Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu

Fiziki tərbiyənin əhəmiyyəti. 
Fiziki tərbiyə insanın harmonik fiziki inkişafını 
təmin etməklə və mənəvi-iradi dayanıqlığını formalaşdırmaqla cəmiyyətdə 
müstəsna əhəmiyyətə malikdir. Bu ilk növbədə fiziki tərbiyənin aşağıdakı 
xarakterik xüsusiyyətləri ilə əlaqədardır: 
Fiziki tərbiyənin tərbiyəvi əhəmiyyəti. 
Ümumtəhsil məktəblərində fiziki 
tərbiyənin tədrisi qarşısında qoyulan əsas məqsədlərdən ən əhəmiyyətlisi öz 
vətənini, xalqını, millətini sevən, fiziki cəhətdən hazırlıqlı, nümunəvi davranışa 
malik, mübariz və tolerant insan tərbiyə etməkdir. Səmərəli qurulmuş fiziki 
tərbiyə prosesi qeyd olunan məqsədlərin həyata keçirilməsi üçün zəruri şəraitin 
yaradılmasına imkan verir. Kiçik kollektivin, komandanın mənafeyiləri uğrunda 
mübarizə sonda vətənpərvərliyə,yoldaşları ilə ünsiyyət-əməkdaşlığa, oyun 
qaydalarına riayət və rəqibə hörmət – tolerantlığa, rəqabət və qalib gəlmək ehtirası 
– mübarizliyə, ani qərər qəbul etmək və onu reallaşdırmaq – qətiyyət 
xüsusiyyətləri kimi formalaşdırılır.
 
Fiziki tərbiyənin sağlamlaşdırıcı və inkişafetdirici əhəmiyyəti. 
Optimal 
hərəkət, fiziki yük insanın psixomotor fəaliyyətinin formalaşmasında mühüm rol 
oynayır. Ayrı-ayrı hərəki qabiliyyətlərin inkişafına yönəlmiş fiziki yükün dərs 
prosesində tətbiqi qan dövranını intensivləşdirməsi ilə orqanizmin inkişafını təmin 
edən maddələr mübadiləsini və müxtəlif funksional sistemlərin işini xeyli 
yaxşılaşdırır. Bu cəhətdən də müntəzəm fiziki yük böyüyən orqanizmin sağlamlığı 
və inkişafı üçün olduqca zəruri əhəmiyyət daşıyır.

---

6 
Fiziki tərbiyənin maarifləndici əhəmiyyəti. 
Fiziki tərbiyə prosesində insan 
sağlamlığı və ona təsir edən amillər haqqında geniş informasiyanın əldə edilməsi, 
sağlamlığın qorunması, möhkəmləndirilməsi və reablitasiyası üçün hərəkətlərdən 
və digər vasitələrdən istifadəyə dair biliklərə və metodlara yiyələnmə özünün 
“sağlam olmaq məsuliyyəti”ni dərk edən, “sağlamlıq mədəniyyətinə” malik olan 
gənclərin cəmiyyətə inteqrasiyası üçün şərait yaradır.