5. Praktik psixoloqun fəaliyyətinin hüquqi-normativ bazası və fəaliyyətinin planlaşdırılması. Praktik psixoloqun təhsil müəsisəsində fəaliyyəti 3 tip sənəddə əks olunur: normativ sənədlər; xüsusi sənədlər; təşkilati-metodik sənədlər. 1. Normativ sənədlər praktik psixoloqun təhsil müəssisəsində peşə fəaliyyətinin normativliyini və standartlarını göstərən sənədlərdir. Bunlar aşağıdakılardır:
Təhsil haqqında Qanun;
BMT-nin Uşaq hüquqları haqqında Konvensiyası;
Təhsil sistemində psixoloji xidmət haqqında “Əsasnamə”;
Praktik psixoloq haqqında “Əsasnamə”;
Praktik psixoloqun ixtisas xarakeristikası (vəzifə haqqında təlimat və mütəxxsisin standartı);
2. Xüsusi sənədləşdirmə psixoloqun işinin keyfiyyətini qiymətləndirməyə imkan verir. Xüsusi sənədləşdirməyə daxildir: psixoloji rəylər; korreksiya xəritələri; psixi inkişaf xəritəsi; diaqnostik müayinə protokolları;psixoloji xasiyyətnamələr; psixoloji rəylərdən çıxarışlar və s. Qeyd olunan sənədlərdən rəylər, korreksiya xəritələri və müayinə protokolları məxfi, digərləri isə açıq, sərbəst sənəd hesab edilir ki, psixoloq onlar əsasında maraqlanan şəxslərə müəyyən məlumatlar verə bilər.
Normativ sənədlər direktiv sənədlər kimi də qeyd olunur. Direktiv sənədlərdə təhsil müəssisələri və iştirakçıların hüquq və vəzifələri, fəaliyyət sahələri, prinsipləri, funksiyaları sistemləşdirilir. Hazırda məktəb psixoloqlarının istifadə etdikləri sənədlər siyahısı rəsmi qaydada təsdiq edilməmişdir. Təqdim olunan sənədlər tövsiyə xarakteri daşısa da dünyanın bir sıra ölkələrində məktəb psixoloqlarının iş təcrübəsində uğurla istifadə edilir.
Məktəb psixoloqunun təlimati sənədləri: Psixoloji xarakteristika praktik psixoloqun fəaliyyətinə aid sənədlərdən biridir, uşaqların psixi inkşafının səviyyəsini əks etdirir. Psixoloji xarakteristikanın tərtibi üçün müxtəlif nümunələr vardır. Burada psixoloq uşağın intellektual, fərdi-psixoloji xüsusiyyətlərinin obyektiv təhlilini verir, bütövlükdə isə ümumi və xüsusi qabiliyyətləri haqqında ümumi qeydlər edir.
