Mövzu: 2 Təhsildə sosial-psixoloji xidmətin mövzusu, məqsədi, vəzifələri və prinsipləri Plan

Psixoloji rəylərin tərtibində həm forma, həm də məz­mun baxımından müxtəliflik müşahidə olunur. Psixoloji rəy yığcam, məzmunca dolğun olmaqla uşağın fərdiyyətinə aid qı­sa nəticələrdən, ümumi və xüsusi tövsiyələrdən ibarət olmalı­dır. Müasir təhsil sistemində praktik psixoloji xidmət təcrübə­sində psixoloji rəylərin tərtibinin 2 əsas variantı var.

1. 
   variant. Psixi inkişafın hissələrə bölünmüş parametrlər üzrə xarakteristikası əsasında hazırlanan rəylər. Belə psixoloji rəylərdə hər şeydən əvvəl motorikanın inkişaf göstəriciləri, ya­zı vərdişlərinin nümunəyə uyğunluğu, öyrənməyə qabillik, motivasiya-tələbat və intellektual sferanın yetkinliyi kimi göstəri­cilər əsas yer tutur.
   
2. 
   variant. Bu varianta aid rəylər mürəkkəb parametrlər əsasında tərtib edilir. Burada uşağın əzbər bildiyi şeirlərin sayı, boyun, çəkinin, döş qəfəsinin göstəricilə­ri və s. haqqında məlumatlar əks olunur.
   

Göstərilən hər 2 rəy formasında kompleks müayinənin göstəriciləri kifayət qədər əks olunmadığına görə, onlar tam doğru hesab etmək olmaz. Ona görə də psixoloji rəy­lərdə aşağıdakı parametrlər ön plana çəkilməlidir:

1. 
   ümumi fiziki inkişaf;
   
2. 
   idrak sferasının inkişafı;
   
3. 
   şəxsi-emosional sferanın inkişafı;
   
4. 
   kommunikativ inkişaf;
   
5. 
   uşaq fəaliyyətinin səciyyəsi;
   
6. 
   məktəbə hazırlıq;
   
7. 
   inkişafın xüsusiyyətləri;
   
8. 
   inkişaf problemləri;
   
9. 
   tövsiyələr.
   

Korreksiyaedici xəritə – korreksiyaedici işlərin strategiya və taktikasını əks etdirir. Bu sənəddə uşaq haqqında ilkin məlumatlar, ilkin problem (uşaqda psixi inkişafın pozulmasının xüsusiyyətləri, korreksi­yaedici təsirin vasitələri, aparılacaq işin müddət və mərhələləri, müəllim və valideynlər üçün tövsiyələr, hər bir korreksiyaedici məşğələdən sonra uşaqda müşahidə olunan dəyişikliklərin di­namikası haqqında məlumat, ümumi tövsiyələrlə birgə yekun xarakteristika) öz əksini tapmalıdır.