Qayta tayyorlash va malakasini oshirish instituti pulatov jamshid abdumajitovich sportchilarni

 
"Avtobusda" o‘yini 
Maqsad: O‘quvchilarda muomala madaniyatini shakllantirish, 
sportchi shaxsilararo munosabatlarni ijobiy rivojlantirish. 

---

114 
Ishtirokchilardan biri avtobusdagi bezori rolini o‘ynaydi, qolganlar 
esa yo‘lovchilar. Bezori avtobusdagi ikkita o‘rindiqni egallab olib, biriga 
o‘zi o‘tiribdi, biriga esa magnitofonini qo‘ygan. U hech kimga joy 
bermoqchi emas.
Yo‘lovchilardan har biri bezori bilan til topishib 
uning yoniga o‘tirishga harakat qilib ko‘rishi kerak. Sharti shuki — 
maqsadga janjalsiz erishish lozim. 
 
"Avlodlar o‘rtasidagi nizo" o‘yini 
 
Maqsad: O‘quvchilarda muomala madaniyatini shakllantirish, 
sportchi shaxslararo munosabatlarni ijobiy rivojlantirish. 
Bunda uch kishi ishtirok etadi — yigit, qiz va katta yoshli odam. 
Avlodlar o‘rtasida " Eh, hozirgi yoshlar..." qabilida taqlid uyushtiriladi. 
Yigit va qizning vazifasi: imkon boricha xushmuomalalik bilan nizodan 
qochish. Jyuri a’zolari har bir o‘quvchining harakatini baholab boradi. 
 
"Orqadagi yozuvlar" 
Ishtirokchilarning orqalariga varaq mahkamlab qo‘yiladi. Hamma 
ishtirokchilar xonada xohlagan odamining oldiga borib uning orqasidagi 
qog‘ozga bu odamning nimasi o‘ziga yoqishini yozishi kerak. Vazifani 
mukammallashtirish ham mumkin. Masalan, o‘sha odamda nimani 
o‘zgartirishni xohlashini yozishi mumkin. 
 
 
Informatsiyani (ma’lumotni) so‘zsiz uzatish 
Bu o‘yinda boshlovchi yo‘naltirib turuvchi rolini bajaradi. 
Boshlovchi shunday tushuntirish beradi: "Hozir bir kishi xonadan 
tashqariga chiqib turadi, qolganlar esa unga qanaqa ma’lumotni aytish 
lozimligi haqida kelishib olishadi. Men uni chaqiraman, shunda butun 
guruh imo-ishora, turli qiliqlar va yuz harakatlari bilan unga shu 
informatsiyani uzatishga harakat qilishadi. Chaqirilgan odamning vazifasi 
— guruh unga aytmoqchi bo‘layotgan ma’lumotni anglab olishdan iborat". 
Boshlovchiga eslatma: Odatda, o‘smirlar o‘yin muhitidan nojo‘ya 
xatti-harakatlarni bajarish uchun bahona sifatida foydalanishlari mumkin. 
Albatta, bu o‘yinda nojo‘ya harakatlar bo‘lishi tabiiy, lekin kimki 
vaziyatdan sho‘xlik va hazil-huzul uchun foydalanmoqchi bo‘lsa, uni 
o‘ynayotgan guruhinng o‘zi tartibga keltirib qo‘yishi kerak. Bu usulning 
muhim ta’sir kuchiga egaligini hisobga olib, uni jamoatchilikdan holi va 
shovqin kam bo‘lgan maxsus xonalarda o‘tkazish maqsadga muvofiqdir.