Assosiasiya vaksinasiyası anlayışı bir neçə antigendən hazırlanmış vaksin və ya tətbiq olan zaman hazır vaksinləri qatışdırıb heyvanın bir yerə vurulması başa düşülməlidir.
Birgə (kompleks) vaksinasiya anlayışı bir neçə vaksinin heyvanın ayrı-ayrı nahiyyələrinə vurulması başa düşülməlidir.
Ardıcıl vaksinasiya bir neçə vaksinin bir-birinə ardıcıl şəkildə müəyyən vaxt keçdikdə vurulması başa düşülür.
Passiv vaksinasiya da infeksion xəstəliklərin spesifik profilaktika tədbirlərinə aiddir. Burada immun serumlar, qlobulinlər və s. tətbiq edilməklə tez, ancaq qısa müddətli immunitet əldə edilir.Ona görə də bu üsulla aparılan profilaktikaya təcili profilaktika da deyilir.
Təcili profilaktika məqsədilə spesifik hiperimmun serumlardan, rekonvalisent serumdan, immun qlobulinlərdən, immun laktonlardan isrifadə edilir. Bu üsul əsasən infeksion xəstəliklərin baş verməsi zamanı hələlik sağlam heyvanlarda təcili immunitetin əldə edilməsi məqsədilə işlədilir. Hazırda heyvandarlıq komplekslərində körpələrdə bir çox alimentar və respirator infeksiyalar əleyhinə müalicə-profilaktika məqsədilə təcili profilaktikadan geniş istifadə edilir.
Serumlar əsasən əzələyə, bəzən isə vena daxilinə yeridilir. Müalicəvi serumlar monovalent və polivalent hazırlanır.
Dostları ilə paylaş: |