«O’zbеkistоn tеmir yo’llаri» aj

«O’zbеkistоn tеmir yo’llаri» AJ
Tоshkеnt tеmir yo’l muxаndislаri instituti
FIZIKA

“Fizika” fanidan barcha sirtqi ta’lim yo’nalishlari bakalavriat talabalari va professor-o’qituvchilari uchun nazorat ishlarini bajarishga doir uslubiy qo’llanma

1 – qism

Tоshkеnt – 2019

UDK 531/537
F 58


Tuzuvchilar: B. A. Mirsalixov – f.-m.f.n., dots;
G. Sh. Sultanxodjayeva – katta o’qituvchi.


Taqrizchilar: M. Qurbonov – p.f.d., prof. (O’zMU)
M. Yu. Mansurova – p.f.n., dots (TTYMI)

Ushbu uslubiy qo’llanma texnika yo’nalishidagi barcha mutaxassisliklarning sirtqi bo’lim bakalavriat talabalari uchun tayyorlangan. Qo’llanmada talabalar uchun metodik ko’rsatmalar, o’quv-qo’llanma bilan mustaqil ishlashga oid yo’l-yo’riqlar, har bir mavzuga oid asosiy formulalar va tushunchalar, doimiy kattaliklar, asosiy kattaliklarning XBSdagi o’lchov birliklarining ta’riflari keltirilgan. Qo’llanma uchta bobdan iborat bo’lib, har bir bobda masalalar yechish namunasi, mustaqil yechish uchun masalalar va nazorat ishini bajarishga mo’ljallangan masalalar berilgan.

SO’Z BOSHI
Ushbu o‘quv metodik qo‘llanmaning maqsadi – texnika yo‘nalishidagi oliy ta’lim muassasalarining sirtqi bo‘lim talabalariga fizika kursini o‘rganishda yaqindan yordam ko‘rsatishdan iborat.
Kurs dasturining asosiy o‘quv materiali qo‘llanmada uchta bo‘limga bo‘lingan. Ularning har birida mavzularga doir asosiy formulalar va tushunchalar, masalalar yechish namunalari va nazorat topshiriqlari berilgan. Bundan tashqari, qo‘llanmada umumiy metodik ko‘rsatmalar, taqribiy hisoblashlar haqida ma’lumotlar keltirilgan.


UMUMIY METODIK KO‘RSATMALAR
Sirtqi bo‘lim talabasining fizika kursini o‘rganishga oid o‘quv ishi quyidagi asosiy elementlardan tashkil topadi: fizikani o‘quv qo‘llanmalardan mustaqil o‘rganish, masala echish, nazorat ishlarini bajarish, laboratoriya ishlarini bajarish, imtihonlarni topshirish.