§3. Seçilmiş antiböhranlı strategiyanın reallaşdırılması.
Müəssisənin iqtisadi böhrandan çıxması üçün taktiki (operativ) tədbirlərə bunlar aid edilə bilər: xərclərin azaldılması, bəzi bölmələrin bağlanması, heyətin ixtisarı, istehsal və satiş həcminin azaldılması, fəal marketinq tədqiqatları, məhsulun qiymətinin artırlması, cari zərərlərin dəqiqləşdirilməsi, daxili ehtiyyatların üzə çıxarılması, mütəxəssislərin cəlb edilməsi, kreditlərin alınması, nizam-intizamın möhkəmləndirilməsi və s.
Strateji və operativ planlaşdırma qarşılıqlı əlaqədə olduğundan onlardan hər hansı biri ilə ayrılıqda məşğul olmaq mümkün deyil. Odur ki, taktiki planlaşdırma seçilmiş strategiya çərçivəsində həyata keçirilməlidir. Belə ki, strateji məqsədlərdən kənarda iqtisadi böhrandan çıxmağa yönəlmiş operativ tədbirlər, müəssisənin maliyyə vəziyyətini müvəqqəti olaraq yaxşılaşdırsa da böhranı törədən əsas səbəbləri aradan qaldıra bilməz.
Taktiki planlaşdırmanın birinci mərhələsi seçilmiş antiböhranlı strategiyanın reallaşdırılmasından ibarətdir ki, bu zaman menecerlər düşünülmüş halda müəyyən işlər görməlidirlər.
Yeni strategiyanın reallaşdırılması zamanı menecerlər diqqəti əsasən buna yönəltməlidirlər: dəyişikliklər necə qəbul ediləcək, kim müqavimət göstərəcək və hansı davranış tərzi seçilməlidir. Bu zaman müqavimət minimuma edirilməli və ya dəyişikliklərin məzmun və mahiyyətindən asılı olmayaraq ümumiyyətlə aradan qaldırılmalıdır.
Taktiki planlaşdırmada ikinci (soununcu ) mərhələ , strategiyanın yerinə yetirilməsinin qiymətləndirilməsi və ona nəzarətin həyata keçirilməsidir.Bu iş strategiyanın reallaşdırılmasının hansı səviyyədə müəssisənin məqsədlərinə nail olmasını aydınlaşdırmağa yönəlməlidir.
Dostları ilə paylaş: |