O`zbekiston respublikasi oliy va o`rta maxsus ta'lim vazirligi o`zbekiston tarixi

IX-XII asrlarda islom dini va so`fiylik
IX-XII asrlarda islom dini O`rta Osiyo xalqlari davlatchiligi tarixida katta rol o`ynay boshladi. Movarounnahrda bu davr arab xalifaligidan mustaqil bо`lgan davlatlarning paydo bo`lishi va rivojlanishi davri bо`lgan bo’lsa islom bu vaqtda Sharqda keng tarqalib jahon dini darajasiga ko`tariladi, musulmon dunyosining mafkurasiga aylanadi. Arab tili davlat tili darajasiga ko`tariladi. Azaldan savodli bо`lgan, madaniyat darajasi yuqori darajaga ko`tarilgan xalq tez orada nafaqat arab tilini, balki islomni ham chuqur o`rganib, arab tili va shariat masalalarida kitoblar yozadigan olimlarni yetishtirib chiqara boshladi.
Xalifalikdan ajralib chiqqan mustaqil davlatlar somoniylar, qoraxoniylar, saljuqiylar va g`aznaviylar, Xorazmshohlar davrida bu mustaqil markazlashgan davlatlarni yanada mustahkamlash uchun islom diniga, uning ta'limotiga, tarixiy ahkomlariga e'tibor bir necha bor kuchaya boshlaydi. Shaharlarda masjidlaru-madrasalar qurilishiga e'tibor berila boshladi. Masalan, manbalarning darak berishicha, Buxoroda dastlabki madrasa Kovushdo`zlar timi yaqinida barpo qilinadi. Hatto qonunshunoslar uchun ham maxsus "Faqihlar madrasasi") degan ixtisoslashtirilgan madrasa qurdirilgan. Bunday bilim maskanlarida Qur'oni karim, Hadis ilmi va shariat asoslari har tomonlama mukammal o`rganilgan.
O`sha davr shaharlari orasida islom dini ta'limotini chuqur targ`ib qilishda Buxoro shahri alohida o`rinni egallaydi. Yuqorida qayd qilinganidek, madrasayu, maktablarning borligi bu yerda yetuk ilohiyot fani namoyondalarini yetishib chiqishiga xizmat qiladi. Shuning uchun bo`lsa kerak, Buxoro shu davrdan boshlab "Qubbat-ul-islom"("Islom dinining gumbazi") nomi bilan shuhrat topa boshlaydi.
Sekin-asta markazlashgan davlatning asosiy mafkurasiga aylangan islom dini boshqa diniy qarashlarni siqib chiqara boshlaydi va xalq ommasini itoatda ushlab turish uchun qurol vositasi rolini ham bajara boshlaydi.
Bu davrda islom ta'limotiga bebaho hissa qo`shgan Imom al-Buxoriy va Iso at-Termiziy kabi ko’plab ulamolar yetishib chiqdilar. Ular shu kunga qadar Hadis ilmining eng ko`zga ko`ringan, butun musulmon dunyosi tomonidan tan olingan allomalari darajasiga ko`tarilgan zotlardir.


Imom Buxoriy (809-870-yy.) Buxoroda tug`ilib, shu yerda birinchi bilimlarni oladi. So`ngra bilimini yanada chuqurlashtirish maqsadida Makka, Madina, Bag`dod, Damashq, Kufa, Nishopur kabi shaharlarga boradi-Manbalardan bizga ma'lumki, Imom Buxoriy islom dini masalalariga bag`ishlangan 20 ga yaqin asar yozgan. Shu kitoblar orasida Buxoriyning butun dunyoga mashhur qilgan asari "Al-Jome' as-Sahih" ("Ishonchli to'plam")dir. Bu asar 160 qismdan iborat bo’lib, 3450 bobni o`z ichiga oladi. Buxoriy hadislarini to`plash va bayon etishda uni haqiqiyligiga asosiy e'tibor bergan, uni haqiqatga yaqinligini isbotlovchi dalillarni keltirgan va shu asosda hadislarni tasnif qilgan olimdir. Uning diqqat markaztda fanning inson uchun tarbiyaviy ahamiyati, uning ma'naviy yuksalishi, fozilligi, donoligi, yaxshi va yomonni ajrata olishi turadi. Umrining oxirida u o`z Vataniga qaytib keladi va Samarqand yaqinida vafot etadi. Mustaqillik yillarida bu ulug` bobakalonimiz ruhini shod etib, O`zbekiston Prezidenti Islom Karimov tashabbusi bilan uning vafot etgan joyida ulkan majmua-bino barpo qilindi. Hozirda bu joy nafaqat mamlakattmiz fuqarolarini, balki butun musulmon dunyosi ahlini ziyoratgoh joyiga aylangan.

Imom at-Termiziy (824-892-yy.) Termizdan uncha uzoq bo`lmagan Bug` qishlog`ida tug`ilgan. U ham Buxoriy singari Sharqning juda ko`p shaharlarida bo`lib, o`z bilimini oshirishga harakat qiladi. At-Termiziy hadislardan tashqari filologiya, tarixga oid asarlar ham yozdi. Uning 10 dan ortiq yozgan asarlari orasida nomini butun musulmon olamiga mashhur qilgan asari "Jome at-Termiziy" yoki "Sunan at-Tertniziy"dir. Bu asar islomda ulamolar tomonidan haqiqat deb tan olingan mashhur hadislar to`plamidan biridir.
Islom dinining mamlakatda asosiy din sifatida tan olinishi, boshqa dinlarning oyoq-osti qilinishi, bu davrda mehnatkash omma turmush tarzining og`irlashuvi ular orasida ularni yupatishga, ularning ruhini yengil qilishga yordam beruvchi g`oyani qidirishga majbur qila boshladi. Bu g`oya tasavvuf g`oyasi bo`ldi.