Kbt я25 uot (059) Baş redaktor
Yüklə 6,03 Mb. Pdf görüntüsü
|
- Bu səhifədəki naviqasiya:
- İ n t e r n e t d ə www.anl.az Oqtay Şıxəliyev 1931-2012 SENTY ABR
- İ n t e r n e t d ə www.adam.az www.anl.az www.az.wikipedia.org 3 100 illiyi
- İ n t e r n e t d ə www.anl.az Gülnaz Abdullazadə 1946 SENTY ABR
- İ n t e r n e t d ə www.anl.az www.az.wikipedia.org www.medeniyyet.az www. genceinformsiya.com 10
- İ n t e r n e t d ə www.anl.az www.uzeyirbook.musigi- dunya.az 25
|
Ə d ə b i y y a t Oqtay Şıxəliyev: monoqra- fiya /mətnin müəl. və tərt. M.Tərlanov.- Bakı: İşıq, 1988.- 68 s. Abbasov, T. Oqtay Şıxəliyevin yaradıcılığı /T.Abbasov //Qobustan.- 2011.- №2.- S.45-47. Araplı, Y. Gözəl bir insan kimi... /Y.Araplı //Mədəni həyat.-2014.- №9.- S.22-26. Azəri, L. Paytaxtda iz qoyan rəssam /L.Azəri //Mədəniyyət.- 2013.- 6 noyabr.- S.12 Quliyev, Ə. Ustad rəssam: Oqtay Şıxaliyev /Ə.Quliyev //Azərbaycan.-2011.-4 sent.- S.5. Oqtay Yusif oğlu Şıxəliyev //Mədəniyyət.-2012.- 1 fevral.- S.4; Xalq qəzeti.- 2012.-1 fevral.-S. 6 Sadıqov, S. Monumentalist rəssamın dəzgah rəngarlığı əsərləri /S.Sadıqov // Palitra.-2015.- 8 may.- S.15. İ n t e r n e t d ə www.anl.az Oqtay Şıxəliyev 1931-2012 SENTY ABR Oqtay Yusif oğlu Şıxəliyev 1931-ci il sentyabr ayının 3-də Bakı şəhərində anadan olmuşdur. 1939-cu ildə Bakı şəhər 1 saylı orta məktəbdə təhsil al- mışdır.
1947-ci ildə Ə.Əzimzadə adı- na Rəssamlıq məktəbinə (indiki Azərbaycan Dövlət Rəssamlıq Aka- demiyası) daxil olmuşdur. 1952-ci ildə rəssamlıq məktəbini fərqlənmə diplomu ilə bitirmişdir. 1952-1958-ci illərdə V.İ.Muxina adına Leninqrad Ali Bədii Sənaye Məktəbinin bədii keramika şöbəsində dekorativ-tətbiqi sənət ixti-sası üzrə təhsil almışdır. 1957-ci ildə Gənclərin Ümumitti- faq Sərgi Festivalında dekorativ sənət üzrə birinci mükafata layiq görülmüş- dür.
1960-cı ildə Azərbaycan Rəssamlar İttifaqına üzv qəbul olunmuşdur. 1963- 1967-ci illərdə Ə.Əzimzadə adına Bakı Rəssamlıq Məktəbində müəllim, 1967-ci ildə Azərbaycan Teatr İnstitu- tunda (indiki ADMİU) müəllim, 1969- cu ildən baş müəllim vəzifələrində işləmişdir. 1983-cü ildə Azərbaycan İncəsənət Universitetinin Rəsm ka- fedrasının dosenti, 1993-cü ildə həmin kafedranın professoru elmi rütbəsini almışdır. 2001-ci ildən Azərbaycan Dövlət Rəssamlıq Akademiyasının Rəsm kafedrasının, 2005-ci ildən Akademik rəsm kafedrasının, 2011-ci ildən ömrünün sonunadək isə Rəsm kafedrasının professoru vəzifələrində çalışmışdır. XX əsrin 60-cı illərindən etibarən bir çox ictimai binaların-idman sarayı, məktəb, zavod, metro stansiyası, park və s. bədii tərtibatını vermiş və binala- rın interyerində müxtəlif formalı kom- pozisiyalar yaratmışdır. Rəssamın monumental yaradıcı- lıq nümunələrinə misal olaraq Ba- kıdakı 18 saylı məktəb, Bakı məişət kondisionerləri zavodu, “Azərbaycan” nəşriyyatının binası, Bakıda “Uşaq dünyası” universal mağazası və digərlərini göstərmək olar. Rəngkarlıq sahəsində çalışmış, çoxlu portret və mənzərə təsvirləri, plakatlar işləmiş, dekorativ vazalara və boşqablara tərtibat vermişdir. Daha çox lokal rənglərə üstünlük verən rəssam bu rənglərin ahəngini onların təzadı ilə birgə yaratmışdır. “Mənim qaracam”, “Nigar”, “Qız”, “Kimyaçı” kimi portretlərdə, həmçinin, “Qobustan”, “Müharibənin nəticələri” adlı mənzərələrində buna rast gəlmək mümkündür. Rəssam dəzgah rəngkarlığının müxtəlif janrlarında bir-birindən ma- raqlı əsərlər yaratmışdır. “Çənlər” (1969), “Kürün ram edilməsi” (1970), “Ancaq sülh” (1970), “Sallaqxana” (1970), “Mənim buketim” (1971), “Kapella” (1980), “Muğam” (1982) və s. əsərləri onun tematik tablolarının əsas bədii xüsusiyyətlərini əks etdirir. Portret və mənzərə janrında ya- ratdığı “Qobustan daşları” (1966), “Sumqayıt boruları” (1970), “Tarzən Bəhram Mansurov” (1972), “SSRİ Xalq artisti Mirzağa Əliyev” (1974), “Aydın səma” (1974), “Rəssam Ra- sim Babayev” (1975), “Nigar” (1975), “Rəssamın ailəsi” (1976), “Meksika həyəti” (1982) və s. rəssamın yadda- qalan uğurlu əsərlərindəndir. Bir çox xarici ölkələrdə - Meksika, Almaniya, Kanada və s. yaradıcılıq səfərlərində olmuşdur. Əsərləri dünya- nın müxtəlif ölkələrində nüfuzlu mu- zey, qalereya və şəxsi kolleksiyalarda saxlanılır. 1982-ci ildə Azərbaycan Respub- likasının “Əməkdar rəssamı”, 1992- ci ildə isə “Xalq rəssamı” fəxri ad- larına layiq görülmüşdür. Prezident təqaüdçüsü idi. Oqtay Şıxəliyev 2012-ci il yanvar ayının 30-da Bakı şəhərində vəfat et-
280 7 Rəssamlıq.Heykəltəraşlıq.Memarlıq Əyyub Hüseynov 1916-1998 SENTY ABR Əyyub Müseyib oğlu Hüseynov 1916-cı il sentyabr ayının 3-də Naxçı- van vilayətinin (Naxçıvan MR) Noraşen rayonunun (indiki Şərur) Xok kəndində anadan olmuşdur. Əyyub Hüseynovun yaradıcılığının erkən dövrü onun Bakı Rəssamlıq Tex- nikumunda təhsil aldığı illərdən başlanır. O, 1931-ci ildə texnikuma daxil olmuş, buranı bitirdikdən sonra təhsilini Tbilisi Rəssamlıq Akademiyasında davam etdir- mişdir. Təhsilini başa vurduqdan sonra bir müddət Naxçıvan Dövlət Dram Te- atrında quruluşçu rəssam işləyən Əyyub Hüseynov müxtəlif tamaşalar üçün de- korasiya və eskizlər hazırlayırdı. Lakin rəssam kimi dəzgah rəngkarlığına daha çox meyl etmişdir. Əyyub Hüseynov zəhmət və kənd mövzularında rəngarəng tablolar yarat- mış, yaradıcılığının bütün dövrlərində mənzərə, portret, məişət janrlarına müraciət etmiş, özünəməxsus bədii xüsusiyyətləri, geniş rəng yaxmaları ilə seçilən üslub nümayiş etdirmişdir. Zaman etibarilə Əyyub Hüseynovun yaradıcılığını üç dövrə bölmək olar: sənət fəaliyyətinə başladığı erkən (30- 50-ci illər), yaradıcılığının məhsuldar mərhələsi olan inkişaf (60-80-ci illər) və bədii sənətkarlıq baxımından cila- lanmış yetkin dövrü (80-90-cı illər). Bu dövrlərin hər birinin özünəməxsus cəhətləri, sənət dünyagörüşü, bədii üs- lub xüsusiyyətləri olmuşdur. Yağlı boya ilə çoxlu sayda mənzərə, məişət-tematik və digər mövzularda əsərlər yaradan rəssamın yaradıcılığında milli-tarixi tematika mühüm yer tutur. Daha çox mənzərəçi, portretçi rəssam kimi tanınsa da, tablolarında bu tematika olduqca ifadəli, təsirli məzmuna, dərin məna yükünə, ciddi ideya-bədii tutuma malikdir. 1948-1998-ci ildə pedaqoji fəaliyyətə başlamış, 1956-1965-ci illərdə Əzim Əzimzadə adına Azərbaycan Dövlət Rəssamlıq məktəbinin (indiki ADRA) direktoru işləmişdir. Ömrünün 50 ilini bu gün adları, yaradıcılıqları ilə şöhrət qa- zanan neçə-neçə fırça ustalarının əhatəli bilgi qazanmalarına sərf etmişdi. Əyyub Hüseynovun əsərlərində tor- paq, səma, təbiət təsvirləri üstünlük təşkil edir. “Araz vadisində” mənzərə tablosunun yaranmasından 70 ildən ar- tıq vaxt keçməsinə baxmayaraq, bu gün də məşhurdur. Əyyub Hüseynov so- vet dövründə əsərləri ilə Azərbaycanı dünyada tanıtdıranlardan biri olmuşdu. Müxtəlif janrlarda çəkdiyi rəsmlərində milli dəyərlərimizi təsvir etmişdi. Yarat- dığı tablolar bu gün də dünya muzeylərini bəzəyən eksponatlardandır. Əmək mövzusunda çəkdiyi “Kömək gəlib”, “Yaylaqda”, “Çobanlar”, mənzərə janrında “Şahbuz”, “Yağış- dan sonra”, “Aşıq Ələsgər”, “Əmək qəhrəmanı” portretləri məşhurdur. 1980-ci ildə o, Əməkdar incəsənət xadimi adına layiq görülmüşdür. Görkəmli fırça ustası Əyyub Hüsey- nov 1998-ci il aprel ayının 17-də vəfat etmişdir.
281 Musiqi.Opera.Balet Ə d ə b i y y a t Qədim və orta əsrlərin musiqi mədəniyyəti: tarixi-fəlsəfi təhlil /G.Abdullazadə; elmi red. A.Şükürov.- Bakı: Qartal, 1996.- 292 s. Simfoniya [Notlar]: fortepiano üçün 4 əlli köçürmə /G.Abdullazadə.- Bakı: Adiloğlu, 2004.- 80 s. Azərbaycan milli musiqisinin tədqiqi problemləri: məqalələr toplusu /red.: G.Abdullazadə, E.Abasova; məsul red. A.Abduləliyev; Ü.Hacıbəyov adına BMA.- II buraxılış.- Bakı: Elm və həyat, 1996.- 78 s. Abdullazadə Gülnaz Abutalıb qızı //Muğam ensiklopediyası /Heydər Əliyev Fondu.- Bakı, 2008.- S.11-12. İ n t e r n e t d ə www.anl.az Gülnaz Abdullazadə 1946 SENTY ABR Gülnaz Abutalıb qızı Abdullazadə 1946-cı il sentyabr ayının 7-də Bakı şəhərində anadan olmuşdur. 1971-ci ildə Azərbaycan Dövlət Konservatoriyasının (indiki AMK) bəstəkarlıq sinfini bitirmişdir. Görkəmli bəstəkar Cövdət Hacıyevin tələbəsi ol- muşdur. 1976-1979-cu illərdə M.Lomonosov adına Moskva Dövlət Universitetinin aspiranturasında (fəlsəfə fakültəsinin Estetika kafedrası) təhsil almışdır. As- piranturanı bitirdikdən sonra “Hege- lin estetikasında musiqi incəsənətinin problemləri” mövzusunda namizədlik, 1990-cı ildə doktorluq dissertasiya- sını uğurla müdafiə etmişdir. “Qədim və orta əsrlər musiqi mədəniyyətinin tarixi-fəlsəfi təhlili” (Şərq-Qərb kontekstində) mövzusunda elmi işi yüksək qiymətləndirilmiş və 1992-ci ildə professor elmi rütbəsini almışdır. Gülnaz xanım 1 saylı musiqi məktəbində, A.Zeynallı adına Musiqi Texnikumunda,
Azərbaycan Pedaqoji Xarici Dillər İnstitunda (indiki ADX- DU) kafedra müdiri vəzifəsində çalış- mışdır. 1991-ci ildən Bakı Musiqi Akade- miyasının elmi-tədqiqat və yaradıcılıq işləri üzrə prorektorudur. Gülnaz Abdullazadə Azərbaycan musiqişünaslığında ilk dəfə olaraq mu- ğamların fəlsəfi mahiyyətini araşdır- mışdır.
Azərbaycan və dünya musiqisinin fəlsəfi problemlərinə və Azərbaycan bəstəkarlarının yaradıcılığına dair bir sıra əsərlərin müəllifidir. “Azərbaycan muğamlarının fəlsəfi mahiyyəti” (1983), “Musiqi sənətinin fəlsəfi mahiyyəti” (1985), “Musiqi, in- san, cəmiyyət” (1991), “Azərbaycan fəlsəfəsi” (həmmüəllif, 1993), “Qədim və orta əsrlərin musiqi mədəniyyəti” (1996) “Hegelin musiqi estetika- sı” (1999) və s. monoqrafiyalarını yazarkən bütövlükdə muğamların və folklor musiqisinin fəlsəfi mahiyyətinə əsaslanmışdır. IV Uluslararası Türk Kültürü Konqresində (Ankara, Atatürk Kültür Mərkəzi. 1997, 4-7 noyabr), Uluslararası Avropada və Türk Cümhuriyyətlərində musiqi mədəniyyəti və tədrisi konqresində (Ankara, Qazi Universite- ti. 2002,13-16 noyabr), bir sıra konf- rans və seminarlarda məruzələrlə çıxış etmişdir. Gülnaz Abdullazadə 1999-cu ildə akademik Yusif Məmmədəliyev adına mükafatın laureatı olmuşdur.
282 Musiqi.Opera.Balet 85 illiyi Mobil Əhmədov 1931-2006 SENTY ABR Mobil Salman oğlu Əhmədov 1931- ci il sentyabr ayının 10-da Gəncə şəhərində anadan olmuşdur. 1955-ci ildə Ə.Əzimzadə adına Bakı Rəssamlıq Məktəbinə (indiki ADRA) daxil olmuş- dur. Bir il sonra isə Azərbaycan Dövlət Konservatoriyasına (indiki AMK) qəbul olmuş və Bülbülün sinfində oxumuşdur. 1961-ci ildə təhsilini başa vuraraq Dövlət Radiosunun xorunda işləməyə başlamış, həmin ilin sentyabr ayında Musiqili Komediya Teatrına so- list kimi dəvət olunmuşdur. Mobil Əhmədov teatrın səhnəsində bir-birindən maraqlı, təkrarolunmaz obrazlar yaratmış, xalqın yaddaşına həkk olunmuşdur. Şıxəli Qurbanovun əsəri əsasında Süleyman Ələsgərovun “Milyonçunun dilənçi oğlu” operetta- sında Yetim obrazı ilə çox böyük uğur qazanmışdır. O, klassik operettalarda və klassik milli dramaturgiya əsasında yazılmış musiqili komediyalarda bir-birindən maraqlı rollar ifa etmişdir: Sərvər və Rüstəm bəy, Əsgər (“Məşədi İbad” və “Arşın mal alan”, Ü. Hacıbəyli), Heydər bəy (“Hacı Qara”, M.F.Axundzadənin eyniadlı əsəri əsasında libretto müəllifi Ş.Bədəlbəyli. R.Mustafayev və V.Adıgözəlov), Məhəmmədhəsən əmi (“Danabaş kəndinin əhvalatları”, C.Məmmədquluzadənin eyniadlı əsəri əsasında libretto müəllifi C.Səlimova, bəstəkar O.Kazımov) və s. Mobil Əhmədov həmçinin Tu- ğay (“Bir dəqiqə”, M.Əlizadə və H.Xanməmmədov), Nadir (“Qızılax- taranlar”, H.Seyidbəyli və T.Quliyev), Ayaz (“Qaynana”, M.Şamxalov və Z.Bağırov), Alay (“Gözün aydın”, M.Əlizadə və F.Əmirov), Bəxtiyar (“Ulduz” S.Rəhman və S.Ələsgərov), Arzu, Zəfər, Yetim, Toğrul (“Olmadı elə, oldu belə”, “Özümüz bilərik”, “Mil- yonçunun dilənçi oğlu”,“Sevindik qız axtarır”, Ş.Qurbanov və S.Ələsgərov), Cəsarət, Çingiz (“Nənəmin şah- lıq quşu”, “Boşanaq, evlənərik”, Ə.Kürçaylı və V.Adıgözəlov), Sahib (“Ləpələr”, Ə.Kürçaylı və A.Məlikov), Etibar (“Qızılgül”, M.Əlizadə və S.Hacıbəyov) və s. obrazlarını yarat- mışdır.
və zəngin çalarlı aktyorluq ifadə vasitələrinə, eləcə də həssas obraz du- yumuna malik olan Mobil Əhmədovun bu gün Azərbaycan Teleradiosunun qızıl fondunda 600-ə yaxın lent yazısı saxlanmaqdadır. 1978-ci ildə Azərbaycan SSR-in “Əməkdar artist”, 2000-ci ildə isə “Xalq artisti” fəxri adlarına layiq gö- rülmüşdür. Mobil Əhmədov 2006-cı il iyun ayının 3-də Bakı şəhərində vəfat etmiş, Gəncədə dəfn olunmuşdur.
283 Musiqi.Opera.Balet 110 illiyi Xanlar Haqverdiyev 1906-1980 SENTY ABR Xanlar Məmməd oğlu Haqverdiyev 1906-cı il sentyabr ayının 25-da Ağ- dam rayonunun Seyidli kəndində, bəy ailəsində anadan olmuşdur. 1928-ci ildə Azərbaycan Dövlət Konservatoriyasının (indiki AMK) Vokal şöbəsinə daxil olmuş, professor H.Speranskidən rus və Avropa mu- siqisini, Seyid Şuşinskidən isə klas- sik mu-ğamlarımızın incəliklərini öyrənmişdir. 1929-cu ildə Azərbaycan Dövlət Opera və Balet Teatrına xorda oxumaq üçün qəbul edilmişdir. Ona “Əsli və Kərəm” operasında Sofi rolu, Hüseyn- qulu Sarabski (Kərəm) kimi sənətkarın tərəf müqabili olmaq tapşırılmışdır. 1932-1933-cü illərdə
Türkmənistanda Azərbaycan Dövlət Opera və Dram Teatrı yaradılmışdır. Aşqabad Azərbaycan Teatrının inki- şafında bir çox sənətkarlarla yana- şı görkəmli aktyor Rza Əfqanlının, opera müğənnisi Xanlar Haqverdiye- vin də rolu olduqca böyük olmuşdur. O, türkmən xalqının böyük rəğbətini qazanmışdır. Məhz bunun nəticəsi olaraq müğənninin əməyi yüksək qiymətləndirilmiş, 1939-cu ildə ona “Türkmənistan SSR-in Əməkdar artis- ti” fəxri adı verilmişdir. Xanlar Haqverdiyev 1959-cu ildə Moskvada Azərbaycan incəsənəti və ədəbiyyatı ongünlüyündə iştirak etmiş, “Sevil”, “Koroğlu” operalarında çıxış etmişdir. Teatr incəsənəti sahəsində fəaliyyətinə və zəhmətkeşlər qarşısın- da mədəni xidmətlərinə görə 1956-cı ildə ona “Azərbaycan SSR Əməkdar artisti” fəxri adı verilmişdir. Xanlar Haqverdiyev Azərbaycan Teatr Cəmiyyətinin üzvü idi. Lirik-dramatik tenor səs tembrinə malik olan Xanlar Haqverdiyev Məcnun, İbn Salam (“Leyli və Məcnun - Ü.Hacıbəyli), Kərəm (“Əsli və Kərəm” - Ü.Hacıbəyli), Şah İsma- yıl, Əlyar (“Şah İsmayıl”, “Nərgiz”- M.Maqomayev), Qərib (“Aşıq Qərib” - Z.Hacıbəyli), aşıq (“Şahsənəm” - R.Qlier) və s. partiyalar ifa etmişdir. Musiqili səhnə sənətini inki- şaf etdirmək sahəsində göstərdiyi xidmətlərinə görə o, dəfələrlə Azərbaycan SSR Ali Soveti Rəyasət heyətinin, keçmiş Sovet İttifaqı res- publikalarının fəxri fərmanları ilə təltif edilmiş, “Əməkdə fərqlənməyə görə” medalına layiq görülmüşdür. 1962-ci ilin dekabr ayında Xan- lar Haqverdiyev təqaüdə çıxsa da, bir neçə il yenidən opera teatrında fəaliyyət göstərmiş, gənc müğənnilərin yetişməsində yaxından kömək etmiş- dir.
Xanlar Haqverdiyev 1980-ci il de- kabr ayının 5-də vəfat etmişdir. Ə d ə b i y y a t Çəmənli, M. Sənətkar ömrünün izləri /M.Çəmənli.- Bakı: Adi- loğlu, 2006.- 128 s. Rəhimli, İ. Xanlar Məhəmməd oğlu Haqverdiyev //Rəhimli İ. Azərbaycan Dövlət Akademik Opera və Balet Teatrı.- Bakı, 2008.- S.332. Xanlar Haqverdiyev //Azərbaycan Sovet Ensiklopediyası: 10 cilddə.- Bakı, 1987.- C.10.- S.125. Xanlar Haqverdiyev //Üzeyir Hacıbəyli ensiklopediyası.- Bakı, 2008.- S.109. İ n t e r n e t d ə www.anl.az www.uzeyirbook.musigi- dunya.az 25 Opera müğənnisi 284 10 Teatr.Kino 65 illiyi Yaşar Nuri 1951-2012 SENTY ABR Yaşar Məmmədsadıq oğlu Nuriyev (Yaşar Nuri) 1951-ci il sentyabr ayının 3-də Bakıda tanınmış və unudulmaz aktyorumuz Məmmədsadıq Nuriyevin ailəsində anadan olmuşdur. Səhnədə ilk dəfə on bir yaşında “Toy kimindir?” (dramaturq Məhərrəm Əlizadə) tama- şasında Tapdıq rolunda çıxış etmişdır. Məktəbli vaxtlarında dövlət televiziyası- nın “Yelkən” verilişinin aparıcılarından olmuşdur. Bundan başqa o, “Buratino”, “Qaranquş”, “Pioner” uşaq verilişi- teatrlarında müntəzəm iştirak etmiş, müxtəlif dram dərnəklərinə getmişdir. 1968-ci ildə Bakıdakı 173 saylı orta məktəbi bitirmiş, Azərbaycan İncəsənət İnstitutunun (indiki ADMİU) dram və kino aktyorluğu fakültəsinə daxil ol- muşdur. Kurs rəhbərləri tanınmış səhnə xadimləri Rza Təhmasib və Əliheydər Ələkbərovdan aktyorluq sənətinin incəliklərini öyrənmişdir. Tələbəlik illərində Balaş (“Sevil” C.Cabbarlı), Salmanov (“Toy”S.Rəhman), Neznamov (“Günahsız müqəssirlər” A.N.Ostrovski) və s. obrazlar yaratmışdır. 1974-cü il dekabr ayının 1-də Akade- mik Dram Teatrının baş rejissoru Tofiq Kazımovun dəvəti ilə kollektivin aktyor truppasına qəbul olunmuşdur. Yaşar Nuri Milli Dram Teatrında işlədiyi gündən repertuarda olan bir çox tamaşalarda iştirak etmişdir. Aka- demik Milli Dram Teatrının səhnəsində ilk rolu Aleksandr Vampilovun “Öv- lad” (“Böyük oğul” 1974) komediya- sının tamaşasında Silva rolu olmuşdur. Bundan başqa o, Pərviz (“Bağlardan gələn səs” İ.Əfəndiyev - 1975), Qa- sım (“Quşu uçan budaqlar” Ə.Əylisli - 1978), Sərsəm Salman (“Dəli yığıncağı” C.Məmmədquluzadə - 1978), Əbdüləli bəy (“Sevil” C.Cabbarlı - 1978) və s. obrazlarını yaratmışdır. Yaşar Nuri həm də məşhur kino usta- sı idi. Əlliyə yaxın bədii filmə çəkilmiş, Azərbaycan Dövlət Televiziyasında ha- zırlanmış yüzdən çox tamaşada, bədii kompozisiyada, satirik səhnəciklərdə iştirak etmişdir. Onun əsasən baş rolla- rı ifa etdiyi teletamaşalar televiziyanın qızıl fondunda daimi sənət nümunələri kimi qorunur. Bunlara R.Həsənoğlunun hazırladığı R.Qasımovanın “Yollar görüşəndə...”, “Ömrün yolları”, İsi Məlikzadənin “Qatarda”, Anarın “Evləri köndələn yar”, Mövlud Süleymanlının “Kökdən düşmüş piano”, H.Cavidin “To- pal Teymur”, A.Qəhrəmanovun əsərləri əsasında lentə alınmış “Səni axtarıram”, “Bağışla”, “Səndən xəbərsiz” trilogi- yası və s. televiziya tamaşalarını misal göstərmək olar. Aktyor özünü həm kino- da, həm də teatrda rejissor kimi sınamış, teatrda İ.Məlikzadənin “Subaylarınızdan görəsiniz” əsərinə quruluş vermiş, kino- da isə “Spasibo” filmini ekranlaşdırmış- dır. 1981-ci ildə “Azərbaycan SSR-in Əməkdar artisti”, 1989-cu ildə “Xalq ar- tisti” fəxri adlarına layiq görülmüş, 1991- ci ildə 40 illik yubileyində “Yaramaz” filmindəki roluna görə Dövlət mükafatı laureatı olmuş, 1992-ci ildə isə “Qızıl dərviş” mükafatına layiq görülmüşdür. 2005-ci ildən Azərbaycan Respublika- sının Fərdi təqaüdçüsü idi. 2011-ci ildə “Şöhrət” ordeni ilə təltif olunmuşdur. Yaşar Nuriyev 2012-ci il noyabr ayı- nın 22-də vəfat etmişdir.
Yüklə 6,03 Mb. Dostları ilə paylaş:
|