinə zəmanət verir. Pedaqoji təcrübə ali məktəblərin təhsil və təlim-tərbiyə prosesinin
mühüm bir sahəsini təşkil edir. Müəllim hazırlığı və onun şəxsiyyətinin
formalaşdırılmasında mühüm yer tutur, ictimai-siyasi, pedaqoji-psixoloji və ixtisas
biliklərinin möhkəmlənməsinə, dərinləşməsinə, peşə qazanılmasına xidmət edir.
Tələbələrin elmi-nəzəri və metodik biliklərinin təcrübədə həyata keçirilməsi dövlət,
ümumxalq əhəmiyyətli işdir. Respublikamızda yüksək elmi dünya görüşə, hərtərəfli
hazırlığa, vətənimizə, xalqımıza, öz soy-kökünə, millətinə, dilinə, dininə bağlı əsl
vətənd aşların hazırlanmasına böyük ehtiyac vardır. Vətənimizin gələcəyi məhz onların
hazırlıq səviyyəsinin necəliyindən asılı olduğu üçün vətəndaş tərbiyəsi günümüzün birinci
dərəcəli vəzifəsi kimi bu gün dövlətimizin və xalqımızın qarşısında durur. Tələbələr
pedaqoji təcrübə müddətində müəllim və tərbiyəçiyə xas olan keyfiyyətlərə yiyələnir,
şagirdlərlə davranış qaydalarını öyrənirlər.
Biologiya müəllimliyi ixtisasında təhsil alan tələbələrlə aparılan pedaqoji təcrübənin
qarşısında aşağıdakı bir sıra mühüm vəzifələr durur:
•
Tələbələrin ali məktəbdə aldıqları biologiya üzrə bilikləri möhkəmləndirmək,
dərinləşdirmək, həmçinin, təcrübə zamanı aparılan təlim-tərbiyə işlərində onlardan
yaradıcılıqla istifadə etmək;
•
Tələbələrə biologiya fənni üzrə uşaq və yeniyetmələrlə aparılan təlim-tərbiyə
işlərini müşahidə və təhlil etmək bacarığı aşılamaq;
77
R.R.Teymurova
•
Psixologiya, pedaqogika, biologiyanın tədrisi metodikası, uşaq və yeniyetmələrin
fiziologiyasına aid biliklərə istinad etməklə, şagirdlərin yaş və fərdi
xüsusiyyətlərini nəzərə almaqla tələbələrə biologiya dərslərində təlim-tərbiyə işi
aparmağı öyrətmək;
•
Pedaqoji üsulları yaradıcılıqla tətbiq etmək və tələbələri biologiyadan dərs
aparmağa hazırlamaq;
•
Tələbələrə sinif rəhbərlərinin vəzifələrini yerinə yetirmək, şagirdlərlə tərbiyə
işlərini təşkil etmək bacarıqlarını aşılamaq;
•
Tələbələri fəal təlim metodlarını tədrisdə tətbiq etmək bacarığına yiyələndirmək;
•
Tələbələrdə şagirdlərin fiziki və mənəvi sağlamlığına qayğıkeş münasibət
yaratmaq, bacarıqlarını inkişaf etdirmək;
•
Biologiya fənn kurrikulumunun standartları əsasında dərsləri təşkil etmək kimi
pedaqoji hazırlığına yiyələndirmək.
Pedaqoji təcrübə müddətində tələbələr gündəlik, icmal, plan, fərdi iş planı tutmalı,
gördüyü işlərin hesabatını yazmalı, təcrübədə nəzərdə tutulan sənədləri qaydaya
salmalıdır. Görülən işlərin qiymətləndirilməsi də böyük əhəmiyyətə malikdir. Bu
tələbələrin məsuliyyətini artırır, bu zaman onlar sənədləşmənin aparılması və hesabatın
yazılması metodlarını öyrənirlər.
Təcrübəçi tələbənin gördüyü maraqlı və məsuliyyətli işlərindən biri də biologiya
dərsi üçün icmalların və ya planların tərtibi metodikasıdır. Sınaq dərslərinin icmalı bir növ
dərsin ssenarisidir və bunun üçün tələbə 3-4 gün sınaq dərsindən əvvəl icmalın yazılması
hazırlığına başlamalı, orta məktəb dərsliyində olan mövzu ilə kifayətlənməyərək ali
məktəbdə aldığı biliklərdən, əlavə ədəbiyyatdan istifadə etməlidir. Ən əsası isə yeni təlim
metodlarının tələblərinə cavab verən suallar qoymalı, dərsin məqsədini, müvafiq
standartını motivasiya və tədqiqat sualını dərsin mərhələlərini, qiymətləndirmə
meyarlarını müəyyən etməlidir.
Pedaqoji təcrübədə əsas məsələlərdən biri sınaq dərs üçün icmalın yazılmasıdır.
Biologiya dərsləri üçün müasir dərsin icmalı aşağıdakı mərhələlər üzrə yazılmalıdır:
1.Motivasiya (problemin qoyuluşu, fərziyyələrin irəli sürülməsi, tədqiqat sualı).
2.Tətqiqatın aparılması (fərziyyələri və tədqiqat sualına cavabı yoxlamaq üçün
faktorların axtarılması)
4.İnformasiyanın müzakirəsi və təşkili (informasiyanın müzakirəsi, müxtəlif faktlar
arasında əlaqənin tapılması, onların təsnifatı)
5.Ümumiləşdirmə və nəticə (ümumiləşdirmənin tərifi və onun fərziyyələrlə
müqayisəsi, onların təsdiq və ya təkzib edilməsi haqqında nəticələri)
6.Yaradıcı tətbiqetmə (praktik vəzifələrin həlli üçün yeni şəraitdə biliklərin tətbiqi)
7.Ozünüqiymətləndirmə
və refleksiya (fərdi fəaliyyətin inikası
və
qiymətləndirilməsi istənilən mərhələdə keçirilə bilər)
Tələbə keçəcəyi dərsi özü yaxşı mənimsədikdən sonra icmalın yazılmasına
başlamalıdır. Burada müəllimin şərhi, şagirdlərə verilən suallar və cavablar qeyd edilməli,
digər mühüm məsələlər, o cümlədən dərsdə istifadə edilən əyani avadanlıqlar laboratoriya
və təcrübə işləri üçün lazım olan vəsaitlər müəyyənləşdirilməlidir.
İcmal 12 vərəqli şagird dəftərində yazıla bilər, fənn müəllimi ilə razılaşdırıldıqdan
sonra dərsin keçirilməsinə azı bir gün qalmış metodist tərəfindən yoxlanmalı və təsdiq
olunmalıdır. Sınaq dərslərinin keçirilməsində icmalla yanaşı geniş plandan da istifadə
olunur. Təcrübəçi tələbənin dərs zamanı danışacağı material, müəllim və şagirdlərin
78
R.R.Teymurova
suallara verəcəyi cavablar geniş planda yazılır. Geniş planda dərsin məqsədi, təchizi, tipi,
quruluşu nisbətən ətraflı göstərilir. Təcrübəçi tələbə sərbəst dərs demək məqsədi ilə planı
dərsə aparır. Bu, onların bir neçə aydan sonra sərbəst müəllimlik fəaliyyətinə tam hazırlıq
mərhələsi deməkdir. Təcrübə müddətində yüksək səviyyədə dərs demiş tələbələrin
sonuncu kursun son sınaq dərslərini planla deməsi məqsədəuyğundur. Dərsin geniş
planından fərqli olaraq adi plan daha qısa və sadə tərtib edilir və burada yalnız mövzu,
məqsəd, təchizat, istifadə ediləcək üsullar, ev tapşırıqlarının yoxlanılması, keçmiş
mövzunun soruşulması, yeni materialların şərhi, yeni mövzunun möhkəmləndirilməsi,
şagirdlərin biliyinin qiymətləndirilməsi və ev tapşırıqlarının verilməsi qısaca qeyd edilir
və yeni təlim metodları nəzərə alınmaqla dərs aparılır.
Hər şeydən əvvəl, tələbə varislik prinsipinə əməl etməklə dərs modelini
mənimsəməli, gələcək fəaliyyəti üçün əsas baza yaratmalıdır. Bu müddətdə tələbə
dərslərin deyilməsinə, dərslərin dinlənilməsinə, müşahidəsinə və təhlilinə yer verməli,
dərsə hazırlaşmağın yollarını bilməli, pedaqoji-psixoloji cəhətləri nəzərə almalı,
şagirdlərlə tərbiyəvi söhbətlər aparmalı, tədbirlər keçirməlidir. Bu sahənin müasirlik
baxımından metodikasına yiyələnməlidir. Tələbə həmçinin məruzə və mühazirələrin
işlənməsi, disput və müzakirələrin keçirilməsi metodlarını, uşaqların ekskursiya işinin
təşkili, tərbiyəvi tədbirlərin təhlili, şagird şəxsiyyətinin psixoloji xarakteristikasını, məktəb
gigiyenası üzrə tapşırıqların yerinə yetirilməsi, məktəbin gün rejimi və bütövlükdə
görüləcək işlərin metodikasını öyrənməlidir. Bütün bunlar nəzəriyyənin təcrübə ilə
vəhdətinin nəticəsində meydana çıxır. Bu işlər təcrübəçi tələbə üçün öyrədici əhəmiyyət
kəsb edir. Təcrübəçi tələbənin gələcək müəllimlərin dərslərinin dinlənilməsində və onun
təhlilində iştirak etməsi onun əsas vəzifələrindən biridir. Bu sahənin də böyük əhəmiyyəti
vardır. Burada təcrübəçi tələbə digər təcrübəçi tələbənin dərsini dinləməklə, onun
dərslərinə hazır olmalı, dərsin gedişinə fikir verməli və təhlilində öz dəyərli fikirlərini
söyləməlidir.
Bununla tələbələr müəllimlik, o cümlədən biologiya müəllimliyi ixtisasında
pedaqoji hazırlığa nail olurlar.
Məqalənin aktuallığı: Müstəqilliyimizin əldə edildiyi son illərdə respublikamızda
təhsil sahəsində çox mühüm işlər görülmüşdür. Təhsil qanunu qəbul edilmiş, təhsilin
inkişafı üzrə Dövlət strategiyası, təhsil proqramı (kurrikulumlar) və digər normativ
sənədlər hazırlanmış, təhsil sisteminin bütün pillələrində dünya standartlarına müvafiq
yeniliklər aparılmış və aparılmaqdadır. Bütün tədbirlər müstəqil respublikamızda yaşaya
və yarada biləcək əsl vətəndaşlar yetişdirməyə, tərbiyə edib formalaşdırmağa imkan
yaratmışdır. Bu isə məktəbin, müəllimin üzərinə düşən məsuliyyəti daha da artırmışdır.
Məqalənin elmi yeniliyi: Biologiya müəllimliyi ixtisasına yiyələnən tələbələrin
pedaqoji hazırlığının səmərəli forma, metod və yolları aydınlaşdırılmışdır.
Məqalənin praktik əhəmiyyəti və tətbiqi: Biologiya fakültəsində müəllimlik
peşəsinə yiyələnən tələbələrin pedaqoji hazırlığının müəyyən edilmiş forma, metod və
yolları ali məktəbdə kadr hazırlığının keyfiyyətini yüksəldir, peşəkar müəllimlərin
yetişdirilməsini reallaşdırır.
79
R.R.Teymurova
ƏDƏBİYYAT
1.
İlyasov M.M. və b. Təcrübəçi tələbələr üçün yaddaş kitabçası. (metodik
göstəriş), Bakı, APİ 1998
2.
Paşayev T. Ali təhsilin bakalavr pilləsində pedaqoji təcrübənin təşkilinin
səmərəli yolları. Bakı, 2004.
3.
Bəşirov B. Ali məktəb didaktikası. Bakı, 1992.
4.
Z.Veysova. Fəal/interaktiv təlim. Bakı, 2007
ПЕДАГОГИЧЕСКАЯ ПОДГОТОВКА СТУДЕНТОВ ПО
СПЕЦИАЛЬНОСТИ УЧИТЕЛЯ БИОЛОГИИ
Р.P.Теймурова
РЕЗЮМЕ
Статья посвящена педагогической подготовке студентов, обучающихся в
высших школах по специальности учителя биологии. Излагаются особенности
организации педагогической практики и ее значение в педагогической
подготовке студентов. Указываются эффективная организация, возможности и пути
педагогической подготовки студентов в университетах. Выдаются методические
рекомендации по решению проблемы.
Dostları ilə paylaş: |