Kitab-ibrahim-esas Layout 1
Yüklə 4,35 Mb. Pdf görüntüsü
|
|
Vurğun İbrahimov,
əmisi oğlu İBRAHİMDƏN QALANLAR İ brahim Nizami oğlu Ömərov şəxsiyyəti haqqında bir əmioğlu kimi öz‑özlüyümdə çox düşündüm, bu insan haqqında fikirlərimi sizlərə hansı sözlərlə çatdırım kı, yaşa‑ dığı qısa, ancaq mənalı ömrünün bir hissəsini əhatə etsin. Sə‑ mimiyyətimə inanın, duyduğum qəhər hissi, boşluq, ürək yanğısı və mənasını izah edə bilmədiyim hisslərim fikirlərimi çatdırmaqda mənə çətinlik yaratdı. İbrahim və Ömər babalarımızın adlarını özündə ad və soyad kimi daşıyan İbrahim Nizami oğlu Ömərov doğrudan da həmin nəslin nümunəvi davamçılarından biri olduğunu qısa bir ömür səhifəsində göstərə bilmişdi. İbrahimə çox vaxt qo‑ humlar arasında elə İbrahim baba deyərək də müraciət edirdik. İbrahim məndən təxminən bir neçə yaş böyük idi. Onunla bağlı ilk xatirələrim təxminən 25 il bundan əvvəlki illəri əhatə edir. İbrahimin uşaqlıq illərini xatırlayanda insanın gözü önünə çevik, zarafatçıl, ağıllı, münasibət qurmağı bacaran bir A Ğ L I N Z İ R V Ə S İ N D Ə S Ö N Ə N B İ R Ç I R A Q 232 oğlan uşağı gəlir. Bu gün də onunla bağlı anları xatırlayanda, babası Alı kişi və Fatma nənəsi ilə etdikləri zarafatlar yada düşür və insanların simasında indi də gülüş yaradır. İbrahimlə bağlı xatirələri canlandıranda Qərbi Azərbayca‑ nın Amasiya rayonunun Göllü kəndində yaşadığı baba ocağı olan Alı kişinin evinin arxasında “sanka” ilə qışda qarda sü‑ rüşdüyü , “çilik‑çubuq” və digər oyunların oynadığı, həmçinin məlum müharibə səbəbindən Azərbaycana köç etdikdən sonra uşaqlar üçün yay istirahət düşərgələrində keçirdiyimiz uşaqlıq illərinin qayğısız‑qadasız gözəl vaxtları bir kino lenti kimi gözümün önündən gəlib kecir. O vaxtlar fikirləşə bilməz‑ dim ki, bir gün gələcək İbrahim əmioğlu ömrünün 37‑ci baha‑ rında bizləri tərk edib gedəcək və mən də onun haqqında xatirələrimi yazmağa məcbur qalacam.Allah geridə qalanlar‑ mızı vaxtsız ölümdən qorusun.Artıq o vaxtlardan təxminən çox illər keçib, bir çox böyüklərimiz, əzizlərmiz, doğmalarımız dünyasını dəyişib. Həmin insanları xatırlayanda o illəri , anları yenidən yaşamaq hissi insanın təfəkküründə hər zaman yeni‑ dən oyanır. Ancaq çox təəssüf! Dünyanın acımasız düzəni be‑ lədir, insanlar dünyadan köçür yalnız xatirələri yaşayır. Hər bir insanın uşaqlıq illəri öz yerini gənclik illərinə burax‑ dığı kimi, İbrahim də gözünü açdı və gördü ki, artıq gənclik dövrü onu haqlayıb. İbrahim əmioğlu yaşadığı ev babaocağı olduğu üçün ətrafda olan qohumlar ora tez‑tez gedərdik. İb‑ rahim hər zaman elmi biliyini inkişaf etdirmək üçün öz üzə‑ rində çalışan, günün çox vaxtlarında kitab oxuyan bir gənc idi. İbrahimin bu yolda atdığı qətiyyətli adımlar tezliklə öz bəh‑ rəsini verdi və bir neçə ali təhsil müəssisəsində təhsil aldıqdan sonra bu istiqamətdə elmi‑pedaqoji fəaliyyətini davam etdirdi. Azərbaycan gəncliyinin inkişafı və gənclər siyasətinin for‑ malaşmasında öz bilik və bacarıqını əsirgəmədi. Bu fəaliyyət A Ğ L I N Z İ R V Ə S İ N D Ə S Ö N Ə N B İ R Ç I R A Q 233 istər ölkə daxilində, istərsə də vətəndən kənarda – ictimai‑si‑ yası forumlarda, elmi tədbirlərdə özünü göstərmişdir.İbrahi‑ min qazandığı uğurlar, naliyyətlər sayəsində yeni sahələrə təyinatları biz qohumları həmişə sevindirmiş və bundan qürur hissi duymuşuq. İbrahimin atası Nizami Alı oğlu Ömərov da öz dövrünün ziyalılarından idi. Atasının yazdığı bir çox şeirlərin, pyeslərin işıq üzü görməsində İbrahimin müstəsna rolu var idi. Atasın‑ dan irsən keçən mərhəmət, xeyirxahlıq hissləri İbrahimin da‑ xilində daha da formalaşmış və çətində olan insanlara qarşı hər zaman diqqətli olmuş və öz köməkliyini göstərmişdir. Sonda qeyd etmək istəyirəm ki, bir çoxlarının heç vaxt ba‑ carmadıqlarını, İbrahim yaşadığı 37 illik qısa ancaq şərəfli, mə‑ nalı, faydalı bir ömür yolunda edə bildi. Ancaq hələ İbrahimin vətəninə, doğmalarına, ailəsinə, dostlarına edə biləcəyi çox şeylər vardı. İbrahim bu dünyadan köç edib getdi, geridə gö‑ zündə qalan arzuları, gözü yaşlı anası, yoldaşı, bir də iki övladı qaldı. Allah rəhmət eləsin! |