Qaydalar azərbaycan respublikasi föVQƏladə hallar nazirliyi

2.5. Tutumun divarlarinda deşiklərin yerləşdirilməsi

2.5.1. Lyuklar, baxış lyukları və ştuserlər üçün deşiklər bir qayda olaraq qaynaq tikişlərindən aralı yerləşməlidir.

Deşiklərin aşağıdakı qaydada yerləşdirilməsinə yol verilir:

• 
  əgər deşiyin nominal diametri 150 mm-dən çox deyilsə, tutumların silindrik və konus obeçaykalarının uzununa qaynaq tikişi üzərində;
  

• 
  deşiklərin diametrini məhdudlaşdırmadan tutumların silindrik və konus obeçaykalarının üzərindəki halqavari qaynaq tikişləri üzərində;
  

• 
  tutumun dibinin qaynaq tikişlərini radioqrafiya və ya ultrasəs defektoskopiya üsulu ilə
  

100% yoxlanması şərti ilə deşiklərin diametrini məhdudlaşdırmadan qabarıq diblərin qaynaq tikişləri üzərində.

2.5.2. Torosferik (qutuyabənzər) diblərdə deşikləri mərkəzi sferik seqment dairəsində (hüdudunda) yerləşdirməyə yol verilir. Bu halda xorda üzrə ölçülən, dibin mərkəzindən deşiyin xarici haşiyəsinə qədər olan məsafə 0,4D-dən böyük olmamalıdır (burada D-dibin xarici diametridir).

61. 
    BÖLMƏ
    

MATERİALLAR

3.1. Tutumların hazırlanması üçün tətbiq edilən materiallar verilən istismar şəraiti (hesablama təzyiqi, minimal mənfi və maksimal hesablama temperaturu), mühitin tərkibi və xarakteri (korroziya fəallığı, partlayış təhlükəsi, zəhərliliyi və s.) və ətraf mühitin temperaturunun təsiri nəzərə alınaraq hesablanmış istismar müddəti ərzində onun etibarlı işini təmin etməlidir.

3.2. Tutumların və onun elementlərinin hazırlanması, montajı və təmiri üçün Əlavə 4-də göstərilmiş əsas materiallar tətbiq edilməlidir.

Əlavə 4-də göstərilmiş parametrlərin müəyyən olunmuş hədlərini aşan və ya əlavədə göstərilməyən parametrlərlə iş üçün təyin olunan tutumların və onun elementlərinin hazırlanması üçün, eləcə də başqa standartlara və texniki şərtlərə uyğun materialların tətbiqi SİTGDMND Agentliyinin razılığı ilə o halda yol verilir ki, materialların keyfiyyəti və xassələri standart və TŞ-lə müəyyən olunmuş parametrlərdən aşağı olmasın və cihazqayırma, metalşunaslıq, qaynaq üzrə ixtissaslaşmış təşkilatın müsbət rəyi alınsın. İcazənin nüsxələri tutumların pasportuna əlavə edilməlidir.

3.3. Əgər əsas və lehimlənmiş təbəqənin materialları əlavə 4-də, lehimləmə materialları isə ixtissaslaşdırılmış təşkilatla razılaşdırılmış texniki şərtlərdə göstərilmişdirsə, qoruyucu üst qat çəkilmiş və lehimlənmiş materialları tətbiq etməyə yol verilir.

3.4. Açıq meydançada və ya qızdırılmayan yerdə quraşdırılmaq üçün təyin olunan tutumlar üçün materiallar seçilərkən verilən rayon üçün xarici mühitin mütləq minimal temperaturu nəzərə alınmalıdır.

3.5. Materialların və yarımfabrikatların keyfiyyəti və xassələri müvafiq standartların və texniki şərtlərin tələblərinə cavab verməli, tədarükçülərin sertifikatları ilə təsdiq olunmalıdır. Sertifikat və ya markalanma (nişanlanma) olmadığı və ya tam olmadığı halda tutum istehsalçısı (təmir, montaj təşkilatı) sertifikatı tamamlayacaq və ya əvəz edə biləcək bütün lazımi sınaqları, nəticələri protokollaşdırmaqla keçirməlidir. Sertifikatda yarımfabrikatın istehsalçı müəssisədə termiki emal rejimi göstərilməlidir.