O‘zbekiston respublikasi ichki ishlar vazirligi a k a d e m I y a

Budjet mablag‘laridan foydalanish tamoyillari.
Davlatning barcha 
pul mablag‘lari, ularning kelib chiqish manbasidan qat’i nazar, yagona 
foydalanish tamoyillariga ega. Budjet mablag‘laridan foydalanish 
tamoyillari ichida pul mablag‘larini rejali xarajat qilish asosiy rolni 
o‘ynaydi. Davlat xarajatlari jamiyatning ijtimoiy-iqtisodiy rivojlanishi 
vazifalarini rejalashtirish asosida taqsimlanadi. Bunda moliya organlari 
ijtimoiy va iqtisodiy rivojlanishning barcha ishlab chiqarish 
ko‘rsatkichlarini pul mablag‘lari bilan ta’minlashlari lozim. Har qanday 
kapital kurilish obyekti o‘z vaqtida pul mablag‘i bilan ta’minlanmasa, 
hyech qachon boshlanmaydi va tugatilmaydi. 
Davlat xarajatlari 
qonunchilik tamoyili 
asosida amalga oshiriladi. 
Moliya va kredit organlari faqatgina normativ aktlarda nazarda tutilgan 
xarajatlarni qilishlari mumkin. 

---

174
Davlat xarajatlarining majburiy talablaridan biri bu uning tegishli 
moliyaviy rejalarga – budjet, smeta yoki daromadlar va xarajatlar 
balansiga kiritish bo‘lib hisoblanadi.
Davlat xarajatlarining mazmuni va tuzilishi davlat oldida turgan 
vazifa va funksiyalardan, jamiyatni ijtimoiy-iqtisodiy rivojlantirishning 
aniq vazifalaridan kelib chiqqan holda belgilanadi. 
Davlat xarajatlari normativ aktlarda belgilangan maxsus xarajatlar 
bo‘yicha amalga oshiriladi. Xarajatlar ikkiga bo‘linadi: 
a) budjet mablag‘lari bo‘yicha xarajat; 
b) xo‘jalik yurituvchi subyektlarning mablag‘lari bo‘yicha xarajat. 
Budjet mablag‘lari bo‘yicha xarajatlar budjet tasnifi bilan belgilanadi.
Xo‘jalik yurituvchi subyektlarning mablag‘lari bo‘yicha xarajatlar 
esa, daromadlar va xarajatlar balansi bilan belgilanadi.
Moliyalashtirish tushunchasi va tamoyillari. 
O‘zbekiston 
Respublikasida davlat mablag‘lari turli maqsadlarga va turli tartibda 
yo‘naltiriladi. Lekin pul mablag‘larining asosiy qismi moliyalashtirish 
orqali taqsimlanadi va xarajat qilinadi. 
Rus huquqshunosi N.A.Kufakovaning fikricha,